Еремей 9:24 - Коми Библия 2023

²⁴ Но ошйысьысь мед ошйысьӧ сійӧн, мый сылӧн эм гӧгӧрвоӧмлун тӧдны Менӧ. Ӧд Ме – Господь, Ме бурсьӧлӧмтча да веськыда мыжда му вылас. Ті кӧ тшӧтш тадзи вӧчанныд, тіян уджъясныд лоӧны Меным шогманаӧсь, – висьталӧ Господь.

Еремей 9:24 Iomraidhean Croise

Псалтыр 20:7

бурсиин сійӧс нэмъяс кежлӧ. Тэ сетан сылы нимкодясьны Аслад чужӧмбан водзын.

Псалтыр 34:2

Босьт Ассьыд ичӧт да ыджыд сайӧдтӧ, лок меным отсӧг вылӧ.

Псалтыр 34:3

Перйы Ассьыд шыпурттӧ да тупкы менӧ вӧтӧдысьяслысь туйсӧ. Шу менам ловлы, мый Тэ – менам Мездысьыс.

Псалтыр 44:8

Веськыдлуныс тэныд муса, а лёксӧ тэ мустӧмтан. Та вӧсна тэнад Енмыд мавтыштіс тэнӧ нимкодьлунӧн мукӧд дорысь ёнджыка на.

Псалтыр 44:9

Тэнад паськӧмыд ӧвтӧ чӧскыд дукӧн, смирна, алоэ да кассия дукӧн. Тэ олан слӧн лыысь вӧчӧм керкаын, тэнӧ гажӧдӧны шылада ворсанторъясӧн.

Псалтыр 51:1

Сьылысьясӧн веськӧдлысьлы. Давидлӧн сьыланкыв.

Псалтыр 91:14

Найӧс вужйӧдӧма Господьлӧн керкаын, найӧ дзоридзалӧны миян Енлӧн йӧръясын.

Псалтыр 99:4

Локтӧй Сылӧн дзиръяяс дорӧ Сійӧс аттьӧалӧмӧн, пырӧй Сылӧн йӧрӧ Сійӧс ошкӧмӧн. Аттьӧалӧй Господьӧс, ошкӧй Сылысь нимсӧ,

Исай 20:5

Сэки повзясны да яналасны найӧ, кодъяс лача кутісны Эфиопия вылӧ да ошйысисны Египетӧн.

Исай 41:16

Тэ кутан шердйыны найӧс, а тӧлыс нӧбӧдас, тӧвнырыс разӧдас найӧс. Тэ кутан нимкодясьны Господьӧн, кутан ошйысьны Израильлӧн вежа Енмӧн.

Исай 45:25

А Израильсянь чужысьясӧс Господь вӧчас веськыдӧн, и найӧ кутасны ошйысьны Сыӧн.

Исай 61:8

– Ме, Господь, Ме радейта веськыда мыждӧм, мустӧмта мырддялӧм да лёк вӧчӧм. Ме мынтыся Аслам войтырлы збыльыс серти, Ме кӧртала накӧд бырлытӧм йитӧд.

Еремей 22:16

Сійӧ дорйис гӧльясӧс да коньӧръясӧс, та вӧсна сылы вӧлі бур. Тадзи вӧчысь тӧдӧ Менӧ, – висьталӧ Господь. –

Еремей 4:2

Тэ кӧ ловъя Господь водзын кыв сетан, сідзкӧ, веськыда да збыльыс серти тайӧс вӧчан, сэки войтыръяслы лоӧ бурсиӧмыс Господьсянь, и найӧ пондасны ошкыны Сійӧс.

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Микей 7:18

Тэ кодь мӧд енмыс абу! Тэ прӧститан мыжъяс, Ассьыд коляс войтыртӧ лёк вӧчӧмысь он мыжды. Тэ он скӧрав нэмъяс чӧж, ӧд Тэ бур сьӧлӧма.

Матвей 11:27

Ставсӧ сетіс Меным Батьӧй. Сӧмын Батьыс тӧдӧ Писӧ, и сӧмын Пиыс тӧдӧ Батьсӧ. Тӧдӧ нӧшта сійӧ, кодлы Пиыс кӧсйӧ восьтны Батьсӧ.

Лука 10:22

Исус висьталіс велӧдчысьясыслы: «Ставсӧ сетіс Меным Батьӧй. Сӧмын Батьыс тӧдӧ, коді Пиыс, и сӧмын Пиыс тӧдӧ, коді Батьыс. Тӧдӧ нӧшта сійӧ, кодлы Пиыс кӧсйӧ восьтны Батьсӧ».

Иоан 17:3

Помтӧм олӧмыс – тайӧ тӧдны Тэнӧ, ӧти збыль Енмӧс, да Тэӧн мӧдӧдӧм Исус Кристосӧс.

Римӧ 5:11

Но тайӧ абу на ставыс. Ми нимкодясям нӧшта Енмӧн, ӧд Исус Кристос Господьным пыр миян эм Енкӧд бурасьӧм.

1 Коринфӧ 1:31

Тадзи инас тайӧ гижӧдыс: «Ошйысьысь мед ошйысьӧ Господьӧн».

2 Коринфӧ 10:17

Ӧд шуӧма: «Ошйысьысь мед ошйысьӧ Господьӧн».

2 Коринфӧ 4:6

Енмыс, коді тшӧктіс пемыдас ӧзйыны югыдыслы, югдӧдіс миянлысь сьӧлӧмнымӧс, медым ми вермим аддзыны Енлысь дзирдлунсӧ Исус Кристос чужӧмбанысь.

Галатӧ 6:14

Ме ог кӧсйы ошйысьны нинӧмӧн, ошйыся сӧмын миян Господь Исус Кристослӧн крестӧн. Сэні муюгыдсӧ тувъялӧма меным, а менӧ – муюгыдыслы.

Филипӧ 3:3

Збыль вундыштчӧмаясыс – тайӧ ми, ӧд ми кесъялам Енлы Сылӧн Лов нуӧдӧм улын. Ми ошйысям Исус Кристосӧн, огӧ ас выланым лача кутӧй,

1 Иоан 5:20

Нӧшта тӧдам, мый Ен Пи локтіс да сетіс миянлы мывкыдлун, мед ми тӧдім збыль Енсӧ. И ми олам тайӧ збыльыс пытшкын, Исус Кристос Пиыс пытшкын. Сійӧ эм збыль Енмыс да помтӧм олӧмыс.

Ӧксыяслӧн 1 небӧг 15:22

Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.