Эсфир 4:8 - Коми Библия 2023

⁸ Сэсся сетіс Хатаклы иудейясӧс бырӧдӧм йылысь Суза карын йӧзӧдӧм тшӧктӧм. Тайӧ гижӧдсӧ тшӧктіс петкӧдлыны Эсфирлы да висьтавны сылы лоӧмтор йывсьыс. Нӧшта шуис, мый Эсфирлы колӧ мунны ӧксы дінӧ да кевмыны-корны аслас войтыр вӧсна, медым ӧксы бурсьӧлӧмтчас на дінӧ. [Мардокей шуис Хатаклы: «Висьтав, мед Эсфир оз вунӧд, кытысь сійӧ петіс да код пӧвстын сійӧ оліс, кор ме быдті сійӧс. Аман, ӧксы бӧрся медыджыдыс, шуис бырӧдны миянӧс. Эсфир мед шыасяс Господь дінӧ да висьталас миян йылысь ӧксылы, корас сійӧс мездыны миянӧс кулӧмысь».]

Эсфир 4:8 Iomraidhean Croise

Эсфир 2:20

Мардокейлӧн тшӧктӧм серти Эсфир эз висьтавлы аслас рӧд да аслас войтыр йылысь. Эсфир кывзысис Мардокейлысь, кыдзи пыр кывзысьліс сы ордын быдмигас.

Эсфир 4:9

Хатак муніс да висьталіс Мардокейлысь кывъяссӧ Эсфирлы.

Эсфир 8:6

Кыдзи нӧ ме верма видзӧдны менсьым войтырӧс суӧм шог вылӧ? Верма ӧмӧй видзӧдны ассьым рӧдӧс бырӧдӧм вылӧ?»

Иов 9:15

Ме кӧ вӧлі мыжтӧм, весиг сэки эг вермы вочавидзны Сылы, ме верми сӧмын корны Ёрдысьӧс лоны бур сьӧлӧмаӧн ме дінӧ.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Еклесиаст 10:4

Юралысьыд кӧ скӧрмас тэ вылӧ, эн тэрмась пышйыны, ӧд рамлуныд вевттьӧ ыджыд мыжъяс.

Ап. уджъяс 12:20

Ирӧд вӧлі скӧрмӧма Тир да Сидон карса олысьяс вылӧ. Найӧ ӧтвыв сёрнитчӧмӧн локтісны Ирӧд дінӧ бурасьӧм могысь, ӧд ӧксылӧн муыс вердіс найӧс. Найӧ эскӧдісны Властӧс, ӧксы керкаӧн веськӧдлысьӧс, мед сувтас на дор.

1 Тимофейлы 6:13

Ставыслы олӧм сетысь Ен водзын да Исус Кристос водзын, коді восьсӧн висьталіс збыльсӧ Понтий Пилатлы, ме кора тэнӧ:

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.