Еремей 8:6 - Коми Библия 2023

⁶ Ме сюся кывза найӧс, но збыльсӧ найӧ оз висьтавны, некод оз каитчы аслас лёк вӧчӧмысь, некод оз шу: «Мый нӧ ме вӧчи!» Тышӧ петысь вӧв моз быдӧн котӧртӧ аслас туйӧд.

Еремей 8:6 Iomraidhean Croise

Иов 10:2

Енмыслы ме шуа: эн мыжды менӧ, висьтав, мыйысь Тэ менӧ мыжалан.

Иов 34:31

Морт мед шуас Енмыслы: «Ме нуи сьӧкыдсӧ, водзӧ ог кут вӧчны мыжсӧ.

Иов 34:32

Ме кӧ мыйкӧ ог гӧгӧрво, велӧд менӧ, вӧчи кӧ лёксӧ, водзӧ ог кут вӧчны».

Псалтыр 14:2

Сӧмын сійӧ, коді олӧ сӧстӧма, вӧчӧ веськыда да сьӧлӧмсяньыс висьталӧ збыльсӧ,

Исай 30:18

Но Господь виччысьӧ, медым буравны тіян дінӧ, Сійӧ кыпӧдчӧ, медым бурсьӧлӧмтчыны тіян дінӧ. Ӧд Господь – веськыда мыждысь Ен. Шудаӧсь Сы вылӧ лача кутысьяс!

Исай 57:17

Менам войтырлӧн горшасян мыжысь Ме ёна скӧралі на вылӧ да дойдалі найӧс, чужӧмӧс бергӧді наысь да лӧгалі на вылӧ, но найӧ эновтісны Менӧ, вӧчисны, мый кӧсйисны.

Исай 59:16

Сійӧ аддзис, мый абу мортыс, шензис, мый абу дорйысьыс. Сійӧ вермис Аслас киӧн, Сылӧн веськыдлуныс лои Сылы отсӧгӧн.

Еремей 23:25

«Ме кывлі, мый висьталӧны пророкъяс, кодъяс Менам нимсянь юӧртӧны ылӧгсӧ. Найӧ шуалӧны, ме пӧ вӧтаси, ме пӧ вӧт аддзылі.

Еремей 3:5

Тэ ӧмӧй пыр пондан лӧгавны? Тэ ӧмӧй помтӧг кутан скӧравны?” Тадзи тэ, Израиль войтыр, сёрнитан, но ачыд тэ сы мында лёксӧ вӧчан».

Еремей 5:1

– Ветлӧдлӧй ерусалимса уличьясті, видзӧдалӧй да тӧдмалӧй, корсьӧй изэрдъяс вылысь мортӧс, коді олӧ веськыда да кутчысьӧ збыляс. Аддзанныд кӧ, сэки Ме прӧстита Ерусалимын олысьясӧс.

Езекиль 18:28

Сійӧ кӧ бергӧдчас аслас мыжысь, сійӧ оз кув, а кутас овны.

Езекиль 22:30

Ме корси Ерусалимысь мортӧс, коді эськӧ ёнмӧдіс стенсӧ, сувтіс Ме водзӧ да сулаліс стен киссьӧминын, медым Ме эг бырӧд мусӧ. Но Ме эг аддзы.

Даниил 9:11

Ми, Израиль войтыр, торким Тэнсьыд Индӧдтӧ, бергӧдчим Тэысь да эгӧ кывзӧй Тэнӧ. Миянӧс суис ёрӧм да мыждӧм, мый йылысь гижӧма Ен кесйӧг Мӧисейлӧн Индӧдын, ӧд ми мыж вӧчим Тэныд паныд.

Микей 7:2

Му вылын бур сьӧлӧмаыс абу, абу веськыда олысьыс. Ставныс кыйӧдчӧны ӧта-мӧдныслысь вир кисьтны, быдӧн кӧсйӧ тывйыштны ассьыс воксӧ.

Софоний 3:7

Ме шулі тэныд Ерусалим, медым тэ сӧмын Меысь полін, Менсьым туйдӧдӧмӧс сибӧдін. Сэки эськӧ тэнсьыд оланінтӧ эз вӧв бырӧдӧма, сэки эськӧ Менам мыждӧмӧй эз су тэнӧ. Но ті зілинныд вӧчны сӧмын лёксӧ.

Аггей 1:5

Господь Саваоф тадзи висьталӧ: – Видзӧдлӧй, кыдзи ті оланныд!

Аггей 1:7

Господь Саваоф тадзи висьталӧ: – Видзӧдлӧй, кыдзи ті оланныд!

Малакий 3:16

Господьысь полысьяс кор сёрнитӧны ӧта-мӧдныскӧд, Господь аддзӧ да кылӧ тайӧс. Сылӧн чужӧмбан водзын казьтылан небӧгӧ гижӧны на йылысь, кодъяс полӧны Господьысь, кодъяс пыдди пуктӧны Сылысь нимсӧ.

2 Петыр 3:9

Кодсюрӧ чайтӧны, мый Господь нюжмасьӧ олӧмӧ пӧртны кӧсйысьӧмсӧ, но Сійӧ оз нюжмась, а терпитӧ миянӧс. Сійӧ оз кӧсйы, мед кодкӧ вошис, но кӧсйӧ, мед быдӧн бергӧдчис мыжъяссьыс.

Восьтӧм 9:20

Мукӧд йӧзыс, кодъяс тайӧ бырӧданторъяссьыс ловйӧн колины, эз бергӧдчыны асланыс лёк уджъясысь. Найӧ важ мозыс копрасисны мутияслы да зарниысь, эзысьысь, ыргӧнысь, изйысь да пуысь вӧчӧм идолъяслы, кодъяс оз вермыны аддзыны, кывны ни ветлыны.