Еремей 8:14 - Коми Библия 2023

¹⁴ – Мый нӧ ми пукалам? Чукӧртчӧй, мунамӧй изкаръясӧ, и сэні кулам. Господь, миян Енным, шуис бырӧдны миянӧс, Сійӧ юктӧдӧ миянӧс яд сора ваӧн, ӧд ми мыж вӧчим Господьлы паныд.

Еремей 8:14 Iomraidhean Croise

Ӧксыяслӧн 2 небӧг 20:6

Сэки Давид шуис Авишайлы: «Бикрилӧн Шевей пиыс вермас Авессалом дорысь на унджык лёксӧ вӧчны миянлы. Босьт аскӧдыд менсьым йӧзӧс да вӧтчы сы бӧрся. Сійӧ вермас пышйыны миянысь да дзебсьыны изкарӧ».

Псалтыр 39:2

Ме куті зумыд лача Господь вылӧ, и Сійӧ копыртіс мелань пельсӧ, кыліс менсьым бӧрдӧмӧс.

Исай 47:5

Мун пемыдас, калдея войтырлӧн ныв, да чӧла пукав сэні. Водзӧ тэнӧ оз нин шуны войтыръяс вылын ыджыдалысь ӧксы-аньӧн.

Еремей 14:20

Господьӧй, ми тӧдам ассьыным лёк уджъяснымӧс, асланым батьяслысь лёк вӧчӧмъяссӧ, ми мыж вӧчим Тэныд паныд.

Еремей 14:7

– Мыжъясным мыждӧны миянӧс, но Тэ, Господьӧй, отсав миянлы Аслад нимыд ради. Ми унаысь эновтлім Тэнӧ, мыж вӧчим Тэныд паныд.

Еремей 23:15

Господь Саваоф ерусалимса пророкъяс йылысь тадзи висьталӧ: Ме верда найӧс курыд быдмӧгӧн, юктӧда найӧс яд сора ваӧн, ӧд ерусалимса пророкъяссянь пежыс паськаліс став тайӧ му пасьталаыс.

Еремей 3:25

Яналӧмӧн уськӧдчамӧй муас, юръяндзим мед вевттяс миянӧс, ӧд томдырсянь да ӧніӧдз ми да миян батьясным мыж вӧчим асланым Господь Енлы паныд. Ми эгӧ кывзӧй Господьӧс, ассьыным Енмӧс.

Еремей 35:11

Кор вавилонса Навукодоносор ӧксы уськӧдчис тайӧ муыс вылӧ, ми шуим пышйыны калдеяса да арамса тышкайӧзысь Ерусалимӧ, и ӧніӧдз ми олам тані».

Еремей 9:14

Найӧ олісны асланыс чорыд сьӧлӧмныс серти да юрбитісны Ваал идолъяслы, кыдзи велӧдісны налӧн батьясныс».

Еремей 9:15

Та вӧсна Господь Саваоф, Израильлӧн Ен, тадзи висьталӧ: «Ме верда тайӧ войтырсӧ курыд быдмӧгӧн, юктӧда найӧс яд сора ваӧн.

Бӧрданкыв 3:19

Эн вунӧд менсьым шогсьӧмӧс да оланінтӧг кольӧмӧс, олӧмыс меным курыд, пагӧдан турун кодь.

Левит 10:3

Мӧисей шуис Ааронлы: «Господь ӧд та йылысь висьталіс, кор шуис: ”Ассьым вежалунӧс Ме петкӧдла Ас бердын кесъялысьяс пыр, Ассьым дзирдлунӧс петкӧдла войтырлы”». Аарон чӧв оліс.

Амос 6:10

Кор шойысла локтас рӧдвужсьыс кодкӧ али шойяс сотысь да юалас керкаас пукалысьлысь: «Эм-ӧ на кодкӧ тэкӧд?», мӧдыс вочавидзас: «Абу». Локтысь содтас: «Чӧв ов! Господьлысь нимсӧ тані эн казьтыв».

Аввакум 2:20

А Господь – Аслас вежа крамын. Став муюгыдыс мед ланьтас Сы водзын!

Закар 2:13

Господь водзын мед ланьтас быд морт, ӧд Господь петӧ Аслас вежа оланінысь.

Матвей 27:34

Сэні Исуслы сетісны юны сӧп сора вина, но видлӧм бӧрас Сійӧ эз кут юны.

Индӧд 29:18

Но тіян пӧвстын мед оз лоны сэтшӧм айуловыс да аньыс, рӧдыс да чужанкотырыс, коді эськӧ кежис Господьысь, миян Енмысь, да кутіс юрбитны тайӧ войтыръяслӧн енъяслы. Мед оз ло тіян пӧвстын сэтшӧм мортыс, кодсянь петӧ яд да курыд зелля.

Индӧд 32:32

Вӧрӧглӧн виноград пуыс Содомысь, Гомора му вылын быдмӧма. Налӧн виноград тусьыс ядӧн тырӧма, налӧн розйыс курыд,