Эсфир 2:7 - Коми Библия 2023

⁷ Мардокей быдтіс батьтӧм-мамтӧм Гадасса нима нылӧс – аслас дядьлысь нывсӧ. Гадассалӧн мӧд нимыс вӧлі Эсфир. Сійӧ вӧлі лӧсьыд мыгӧра да мича чужӧма ныв. Эсфирлӧн бать-мамыс кувлӧмаӧсь, та вӧсна Мардокей босьтӧма сійӧс ныв пыдди.

Эсфир 2:7 Iomraidhean Croise

Олӧм 48:5

Тэнад кыкнан пиыд, Ефремыд да Манассейыд, кодъяс чужисны Египетын менам тэ дорӧ локтӧдз, Рувим да Симеон моз лоӧны менам пиянӧн.

Эсфир 1:11

Тшӧктіс налы вайӧдны ас дінас Астинь ӧксы-аньӧс юр вылас юркытшсӧ пуктӧмӧн, медым петкӧдлыны войтыръяслы да юралысьяслы сылысь мичлунсӧ. Астинь збыльысь вӧлі зэв мича.

Эсфир 2:15

Кор Абихайллӧн Эсфир нывлы, кодӧс Мардокей аслас дядьлӧн кулӧм бӧрын босьтіс ныв пыдди, воис кад мунны ӧксы дінӧ, сійӧ нинӧм эз кор, а босьтіс сӧмын сійӧ, мый вӧзйис сылы ӧксылӧн Гегай евнук, аньясӧс видзысь. Быдӧнлы, коді аддзыліс Эсфирӧс, сійӧ воис сьӧлӧм вылас.

Эсфир 2:20

Мардокейлӧн тшӧктӧм серти Эсфир эз висьтавлы аслас рӧд да аслас войтыр йылысь. Эсфир кывзысис Мардокейлысь, кыдзи пыр кывзысьліс сы ордын быдмигас.

Эсфир 8:1

Сійӧ жӧ лунӧ Артаксеркс ӧксы сетіс Эсфир ӧксы-аньлы Аманлысь, иудейясӧс мустӧмтысьлысь, овмӧссӧ. Эсфир висьталіс ӧксылы, кодӧн лоӧ сылы Мардокей, и Мардокей пырис ӧксы дінӧ.

Иов 31:17

Ӧтнам ӧмӧй сёйлі ассьым няньӧс, эг ӧмӧй юксьывлы сыӧн батьтӧм-мамтӧмъяскӧд?

Иов 31:18

Том кадсянь ме вӧлі батьтӧм-мамтӧмъяслы бать кодьӧн, став олӧм чӧж тӧждыси дӧваяс вӧсна.

2 Коринфӧ 6:18

Ме лоа тіянлы Батьӧн, а ті – Меным ныв-пиӧн, – висьталӧ Господь, Ставсӧвермысь.

Ефесӧ 6:4

Батьяс, энӧ дӧзмӧдӧй ассьыныд челядьнытӧ, но быдтӧй-велӧдӧй найӧс Господьлӧн кӧсйӧм серти.

1 Иоан 3:1

Видзӧдӧй, кутшӧм мусаӧсь ми Батьлы: Сійӧ сетіс миянлы лоны да шусьыны Енлӧн ныв-пиӧн. Муюгыдсаыс оз тӧд миянӧс, Сійӧс оз тӧд да.