Эсфир 4:4 - Коми Библия 2023

⁴ Эсфирлӧн кесйӧг аньяс да евнукъяс локтісны да висьталісны сылы та йылысь. Эсфир ӧксы-ань шӧйӧвошис. Сійӧ мӧдӧдіс Мардокейлы паськӧм, мед сійӧ вежас шогалан паськӧмсӧ, но Мардокей эз босьт.

Эсфир 4:4 Iomraidhean Croise

Олӧм 37:35

Ныв-пиыс чукӧртчисны бурӧдны сійӧс, но сійӧ эз сибӧд бурӧдӧмсӧ, а шуис: «Шог сьӧлӧмӧн ме вуджа кулӧмаяслӧн оланінӧ пиӧй дінӧ». Тадзи бӧрдіс батьыс Ӧсип вӧсна.

Ӧксыяслӧн 4 небӧг 9:32

Ӧшиньлань юрсӧ лэптӧмӧн Еху юаліс: «Эм-ӧ тані кодкӧ ме дор?» Ӧшиньӧдыс мыччысисны кык-куим ыджыд чина морт.

Эсфир 1:12

Евнукъяс висьталісны ӧксылысь тшӧктӧмсӧ Астинь ӧксы-аньлы, но сійӧ эз пет.

Эсфир 4:3

Ӧксыув муясын, кытчӧ нуисны ӧксылысь тшӧктӧмсӧ, иудейяс ёна шогалісны, видзалісны да ырзӧмӧн бӧрдісны. Уналы чорыд дӧраыс да пӧимыс вӧлі вольпасьӧн.

Эсфир 4:5

Сэки Эсфир корис Хатакӧс, ӧксы евнукъясысь ӧтиӧс, кодӧс ӧксы пуктіс кесъявны Эсфирлы. Эсфир мӧдӧдіс сійӧс Мардокей дінӧ, мед тӧдмавны, мыйысь сійӧ татшӧмасӧ шогалӧ.

Псалтыр 77:2

Ме сёрнита тіянкӧд шусьӧгъясӧн, висьтала тіянлы важся нӧдкывъяс.

Исай 56:3

Йӧз муысь локтысь, коді йитчис Господькӧд, мед оз шу: «Господь торйӧдас менӧ Аслас войтырысь». Евнук мед оз шу: «Ме косьмӧм пу».

Еремей 31:15

Господь тадзи висьталӧ: – Рама карын ырзӧм-бӧрдӧм кылӧ. Ракель аслас ныв-пи вӧснаыс бӧрдӧ, оз кӧсйы ланьтны бӧрдӧмсьыс, ӧд найӧ абуӧсь нин.

Ап. уджъяс 8:27

Филип чеччис да петіс туйӧ. Сійӧ кадас сэті муніс эфиопияса ыджыд чина морт, евнук, эфиопияса кандакиялӧн – ӧксы-аньлӧн – став овмӧснас веськӧдлысь. Сійӧ вӧлі волӧма Ерусалимӧ юрбитны,

Ӧксыяслӧн 1 небӧг 8:15

Тіян мувыв быдтасысь да виноград вотӧсысь босьтас дасӧд юкӧнсӧ да сетас аслас ыджыд чина йӧзлы да аслас кесйӧгъяслы.