Эсфир 4:1 - Коми Библия 2023

¹ Кор Мардокей тӧдмаліс та йылысь, сійӧ косяліс паськӧмсӧ, пасьталіс шогалан паськӧм, кояліс юрсӧ пӧимӧн да петіс кар шӧрӧ. Сійӧ ырзӧмӧн бӧрдіс да гораа горзіс. [Горӧдіс: «Мыжтӧм войтырӧс бырӧдӧны!»]

Эсфир 4:1 Iomraidhean Croise

Олӧм 27:34

Батьыслысь кывъяссӧ кылӧм бӧрын Исав ырзӧмӧн бӧрддзис да гораа горӧдіс. Сэсся корис: «Батьӧй, бурси тшӧтш менӧ!»

Олӧм 37:34

Яков косяліс паськӧмсӧ да гартыштіс коскас чорыд дӧра. Уна лун чӧж сійӧ бӧрдіс пиыс вӧсна.

Ӧксыяслӧн 2 небӧг 1:11

Сэки Давид косяліс ассьыс паськӧмсӧ. Йӧзыс, кодъяс вӧліны сыкӧд, тшӧтш тадзи вӧчисны.

Эсфир 4:2

Сійӧ локтіс ӧксылӧн керка дзиръя дорӧ [да сувтіс]. Сэтчӧ эз позь пырны шогалан паськӧмӧн [да коялӧм пӧимӧн].

Эсфир 4:3

Ӧксыув муясын, кытчӧ нуисны ӧксылысь тшӧктӧмсӧ, иудейяс ёна шогалісны, видзалісны да ырзӧмӧн бӧрдісны. Уналы чорыд дӧраыс да пӧимыс вӧлі вольпасьӧн.

Иов 1:20

Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.

Иов 2:8

Иов босьтіс гырничтор, медым гирскыны асьсӧ, да пуксис [кар сайӧ] пӧим пытшкӧ.

Иов 42:6

Та вӧсна шуӧм кывъясӧс ме бӧр босьта, бус да пӧим пытшкын пукалӧмӧн каитча.

Исай 15:4

Ырзӧмӧн бӧрдӧны Хешбон да Эляле, налӧн бӧрдӧмыс кылӧ Яхацӧдз. Таысь полӧмнысла горзӧны моавса тышкайӧз, налӧн сьӧлӧмныс тіралӧ.

Исай 22:4

Та вӧсна ме шуа: – Кольӧй менӧ, ме кута курыда бӧрдны. Энӧ зільӧй менӧ бурӧдны, ӧд менсьым войтырӧс бырӧдӧма.

Исай 37:1

Кор Езекей ӧксы кыліс та йылысь, сійӧ косяліс ассьыс паськӧмсӧ. Сэсся пасьталіс шогалан паськӧм да муніс Господьлӧн крамӧ.

Исай 37:2

Езекей мӧдӧдіс Исай пророк дінӧ, Амослӧн пи дінӧ, ӧксы керкаӧн веськӧдлысь Элякимӧс, гижалысь Шевнайӧс да юрнуӧдысь попъясӧс. Ставныс найӧ вӧліны шогалан паськӧмаӧсь.

Исай 58:5

Ме ӧмӧй кӧсъя татшӧм видзалӧмсӧ, кӧсъя ӧмӧй татшӧм раммӧдан лунсӧ, кор эжӧр моз копыртанныд юрнытӧ, вольсаланныд ас уланыд чорыд дӧра, куйланныд пӧим вылын? Тайӧс ӧмӧй позьӧ шуны видзалӧмӧн, Господьлы шогмана лунӧн?

Езекиль 21:11

Шыпуртсӧ сетӧма, медым весавны сійӧс да киӧ босьтны. Сійӧс лэчтӧма-весалӧма, медым морт виысьлы кабырас пуктыны.

Езекиль 21:6

Морт пиӧй, ойзы-бӧрд, усь муас, йӧз син водзын ыджыд шогыдла ойзы.

Даниил 9:3

Ме шыаси Господь Ен дінӧ, кевмыси да видзалі, пасьталі шогалан паськӧм да коялі юрӧс пӧимӧн.

Микей 1:8

– Та вӧсна ме кута ырзӧмӧн бӧрдны, кута ветлыны кӧмтӧг-пасьтӧг, шакал моз понда омлявны, страус моз – ымзыны.

Софоний 1:14

Матын нин Господьлӧн торйӧдӧм луныс, сійӧ матын нин, регыд воас. Кыланныд-ӧ, мый Господьлӧн луныс воӧ нин? Весиг медся повтӧм тышкамортыс курыда бӧрддзас.

Матвей 11:21

«Курыд шог тэныд, Коразин кар! Курыд шог тэныд, Випсаида кар! Тир да Сидон каръясын кӧ аддзылісны тіянын кодь вӧчӧм шензьӧданаторъяссӧ, сэки эськӧ сэтчӧс олысьясыс важӧн нин бергӧдчисны мыжъяссьыныс, шогалан паськӧм пасьталісны да юрнысӧ пӧимӧн коялісны.

Ап. уджъяс 14:14

Тайӧс кылӧм бӧрын апостолъяс, Варнава да Павел, косялісны паськӧмнысӧ да котӧрӧн уськӧдчисны йӧз чукӧр пытшкӧ, пондісны гораа шуавны:

Нав Исус 7:6

Исус косяліс паськӧмсӧ да кымынь уськӧдчис муас Господьлӧн куд водзӧ. Тадзи рытӧдзыс куйліс израильса юрнуӧдысьяскӧд. Юрнысӧ найӧ ставныс коялісны муӧн.

Восьтӧм 11:3

Ме мӧдӧда Ассьым кык висьталысьӧс. Шогалан паськӧмӧ пасьтасьӧмӧн найӧ кутасны пророкавны сюрс кыксё квайтымын лун чӧж».