Эсфир 2:17 - Коми Библия 2023

¹⁷ Став гӧтыр дорсьыс ӧксылы Эсфир лои медмуса. Эсфир воис ӧксылы сьӧлӧм вылас, и мукӧд нывъяс дорысь Эсфир дінӧ сійӧ вӧлі вывті бур сьӧлӧма. Ӧксы пуктіс сылы юр вылас юркытш да индіс сійӧс Астинь пыдди ӧксы-аньӧн.

Эсфир 2:17 Iomraidhean Croise

Эсфир 1:11

Тшӧктіс налы вайӧдны ас дінас Астинь ӧксы-аньӧс юр вылас юркытшсӧ пуктӧмӧн, медым петкӧдлыны войтыръяслы да юралысьяслы сылысь мичлунсӧ. Астинь збыльысь вӧлі зэв мича.

Эсфир 2:16

Артаксеркс ӧксылӧн сизимӧд веськӧдлан воӧ, дасӧд тебет тӧлысьӧ, Эсфирӧс вайӧдісны ӧксы керкаӧ Артаксеркс дінӧ.

Эсфир 4:14

Тэ кӧ ӧні пондан чӧв овны, отсӧгыс да мездмӧмыс иудейяслы воас мӧдласянь. А тэнӧ да тэнад батьлысь рӧдсӧ бырӧдасны. Гашкӧ, дзик тайӧ кадыс вӧсна тэ и лоин ӧксы гӧтырӧн».

Эсфир 6:8

мед ваясны ӧксы паськӧм, мый ӧксы пасьтавліс, да ӧксы юркытшӧн мичмӧдӧм вӧв, код вылын ӧксы ветліс.

Шусьӧгъяс 21:1

Ӧксылӧн сьӧлӧмыс Господь киын визувтысь ва кодь, Господь веськӧдӧ сійӧс, кытчӧ кӧсйӧ.

Езекиль 17:24

Сэки вӧрса став пуыс тӧдмалас, мый Ме – Господь. Джуджыд пуяссӧ вӧча ляпкыдӧн, а ляпкыд пуяссӧ вӧча джуджыдӧн. Ме кӧ кӧсъя, веж пу косьмӧ, а кос пу вежӧдӧ. Тайӧс висьтала Ме, Господь. Мый шуи, вӧча».

Ӧксыяслӧн 1 небӧг 2:8

Коньӧрӧс Сійӧ лэптӧ бус пытшкысь, гӧльӧс перйӧ няйтысь, пуксьӧдӧ найӧс ыджыдалысьяскӧд орччӧн, сетӧ налы нималана пуклӧс. Господь кутӧ мулысь подувсӧ, сы вылӧ пуктӧма муюгыдсӧ.