18 – Шогӧй топӧдӧ менӧ, менам сьӧлӧмӧй бӧрдӧ!
Нюжӧд Ассьыд китӧ вылісянь, мезды менӧ да лэпты джуджыд ваысь, мезды менӧ локтысь йӧзлӧн киысь.
Та вӧсна ме шуа: – Кольӧй менӧ, ме кута курыда бӧрдны. Энӧ зільӧй менӧ бурӧдны, ӧд менсьым войтырӧс бырӧдӧма.
Пророкъяс йылысь Еремейлӧн юӧртӧм: – Сьӧлӧмӧй менам жугалӧма, став менам лыясӧй тіралӧны. Господь вӧсна, Сылӧн вежа кывъясыс вӧсна ме лои винаысь коддзӧм морт кодь.
– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.
– Ми кылім на йылысь юӧр, и миян киясным вынтӧммисны, шогыс суис миянӧс, дойыс топӧдіс миянӧс кага чужтысь аньӧс моз.
Вӧлі кӧ менам пытшкӧсӧй тырӧма синваӧн, и синваӧй кӧ шорӧн визувтіс, ме эськӧ лун и вой бӧрді аслам войтыр пӧвстысь кулӧмаяс вӧсна.
Сьӧлӧмным тырӧма дойӧн, синмысь югыдыс кусӧма,
Ме шызьӧмсӧ кылі да, пытшкӧсӧй тіравны пондіс, вомдорӧй вӧрны кутіс, дойыс лыясӧдз пырис, кокӧй дзӧрны пондіс. Но ме лӧня виччыся сійӧ лунсӧ, кор шогыс суас менам войтыр вылӧ уськӧдчысьясӧс.
