Эсфир 7:8 - Коми Библия 2023

⁸ Кор ӧксы бӧр пырис сад йӧрысь гажӧдчанінӧ, аддзис, мый Аман вӧлі копыртчӧма Эсфирлӧн куйланін дорӧ. Ӧксы шуис: «Тэ весиг менам керкаын кӧсъян мырдӧнавны ӧксы-аньӧс!» Ӧксылӧн шуӧм бӧрын Аманлысь чужӧмсӧ дзик пыр вевттисны.

Эсфир 7:8 Iomraidhean Croise

Эсфир 1:5

Кор тайӧ лунъясыс помасисны, ӧксы аслас сад йӧрын лӧсьӧдіс нӧшта сизимлунся гаж. Корис гаж вылас Суза изкарысь став олысьсӧ – тӧдчана и прӧстӧй йӧзӧс.

Эсфир 1:6

Мрамор сюръяяс бердӧ эзысь кольчаясӧ вӧлі ӧшӧдӧма еджыд дӧраяс да гӧрдовлӧз вурун дӧраяс, медым тупкысьны шондіысь. Найӧс вӧлі зэвтӧма вӧсни шабді да пемыдгӧрд вурун кӧвъясӧн.

Эсфир 6:12

Та бӧрын Мардокей бӧр локтіс ӧксы керкаӧ, а Аман шогсьӧмысла юрсӧ тупкӧмӧн тэрмасьӧмӧн муніс гортас.

Эсфир 7:10

Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

Иов 9:24

Мусӧ сетӧма лёк йӧзлӧн киӧ, а Сійӧ тупкӧ ёрдысьяслысь синсӧ. Коді тайӧс вӧчӧ, оз-ӧ Енмыс?

Исай 22:17

Но Господь вына морт моз ылӧдз шыбитас тэнӧ. Сійӧ ёкмыльӧс моз чабралас тэнӧ,

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Амос 3:12

Господь тадзи висьталӧ: – Кыдзи ыж видзысь нетшыштӧ лев вомысь сӧмын ыжлысь коксӧ либӧ пельсӧ, тадзи мездмас сӧмын колясыс сійӧ израильсаясысь, кодъяс Самарияын пукалӧны небыд пуклӧсын, Дамаскысь вайӧм юрлӧсъяс вылын.

Марк 14:65

Кодсюрӧ пондісны сьӧлавны Исуслы. Сылысь чужӧмсӧ вевттьӧмӧн найӧ нӧйтісны Сійӧс да шуалісны: «Висьтав, Пророк, коді кучкис?» Видзысьяс тшӧтш кучкалісны Сылы чужӧмас.