Эсфир 4:3 - Коми Библия 2023

³ Ӧксыув муясын, кытчӧ нуисны ӧксылысь тшӧктӧмсӧ, иудейяс ёна шогалісны, видзалісны да ырзӧмӧн бӧрдісны. Уналы чорыд дӧраыс да пӧимыс вӧлі вольпасьӧн.

Эсфир 4:3 Iomraidhean Croise

Эсфир 1:1

Тайӧ вӧлі Артаксеркс ӧксы дырйи. Сы кипод улын сэки вӧлі сё кызь сизим му Индиясянь да Эфиопияӧдз.

Эсфир 3:12

Медводдза тӧлысьлӧн дас коймӧд лунӧ чукӧртісны ӧксылысь гижалысьясӧс. Аманлысь тшӧктӧмсӧ найӧ гижисны ӧксылӧн сатрапъяслы, [Индиясянь Эфиопияӧдз сё кызь сизим] ӧксыув муын юралысьяслы да войтыръяслӧн веськӧдлысьяслы. Гижӧдсӧ дасьтісны ӧксыув муясын олысьяслӧн шыпасъясӧн да быд войтырлӧн чужан кыв вылын. Сійӧс вӧлі гижӧма Артаксеркс ӧксы нимсянь да вынсьӧдӧма ӧксылӧн чунькытш пасӧн.

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Эсфир 4:2

Сійӧ локтіс ӧксылӧн керка дзиръя дорӧ [да сувтіс]. Сэтчӧ эз позь пырны шогалан паськӧмӧн [да коялӧм пӧимӧн].

Эсфир 4:4

Эсфирлӧн кесйӧг аньяс да евнукъяс локтісны да висьталісны сылы та йылысь. Эсфир ӧксы-ань шӧйӧвошис. Сійӧ мӧдӧдіс Мардокейлы паськӧм, мед сійӧ вежас шогалан паськӧмсӧ, но Мардокей эз босьт.

Эсфир 9:31

медым вынсьӧдны пурим лунъяс пасйӧмсӧ иудей Мардокейлӧн да Эсфир ӧксы-аньлӧн урчитӧм кадӧ. Иудейяс асьныс кӧсйысисны да водзӧ чужысьяслы колисны тшӧктӧм – пасйыны тайӧ лунъяссӧ видзалӧмӧн да бӧрдӧмӧн.

Иов 2:8

Иов босьтіс гырничтор, медым гирскыны асьсӧ, да пуксис [кар сайӧ] пӧим пытшкӧ.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Исай 22:4

Та вӧсна ме шуа: – Кольӧй менӧ, ме кута курыда бӧрдны. Энӧ зільӧй менӧ бурӧдны, ӧд менсьым войтырӧс бырӧдӧма.

Исай 58:5

Ме ӧмӧй кӧсъя татшӧм видзалӧмсӧ, кӧсъя ӧмӧй татшӧм раммӧдан лунсӧ, кор эжӧр моз копыртанныд юрнытӧ, вольсаланныд ас уланыд чорыд дӧра, куйланныд пӧим вылын? Тайӧс ӧмӧй позьӧ шуны видзалӧмӧн, Господьлы шогмана лунӧн?

Езекиль 27:30

Найӧ ёна горзӧны, курыда бӧрдӧны тэ вӧсна, юрнысӧ коялӧны муӧн, туплясьӧны пӧим пытшкын.

Даниил 9:3

Ме шыаси Господь Ен дінӧ, кевмыси да видзалі, пасьталі шогалан паськӧм да коялі юрӧс пӧимӧн.

Иона 3:6

Кор ниневияса ӧксы кыліс та йылысь, сійӧ чеччис юралан пуклӧсысь, пӧрччис ӧксы паськӧмсӧ, пасьталіс шогалан паськӧм да пуксис пӧим пытшкӧ.

Матвей 13:42

Сэсся шыбитасны найӧс биӧ. Сэні лоӧ бӧрдӧм да пинь йирӧм.

Матвей 22:13

Сэки ӧксы шуас кесйӧгъясыслы: ”Ки-коксӧ кӧрталӧмӧн шыбитӧй сійӧс пемыдас. Сэні лоӧ бӧрдӧм да пинь йирӧм”.

Матвей 25:30

Тайӧ шогмытӧм кесйӧгсӧ шыбитӧй пемыдас. Сэні лоӧ бӧрдӧм да пинь йирӧм”». Тайӧс висьталӧм бӧрын Исус горӧдӧмӧн шуис: «Кодлӧн эм пель, мед кылӧ!»

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Ӧксыяслӧн 1 небӧг 11:4

Мӧдӧдӧмаяс локтісны Гиваӧ, Сауллӧн чужан карӧ, да висьталісны войтырлы Нахашлысь кывъяссӧ. Ставныс ырзӧмӧн кутісны бӧрдны.