Еремей 9:17 - Коми Библия 2023

¹⁷ Господь Саваоф тадзи висьталӧ: «Кывзӧй, войтыр! Корӧй бӧрдӧдчысьясӧс. Вайӧдӧй аньясӧс, кодъяс кужӧны бӧрдны-лыддьӧдлыны.

Еремей 9:17 Iomraidhean Croise

2 Каднебӧг 35:25

Еремей сьыліс Иосей йылысь бӧрдан сьыланкыв. Сьылысьяс талунъя лунӧдз сьылӧны Иосей йылысь бӧрдан сьыланкыв. Тайӧ сьыланкывсӧ пыртӧма бӧрдан сьыланкывъяс лыдӧ, Израильын ӧнӧдз сійӧс сьылӧны.

Иов 3:8

Мед ёрасны сійӧс нимкыв лыддьысьяс, кодъяс вермӧны садьмӧдны весиг левиафанӧс.

Еклесиаст 12:5

Повны кутан выліинӧ кайӧмысь, туй вылын – лёкторъясысь. Миндаль пондас дзоридзавны, чирк – варгыльтны, каперс вотӧс вынтӧммас. Мортыс пыр кежлӧ мунӧ кулӧмаяс дінӧ, и бӧрдысьяс колльӧдчӧны туйяс вылын.

Еремей 7:29

Сион, шыр ассьыд юрситӧ да шыбит, сыркъялӧмӧн бӧрд изъя керӧсъяс вылын, ӧд Господь ӧтдортіс да эновтіс тайӧ войтырсӧ, коді скӧрмӧдіс Сійӧс.

Бӧрданкыв 2:5

Господь лои вӧрӧг кодь, Сійӧ виис Израильӧс, бырӧдіс сылысь керкаяссӧ, жугліс изкаръяссӧ, содтіс шогсӧ да бӧрдӧмсӧ Иуда нывлы.

Езекиль 27:2

«Морт пиӧй, сьыв Тир йылысь бӧрдӧдчанкыв.

Езекиль 32:16

Татшӧм бӧрдӧдчанкыв Египет му йылысь да египетса уна лыда войтыр йылысь кутасны сьывны мукӧд войтыръясысь нывъяс, – висьталӧ Господь Ыджыдыс».

Амос 5:1

Кывзӧй, Израиль войтыр, тіян йылысь сьыла тайӧ бӧрдӧдчанкывсӧ.

Микей 2:4

Сійӧ лунӧ тіянӧс кутасны лёкӧдны, тіян йылысь кутасны сьывны бӧрдӧдчанкыв: – Миянӧс дзикӧдз куштісны, войтырнымлысь мусӧ босьтісны, миянлысь ставсӧ мырддисны, муяснымӧс мукӧд войтырлы сетісны.

Матвей 9:23

Юралысь керкаӧ воӧм мысти Исус аддзис пӧлянӧн ворсысьясӧс да гораа бӧрдысь йӧзӧс.

Марк 5:38

Юралысь керкаӧ воӧм мысти Исус аддзис, мый шызьӧм йӧзыс лыддьӧдлӧмӧн бӧрдӧны.