Эсфир 7:10 - Коми Библия 2023

¹⁰ Аманӧс ӧшӧдісны пу сюръя вылӧ, мый сійӧ дасьтіс Мардокейлы. Та бӧрын ӧксылӧн скӧрлуныс лӧнис.

Эсфир 7:10 Iomraidhean Croise

Олӧм 40:22

Медыджыд нянь пӧжалысьӧс фараон ӧшӧдіс пу вылӧ. Ставыс лои дзик сідзи, кыдзи Ӧсип гӧгӧрвоӧдіс налы вӧтъяссӧ.

Эсфир 2:1

Кад мысти Артаксеркс ӧксы лӧнис скӧралӧмсьыс, но эз вунӧд, мый Астинь вӧчис, и мый сы йылысь вӧлі шуӧма.

Эсфир 5:14

Сэки Зереш гӧтырыс да ёртъясыс шуисны Аманлы: «Тшӧкты сувтӧдны ветымын гырддза судта пу сюръя. Асывнас ӧксылы шу, мед тшӧктас ӧшӧдны сэтчӧ Мардокейӧс. Сэки нимкодь сьӧлӧмӧн верман мунны ӧксыкӧд гаж вылад». Аманлы сьӧлӧм вылас воис татшӧм вӧзйӧмыс, и сійӧ тшӧктіс сувтӧдны пу сюръя.

Эсфир 7:7

Ӧксы скӧрмис, чеччис да петіс гаж вылысь сад йӧрӧ. Аман кольччис, медым корны Эсфир ӧксы-аньӧс видзны сылысь олӧмсӧ, ӧд гӧгӧрвоис, мый ӧксы бырӧдас сійӧс.

Эсфир 7:8

Кор ӧксы бӧр пырис сад йӧрысь гажӧдчанінӧ, аддзис, мый Аман вӧлі копыртчӧма Эсфирлӧн куйланін дорӧ. Ӧксы шуис: «Тэ весиг менам керкаын кӧсъян мырдӧнавны ӧксы-аньӧс!» Ӧксылӧн шуӧм бӧрын Аманлысь чужӧмсӧ дзик пыр вевттисны.

Эсфир 8:7

Артаксеркс ӧксы шуис Эсфир ӧксы-аньлы да иудей Мардокейлы: «Аманлысь овмӧссӧ ме сеті нин Эсфирлы, и Аманӧс иудейяс вылӧ кисӧ лэптӧмысь ӧшӧдӧма нин пу сюръя вылӧ.

Эсфир 9:14

Ӧксы тшӧктіс вӧчны тайӧс. Суза карын юӧртісны ӧксылысь тшӧктӧмсӧ, а Аманлысь даснан писӧ ӧшӧдісны пу сюръя вылӧ.

Эсфир 9:25

Но кор Эсфир локтіс ӧксы водзӧ, ӧксы тшӧктіс гижны выль гижӧд, медым лёкыс, мый Аман кӧсйис вӧчны иудейяслы, сылы аслыс бергӧдчас, и медым сійӧс пияныскӧд ӧшӧдасны пу сюръя вылӧ.

Иов 18:8

Сылӧн кокыс шедас налькйӧ, гартчас тывйӧ,

Иов 20:8

Вӧт моз сійӧ лэбыштас-вошас, и сійӧс оз нин аддзыны, войся петкӧдчылӧм моз сійӧ бырас.

Псалтыр 37:15

Ме лои пельтӧм морт кодь, ог кыв да ог вермы вочавидзны.

Псалтыр 7:16

Сійӧ кодйӧ гу, но ачыс сэтчӧ усьӧ.

Шусьӧгъяс 11:27

Бурсӧ корсьысь шудсӧ аддзӧ, а лёксӧ вӧчны мӧвпалысь дінӧ лёкыс воӧ.

Шусьӧгъяс 11:8

Веськыда олысь мынӧ шогысь, сы пыдди сэтчӧ усьӧ лёк вӧчысь.

Шусьӧгъяс 26:27

Коді гу кодйӧ мӧдлы, ачыс сэтчӧ усьӧ, коді из быгыльтӧ, ачыс из улас веськалӧ.

Еремей 34:17

Та вӧсна Господь тадзи висьталӧ: сыысь, мый ті энӧ кывзӧй Менӧ, энӧ лэдзӧй вӧля вылӧ вокъяснытӧ да матыссаяснытӧ, Ме лэдза тіянӧс вӧля вылӧ, – висьталӧ Господь, – ті куланныд шыпуртысь, пӧрӧс висьӧмысь да тшыглунысь. Став мувывса войтыръяслы Ме вӧча тіянӧс повзьӧдчанторйӧн.

Езекиль 5:13

Ме кисьта Ерусалимын олысьяс вылӧ Ассьым скӧрлунӧс, койышта на вылӧ Ассьым ярлунӧс, и сӧмын та бӧрын бурмас Менам сьӧлӧмӧй. Кор Менам скӧрлунӧй мунас на вывті, найӧ тӧдмаласны, мый вежӧгтӧмпырысь Ме, Господь, мыжді найӧс.

Даниил 6:24

Ӧксы тшӧктіс вайӧдны сійӧ йӧзсӧ, кодъяс мыжалісны Даниилӧс. Найӧс, налысь челядьсӧ да гӧтыръяснысӧ шыбитісны левъяслӧн гуӧ. Найӧ эз на воны гу пыдӧсӧдзыс, левъяс уськӧдчисны на вылӧ, косявлісны найӧс да вильӧдісны налысь лыяссӧ.

Даниил 6:25

Та бӧрти Дарий ӧксы гижис став му вылас олысь войтыръяслы, чужанкотыръяслы да быд кыла йӧзлы: «Лӧнь олӧмыс мед содас тіянлы!

Закар 6:8

Господь корис менӧ да шуис: «Видзӧд, войвыв муӧ мунысь вӧвъяс лӧньӧдісны войвыв му дінӧ Менсьым скӧрлунӧс».

Ёрдысьяс 15:7

А Самсон шуис тайӧ филистимсаяслы: «Сыысь, мый ті тадзи вӧчинныд, ме ог лӧнь, кытчӧдз водзӧс ог перйы тіянлысь!»