Эсфир 2:21 - Коми Библия 2023

²¹ Кор Мардокей кесъяліс ӧксы дінын, Бигтан да Тереш нима евнукъяс, кодъяс видзисны ӧксылысь вежӧсъяс, [Мардокейӧс пыдди пуктӧмысь] чорыда скӧралісны Артаксеркс ӧксы вылӧ да дасьтысисны вины сійӧс.

Эсфир 2:21 Iomraidhean Croise

Ӧксыяслӧн 2 небӧг 16:11

Сэсся Авишайлы да тышкайӧзлы Давид шуис: «Менам кӧ пиӧй, аслам вир-яйсянь чужысьӧй, корсьӧ вины менӧ, мый позьӧ виччысьны Веняминлӧн писянь? Кольӧй сійӧс. Мед лёкӧдас. Сылы, буракӧ, Господь тшӧктӧма.

Ӧксыяслӧн 3 небӧг 16:9

Элай ӧксылӧн Зимри нима кесйӧгыс, коді веськӧдліс тарантаса джын тышкакотырӧн, гусьӧн кыпӧдчис ӧксылы паныд. Ӧтчыд Тирза карын, ӧксы керкаӧн веськӧдлысь Арс нима морт ордын, Элай ӧксы коддзытӧдзыс юис.

Ӧксыяслӧн 4 небӧг 12:20

Йоаслӧн кесйӧгъясыс кыпӧдчисны сылы паныд. Гусьӧн сёрнитчӧм бӧрын виисны сійӧс Бет-Миллоын, кысянь туйыс мунӧ Силлаӧ.

Ӧксыяслӧн 4 небӧг 21:23

Амонлӧн кесйӧгъясыс кыпӧдчисны сылы паныд да виисны сійӧс аслас керкаас.

Ездра 4:6

Ахашверош дырйи, кор сійӧ сӧмын на пуксис ӧксыавны, крам лэптӧмлы паныд сувтысьяс гижисны Иудаын да Ерусалимын олысьяс вылӧ удтысян гижӧд.

Эсфир 2:19

Мардокей кесъяліс ӧксы дінын, кор нывъясӧс чукӧртісны мӧдысь.

Эсфир 6:1

Сійӧ войнас ӧксы эз вермы унмовсьны. Ӧксы тшӧктіс [кесйӧгыслы] вайны каднебӧг. Кор сійӧс лыддисны ӧксылы,

Эсфир 6:2

аддзисны сэтысь пасйӧд: Мардокей, вӧлӧм, юӧртлӧма, мый Бигтан да Тереш евнукъяс, кодъяс видзисны ӧксылысь вежӧсъяс, кӧсйӧмаӧсь вины Артаксеркс ӧксыӧс.

Псалтыр 144:10

Господьӧй, став Тэнад вӧчӧмторйыд мед аттьӧалас Тэнӧ, Тэнад эскана войтырыд мед ошкас Тэнӧ.

Даниил 2:49

Но Данииллӧн корӧм серти ӧксы индіс Шадракӧс, Мешакӧс да Аведнегоӧс веськӧдлыны Вавилон нима ӧксыув муӧн, а ачыс Даниил кольччис кесъявны ӧксы керкаын.