Эсфир 3:11 - Коми Библия 2023

¹¹ Ӧксы шуис Аманлы: «Эзысьтӧ коль аслыд, а тайӧ войтырыскӧд вӧч, мый кӧсъян».

Эсфир 3:11 Iomraidhean Croise

Эсфир 3:10

Сэки ӧксы пӧрччис ассьыс чунькытшсӧ да сетіс сійӧс Агагсянь чужысь Аммедатлӧн Аман пилы, медым вынсьӧдны иудейясӧс бырӧдӧм йылысь тшӧктӧмсӧ.

Эсфир 3:12

Медводдза тӧлысьлӧн дас коймӧд лунӧ чукӧртісны ӧксылысь гижалысьясӧс. Аманлысь тшӧктӧмсӧ найӧ гижисны ӧксылӧн сатрапъяслы, [Индиясянь Эфиопияӧдз сё кызь сизим] ӧксыув муын юралысьяслы да войтыръяслӧн веськӧдлысьяслы. Гижӧдсӧ дасьтісны ӧксыув муясын олысьяслӧн шыпасъясӧн да быд войтырлӧн чужан кыв вылын. Сійӧс вӧлі гижӧма Артаксеркс ӧксы нимсянь да вынсьӧдӧма ӧксылӧн чунькытш пасӧн.

Псалтыр 73:7

Найӧ сотісны Тэнсьыд вежаинтӧ, пежалісны Тэнад нимлысь оланінсӧ.

Еремей 26:14

А ме, со, тіян киын. Вӧчӧй мекӧд сійӧ, мый тіян серти бур да веськыд.

Еремей 40:4

Но талун ме мезда тэнӧ чепъясысь, мыйӧн дорӧма тэнсьыд китӧ. Кӧсъян кӧ мунны мекӧд Вавилонӧ, мунам. Сэні ме тӧждыся тэ вӧсна. Он кӧ кӧсйы, кольччы татчӧ. Видзӧд, муыс ставнас тэ водзын: кытчӧ кӧсъян, сэтчӧ и мун. Вӧч, кыдзи тэныд колӧ».

Лука 23:25

Налӧн корӧм серти сійӧ лэдзис дзескыдінысь зык лэптысьӧс, коді виис тшӧтш мортӧс. А Исусӧс сетіс налӧн кипод улӧ.