Эсфир 8:3 - Коми Библия 2023

³ Эсфир бара шыасис аслас могӧн ӧксы дінӧ. Сылы кок дорас уськӧдчӧмӧн Эсфир бӧрдӧмӧн корис, мед ӧксы видзас иудейясӧс лёксьыс, мый мӧвпыштӧма вӧлі вӧчны Агагсянь чужысь Аман.

Эсфир 8:3 Iomraidhean Croise

Ӧксыяслӧн 4 небӧг 4:27

Керӧс вылӧ Енлӧн морт дінӧ воӧм бӧрын ань уськӧдчис да шашаритчис сылы кокас. Гезий матыстчис, мед вештыны сійӧс, но Енлӧн морт шуис: «Эн вӧрӧд. Сылӧн ыджыд шог. Господь дзебис тайӧс меысь, и эз висьтав меным».

Эсфир 3:1

Тайӧ лоӧмторъяс бӧрын Артаксеркс ӧксы ыдждӧдліс Агагсянь чужысь Аммедатлысь Аман писӧ, кыпӧдіс сійӧс да пуктіс веськӧдлыны мукӧд юралысьясӧн.

Эсфир 7:4

Ӧд менӧ да менсьым войтырӧс вузалісны бырӧдӧм вылӧ, миянӧс кӧсйӧны вины да дзикӧдз бырӧдны. Миянӧс кӧ вузалісны кесйӧг туйӧ, ме эськӧ чӧв олі да тэнӧ, ӧксыӧй, эг дӧзмӧд».

Эсфир 8:2

Ӧксы пӧрччис чунькытшсӧ, мый бӧр босьтіс Аманлысь, да сетіс сійӧс Мардокейлы. А Эсфир пуктіс Мардокейӧс веськӧдлыны Аман овмӧсӧн.

Эсфир 8:4

Ӧксы нюжӧдіс зарни бедьсӧ Эсфирлань. Эсфир чеччис да сувтіс ӧксы водзӧ.

Исай 38:2

Сэки Езекей бергӧдчис стенланьыс да кевмысис Господьлы:

Осий 12:4

Сійӧ вермасис анделкӧд да вермис сійӧс, бӧрдӧмӧн корис бурсьӧлӧмтчыны сы дінӧ. Вефильын сійӧ паныдасис Енкӧд, сэні Енмыс сёрнитіс сыкӧд.

Еврейяслы 5:7

Му вылын олігӧн Исус кыз синваӧн да гораа бӧрдӧмӧн корис-кевмысис Сылы, коді вермис мездыны Сійӧс кулӧмысь. Ен кыліс Сылысь кевмӧмсӧ, ӧд Исус кывзысис Сылысь.

Ӧксыяслӧн 1 небӧг 25:24

кок дорас копыртчӧмӧн шыасис: «Ыджыдӧй, ме мыжаыс. Лэдз меным, аслад кесйӧглы, сёрнитны тэкӧд, кывзы менӧ.