Эсфир 7:3 - Коми Библия 2023

³ Эсфир ӧксы-ань вочавидзис: «Тэ кӧ бур сьӧлӧма ме дінӧ, ӧксыӧй, да шогмана кӧ тэныд, видз менсьым да менам войтырлысь олӧмсӧ. Татшӧм менам корӧм-кӧсйӧмӧй.

Эсфир 7:3 Iomraidhean Croise

Ӧксыяслӧн 3 небӧг 20:31

Бен-Хададлӧн йӧзыс шуисны сылы: «Ми кывлім, мый израильса ӧксыяс бур сьӧлӧмаӧсь. Лэдз миянлы пасьтавны шогалан паськӧм да сьыліаным ӧшлыны кӧвъяс. Сэсся ми мунам израильса ӧксы дінӧ. Гашкӧ, сійӧ ловйӧн коляс тэнӧ».

Ӧксыяслӧн 4 небӧг 1:13

Ӧксы коймӧдысь мӧдӧдіс ветымын тышкамортӧс налӧн веськӧдлыськӧд. Веськӧдлысьыс кайис Илля дінӧ да пидзӧс вылас сувтӧмӧн корис: «Енлӧн мортӧй! Ло бур сьӧлӧма ме дінӧ да тайӧ ветымын мортыс дінӧ, аслад кесйӧгъяс дінӧ. Эн бырӧд миянӧс.

Эсфир 4:8

Сэсся сетіс Хатаклы иудейясӧс бырӧдӧм йылысь Суза карын йӧзӧдӧм тшӧктӧм. Тайӧ гижӧдсӧ тшӧктіс петкӧдлыны Эсфирлы да висьтавны сылы лоӧмтор йывсьыс. Нӧшта шуис, мый Эсфирлы колӧ мунны ӧксы дінӧ да кевмыны-корны аслас войтыр вӧсна, медым ӧксы бурсьӧлӧмтчас на дінӧ. [Мардокей шуис Хатаклы: «Висьтав, мед Эсфир оз вунӧд, кытысь сійӧ петіс да код пӧвстын сійӧ оліс, кор ме быдті сійӧс. Аман, ӧксы бӧрся медыджыдыс, шуис бырӧдны миянӧс. Эсфир мед шыасяс Господь дінӧ да висьталас миян йылысь ӧксылы, корас сійӧс мездыны миянӧс кулӧмысь».]

Эсфир 5:8

ӧксы кӧ бур сьӧлӧма ме дінӧ да лыддьӧ шогманаӧн вӧчны менам корӧм-кӧсйӧм серти, мед [аски бара] локтас Аманкӧд гаж вылӧ, мый ме дасьта налы. Аски ме вочавидза ӧксылы».

Эсфир 7:7

Ӧксы скӧрмис, чеччис да петіс гаж вылысь сад йӧрӧ. Аман кольччис, медым корны Эсфир ӧксы-аньӧс видзны сылысь олӧмсӧ, ӧд гӧгӧрвоис, мый ӧксы бырӧдас сійӧс.

Эсфир 8:5

Сэсся шуис: «Ӧксылы кӧ шогмана, да сійӧ кӧ бур сьӧлӧма ме дінӧ, и тайӧ могсӧ кӧ ӧксы лыддьӧ веськыдӧн, да ме кӧ сылӧн синлы вая нимкодьлун, мед гижас тшӧктӧм, мый Агагсянь чужысь Аммедат Аманлӧн гижӧдыс да ӧксыув муясысь иудейясӧс бырӧдӧм йылысь шуӧмыс абу нин вына.

Иов 2:4

Сӧтана воча шуис Господьлы: «Аслас вир-яй вӧсна мортыд сетас ставсӧ, мый сылӧн эм.

Еремей 38:26

А тэ налы шу, мый тэ ёна корин ӧксыӧс, медым сійӧ эз бергӧд тэнӧ бӧр Ионафанлӧн керкаӧ, медым тэ сэні эн кув».