Эсфир 4:14 - Коми Библия 2023

¹⁴ Тэ кӧ ӧні пондан чӧв овны, отсӧгыс да мездмӧмыс иудейяслы воас мӧдласянь. А тэнӧ да тэнад батьлысь рӧдсӧ бырӧдасны. Гашкӧ, дзик тайӧ кадыс вӧсна тэ и лоин ӧксы гӧтырӧн».

Эсфир 4:14 Iomraidhean Croise

Олӧм 22:14

Тайӧ местасӧ Ӧвраам нимтіс Яхве-ире, мый лоӧ ”Господь аддзӧ”. Ӧнӧдз на шуӧны, мый Господьлӧн керӧс вылын ставыс тыдовтчас.

Ӧксыяслӧн 4 небӧг 13:5

Господь сетіс мездысьӧс Израиль войтырлы, и найӧ мынісны арамейяслӧн кипод улысь. Израиль войтыр воддза мозыс лӧня пондіс овны аслас муын.

Ӧксыяслӧн 4 небӧг 19:3

Езекей тшӧктіс висьтавны Исайлы: «Тайӧ луныс – шогалан да мыждан-янӧдан лун. Чужысь кага дась нин петны мам кынӧмысь, но мамлӧн абу выныс чужтынысӧ.

Ездра 9:9

Ми – кесйӧг туйынӧсь, но миян Енным эз коль миянӧс. Сійӧ бергӧдіс миянлань персияса ӧксыяслысь сьӧлӧмнысӧ, медым найӧ лэдзисны миянлы сувтны кок йыланым, лэптыны миян Енлысь крамсӧ да повтӧг овны Иуда муын да Ерусалимын.

Неемий 6:11

Но ме шуи: «Ме абу сэтшӧм морт, мед пышйыны. Ме коддьӧмыс кӧ пырас крам пытшкӧ, ловйӧн оз коль. Ме ог мун».

Эсфир 2:15

Кор Абихайллӧн Эсфир нывлы, кодӧс Мардокей аслас дядьлӧн кулӧм бӧрын босьтіс ныв пыдди, воис кад мунны ӧксы дінӧ, сійӧ нинӧм эз кор, а босьтіс сӧмын сійӧ, мый вӧзйис сылы ӧксылӧн Гегай евнук, аньясӧс видзысь. Быдӧнлы, коді аддзыліс Эсфирӧс, сійӧ воис сьӧлӧм вылас.

Эсфир 2:17

Став гӧтыр дорсьыс ӧксылы Эсфир лои медмуса. Эсфир воис ӧксылы сьӧлӧм вылас, и мукӧд нывъяс дорысь Эсфир дінӧ сійӧ вӧлі вывті бур сьӧлӧма. Ӧксы пуктіс сылы юр вылас юркытш да индіс сійӧс Астинь пыдди ӧксы-аньӧн.

Эсфир 2:7

Мардокей быдтіс батьтӧм-мамтӧм Гадасса нима нылӧс – аслас дядьлысь нывсӧ. Гадассалӧн мӧд нимыс вӧлі Эсфир. Сійӧ вӧлі лӧсьыд мыгӧра да мича чужӧма ныв. Эсфирлӧн бать-мамыс кувлӧмаӧсь, та вӧсна Мардокей босьтӧма сійӧс ныв пыдди.

Эсфир 4:13

Мардокей тшӧктіс воча висьтавны Эсфирлы: «Эн мӧвпав, мый тэ иудейяс пӧвстысь ӧтнадӧн мездман, мед кӧ тэ ӧксы керкаын олан.

Эсфир 4:15

Эсфир ыстіс воча кыв Мардокейлы:

Иов 9:18

оз сет лолыштны меным, ӧтарӧ топӧдӧ менӧ курыд шогӧн.

Еклесиаст 3:7

эм кад косявлыны и вурлыны, чӧв овны и сёрнитны,

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Еремей 30:11

Ме тэкӧд, – висьталӧ Господь, – Ме мезда тэнӧ! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Левит 26:42

Сэки Ме тӧд вылӧ уськӧда Яковкӧд кӧрталӧм йитӧдӧс, Исааккӧд кӧрталӧм йитӧдӧс да Ӧвраамкӧд кӧрталӧм йитӧдӧс, казьтышта налӧн муыс йылысь.

Матвей 16:18

Ме шуа тэныд: Тэ – Петыр, из. Тайӧ из вылас Ме лэпта Ассьым вичко, и адлӧн выныс оз вермы сійӧс.

Матвей 24:22

Тайӧ кадсӧ кӧ оз ло дженьдӧдӧма, ловъя морт оз коль. Но бӧрйӧмаяс вӧсна тайӧ кадсӧ лоӧ дженьдӧдӧма.

Индӧд 32:36

Господь доръяс Ассьыс войтырсӧ, Сійӧ лоӧ бур сьӧлӧма Аслас кесйӧгъяс дінӧ, кор аддзас, мый налӧн выныс эз ло, мый ичӧтсянь ыджыдӧдз некод эз коль.

Ёрдысьяс 15:6

«Коді тайӧс вӧчис?» – юалісны филистимсаяс. Налы вочавидзисны: «Самсон, тимнаса мортлӧн зятьыс, сы вӧсна мый тимнаса морт сетіс Самсонлысь гӧтырсӧ кӧлысьвывса ёртыс сайӧ». Филистимсаяс мунісны Тимнаӧ да сотісны тайӧ аньсӧ да сылысь батьсӧ [керканас].

Ӧксыяслӧн 1 небӧг 12:22

Аслас ыджыд нимыс вӧсна Господь оз коль тіянӧс, Ассьыс войтырсӧ. Господь бӧрйис тіянӧс, мед ті вӧлінныд Сылӧн войтырӧн.

Ӧксыяслӧн 1 небӧг 17:29

Давид воча шуис: «Мый ме сэтшӧмсӧ вӧчи? Весиг сёрнитны оз позь».