Эсфир 1:19 - Коми Библия 2023

¹⁹ Шогмана кӧ ӧксылы, мед петас сысянь тшӧктӧм, мый Астинь некор оз вермы локны Артаксеркс ӧксы водзӧ, а ӧксы-аньӧ сійӧ босьтас бурджык аньӧс. Тайӧ тшӧктӧмсӧ мед гижасны персияса да мидияса индӧдӧ, кытысь нинӧм вежны оз позь.

Эсфир 1:19 Iomraidhean Croise

Ӧксыяслӧн 3 небӧг 3:28

Став Израиль войтыр кыліс ӧксылӧн веськыда мыждӧм йылысь. Ставнысӧ полӧм босьтіс ӧксыысь. Найӧ гӧгӧрвоисны, мый Енмыс сетӧма Соломонлы мывкыдлун, медым веськыда мыждыны.

Эсфир 1:18

Ӧні персияса да мидияса юралысьяслӧн гӧтыръясныс, кодъяс кыласны, мый вӧчис ӧксы-ань, пондасны тадзи жӧ вӧчны. Сэки увтыртӧмыс да скӧрмӧмыс содас.

Эсфир 1:21

Ӧксылы да юралысьяслы сьӧлӧм вылас воис Мемуканлӧн вӧзйӧмыс. Ӧксы тадзи и вӧчис.

Эсфир 2:1

Кад мысти Артаксеркс ӧксы лӧнис скӧралӧмсьыс, но эз вунӧд, мый Астинь вӧчис, и мый сы йылысь вӧлі шуӧма.

Эсфир 3:9

Ӧксылы кӧ шогмана, мед гижас тайӧ войтырсӧ бырӧдӧм йылысь тшӧктӧм. А ме чуктӧда дас сюрс талант эзысь да сета ӧксылӧн видзанінӧ».

Эсфир 8:5

Сэсся шуис: «Ӧксылы кӧ шогмана, да сійӧ кӧ бур сьӧлӧма ме дінӧ, и тайӧ могсӧ кӧ ӧксы лыддьӧ веськыдӧн, да ме кӧ сылӧн синлы вая нимкодьлун, мед гижас тшӧктӧм, мый Агагсянь чужысь Аммедат Аманлӧн гижӧдыс да ӧксыув муясысь иудейясӧс бырӧдӧм йылысь шуӧмыс абу нин вына.

Эсфир 8:8

Ті асьныд гижӧй иудейяс йылысь тшӧктӧм, кутшӧм тіянлы колӧ. Гижӧй сійӧс ӧксы нимсянь да ӧксылӧн чунькытшнас пуктӧй вынсьӧдана пас. Ӧксы нимсянь гижӧм да ӧксы чунькытшӧн вынсьӧдӧм гижӧдсӧ некод вежны оз вермы».

Даниил 6:17

Вайисны ыджыд из да тупкисны гу вомсӧ. Аслас чунькытшнас да чина йӧзыслӧн чунькытшӧн ӧксы пуктіс сэтчӧ печать, медым Даниил йылысь шуӧм кывкӧртӧдсӧ эз вежны.

Ӧксыяслӧн 1 небӧг 15:28

Самуил шуис: «Талун Господь босьтіс тэнсьыд Израильын ӧксыалӧмтӧ да сетіс сійӧс мӧдлы, тэнад матыссалы, коді тэысь бурджык.