Эсфир 2:12 - Коми Библия 2023

¹² Урчитӧм кадӧ быд нывлы колӧ вӧлі мунны Артаксеркс ӧксы дінӧ. Таӧдз найӧс индӧд серти мичмӧдісны дас кык тӧлысь чӧж: квайт тӧлысь чӧж мавтісны смирна выйӧн, мӧд квайт тӧлысь чӧжсӧ – чӧскыд дука мавтасъясӧн да мукӧдторъясӧн.

Эсфир 2:12 Iomraidhean Croise

Эсфир 2:11

Мардокей быд лун ветлӧдліс аньяслӧн керка йӧр дорын, сійӧ кӧсйис тӧдмавны, кыдзи олӧ Эсфир.

Эсфир 2:13

Та бӧрын том ныв вермис пырны ӧксы дінӧ. Ӧксы ордӧ мунӧм водзын нывлы сетлісны аньяслӧн керкаысь ставсӧ, мый сійӧ корліс.

Эсфир 2:3

Ӧксы мед индас став аслас ӧксыув муясын йӧзӧс, кодъяс чукӧртасны том мича нывъясӧс Суза изкарӧ. Найӧс мед овмӧдасны аньяслӧн керкаӧ аньясӧс видзысь Гегайлӧн, ӧксы евнуклӧн, тӧждысьӧм-видзӧдӧм улӧ. Нывъяслы мед сетасны чӧскыд дука мавтасъяс [да мукӧд коланаторсӧ].

Эсфир 2:9

Эсфир дінӧ Гегай вӧлі бур сьӧлӧма. Сійӧ дзик пыр сетіс Эсфирлы чӧскыд дука мавтасъяс да сёян-юан. Ӧксы керкаысь Гегай вайӧдіс Эсфирлы сизим бӧрйӧм кесйӧг аньӧс да овмӧдіс найӧс Эсфиркӧд аньяслӧн керкаӧ, сэтчӧс медбур жыръясӧ.

Шусьӧгъяс 7:17

узьланінӧс резі смирнаӧн, алоэӧн да корицаӧн.

Сьылан 3:6

– Коді тайӧ, овтӧминысь локтысьыс? Сійӧ локтӧ тшын сюръя моз, ӧвтӧ сысянь смирнаӧн да ладанӧн, ылі муысь вайӧм чӧскыд ӧвтанторйӧн.

Исай 3:24

Сион, тэнад айуловыд куласны шыпуртысь, тэнад тышкайӧзыд усясны тышын.

Исай 57:9

Асьтӧ чӧскыд дука выйӧн ёна мавтӧмӧн тэ ветлывлін Молок идол дінӧ. Тэ ылӧдз мӧдӧдлін ассьыд йӧзтӧ, мӧдӧдлін весиг пыдӧстӧминӧдз.