Эсфир 8:8 - Коми Библия 2023

⁸ Ті асьныд гижӧй иудейяс йылысь тшӧктӧм, кутшӧм тіянлы колӧ. Гижӧй сійӧс ӧксы нимсянь да ӧксылӧн чунькытшнас пуктӧй вынсьӧдана пас. Ӧксы нимсянь гижӧм да ӧксы чунькытшӧн вынсьӧдӧм гижӧдсӧ некод вежны оз вермы».

Эсфир 8:8 Iomraidhean Croise

Ӧксыяслӧн 3 небӧг 21:8

Езавель гижис Ахав нимсянь гижӧд, вынсьӧдіс сійӧс ӧксылӧн чунькытш пасӧн да ысталіс юрнуӧдысьяслы да нималана йӧзлы Изреель карӧ, кӧні оліс Навот.

Эсфир 1:19

Шогмана кӧ ӧксылы, мед петас сысянь тшӧктӧм, мый Астинь некор оз вермы локны Артаксеркс ӧксы водзӧ, а ӧксы-аньӧ сійӧ босьтас бурджык аньӧс. Тайӧ тшӧктӧмсӧ мед гижасны персияса да мидияса индӧдӧ, кытысь нинӧм вежны оз позь.

Эсфир 3:12

Медводдза тӧлысьлӧн дас коймӧд лунӧ чукӧртісны ӧксылысь гижалысьясӧс. Аманлысь тшӧктӧмсӧ найӧ гижисны ӧксылӧн сатрапъяслы, [Индиясянь Эфиопияӧдз сё кызь сизим] ӧксыув муын юралысьяслы да войтыръяслӧн веськӧдлысьяслы. Гижӧдсӧ дасьтісны ӧксыув муясын олысьяслӧн шыпасъясӧн да быд войтырлӧн чужан кыв вылын. Сійӧс вӧлі гижӧма Артаксеркс ӧксы нимсянь да вынсьӧдӧма ӧксылӧн чунькытш пасӧн.

Эсфир 8:10

Мардокей гижис Артаксеркс ӧксы нимсянь, вынсьӧдіс гижӧдсӧ ӧксылӧн чунькытшнас да ыстіс сійӧс верзьӧмаяскӧд ӧксылӧн медбур вӧвъяс вылын.

Эсфир 8:5

Сэсся шуис: «Ӧксылы кӧ шогмана, да сійӧ кӧ бур сьӧлӧма ме дінӧ, и тайӧ могсӧ кӧ ӧксы лыддьӧ веськыдӧн, да ме кӧ сылӧн синлы вая нимкодьлун, мед гижас тшӧктӧм, мый Агагсянь чужысь Аммедат Аманлӧн гижӧдыс да ӧксыув муясысь иудейясӧс бырӧдӧм йылысь шуӧмыс абу нин вына.

Даниил 6:8

Сідзкӧ, ӧксыӧй, сет да кырымав сэтшӧм тшӧктӧм, мый мидияса да персияса индӧдӧс моз сійӧс оз позь вежны-бырӧдны».

2 Тимофейлы 2:19

Но Енмӧн пуктӧм подулыс вӧрзьывтӧм. Сэтчӧ пасйӧма: «Господь тӧдӧ Ассьыс йӧзсӧ», нӧшта пасйӧма: «Господьлысь нимсӧ висьталысь мед эновтчас лёксьыс».