Эсфир 8:5 - Коми Библия 2023

⁵ Сэсся шуис: «Ӧксылы кӧ шогмана, да сійӧ кӧ бур сьӧлӧма ме дінӧ, и тайӧ могсӧ кӧ ӧксы лыддьӧ веськыдӧн, да ме кӧ сылӧн синлы вая нимкодьлун, мед гижас тшӧктӧм, мый Агагсянь чужысь Аммедат Аманлӧн гижӧдыс да ӧксыув муясысь иудейясӧс бырӧдӧм йылысь шуӧмыс абу нин вына.

Эсфир 8:5 Iomraidhean Croise

Эсфир 2:17

Став гӧтыр дорсьыс ӧксылы Эсфир лои медмуса. Эсфир воис ӧксылы сьӧлӧм вылас, и мукӧд нывъяс дорысь Эсфир дінӧ сійӧ вӧлі вывті бур сьӧлӧма. Ӧксы пуктіс сылы юр вылас юркытш да индіс сійӧс Астинь пыдди ӧксы-аньӧн.

Эсфир 2:4

Кутшӧм ныв воас ӧксылы сьӧлӧм вылас, сійӧ мед и лоӧ Астинь пыдди ӧксы-аньӧн». Ӧксылы кажитчис татшӧм вӧзйӧмыс. Сійӧ тадзи и вӧчис.

Эсфир 3:1

Тайӧ лоӧмторъяс бӧрын Артаксеркс ӧксы ыдждӧдліс Агагсянь чужысь Аммедатлысь Аман писӧ, кыпӧдіс сійӧс да пуктіс веськӧдлыны мукӧд юралысьясӧн.

Эсфир 5:8

ӧксы кӧ бур сьӧлӧма ме дінӧ да лыддьӧ шогманаӧн вӧчны менам корӧм-кӧсйӧм серти, мед [аски бара] локтас Аманкӧд гаж вылӧ, мый ме дасьта налы. Аски ме вочавидза ӧксылы».

Эсфир 7:3

Эсфир ӧксы-ань вочавидзис: «Тэ кӧ бур сьӧлӧма ме дінӧ, ӧксыӧй, да шогмана кӧ тэныд, видз менсьым да менам войтырлысь олӧмсӧ. Татшӧм менам корӧм-кӧсйӧмӧй.

Петӧм 33:13

Тэ кӧ бур сьӧлӧма ме дінӧ, петкӧдлы меным Ассьыд туйтӧ, медым ме тӧді Тэнӧ да вӧчи Тэныд шогманасӧ. Ӧд тайӧ йӧзыс – Тэнад войтырыд».

Петӧм 33:16

Мый серти ми тӧдмалам, мый Тэ бур сьӧлӧма ме дінӧ да Аслад войтырыд дінӧ? Ог-ӧ сы серти, мый Тэ миянкӧд мунан? Ӧд сэки тыдовтчас, мый Тэ торйӧдін менӧ да Ассьыд войтыртӧ став мукӧд войтырсьыс».

Ӧксыяслӧн 1 небӧг 20:29

Шуис, лэдзлы пӧ менӧ чужан карӧ, вокӧй пӧ корис. Сэні пӧ став рӧдным вись вайӧ. Ло пӧ бур сьӧлӧма да лэдз менӧ ветлыны аддзысьлыны вокъяскӧд. Та вӧсна Давид эз лок пажын вылад».