Еремей 7:6 - Коми Библия 2023

⁶ онӧ кӧ дзескӧдӧй йӧз муысь локтысьӧс, батьтӧм-мамтӧмӧс да дӧваӧс, онӧ кӧ кисьтӧй мыжтӧм йӧзлысь вирсӧ тайӧ муас, онӧ кӧ юрбитӧй мукӧд енъяслы аслыныд лёк вылӧ,

Еремей 7:6 Iomraidhean Croise

Ӧксыяслӧн 4 небӧг 21:6

Ассьыс писӧ Манассей сотіс биын. Сійӧ кимӧститчис, тунасис да шыасьліс кулӧмаӧс корысьяс да тунасьысьяс дінӧ. Сійӧ вӧчис Господь водзын уна шогмытӧмсӧ, и тайӧн дӧзмӧдіс Господьӧс.

Ӧксыяслӧн 4 небӧг 24:4

Манассей кисьтіс мыжтӧм йӧзлысь вирсӧ сы мында, мый Ерусалим тырис вирӧн. Та вӧсна Господь эз прӧстит сійӧс.

Псалтыр 106:38

Господь бурсиӧ найӧс, и налӧн лыдыс содӧ, налӧн ыж-мӧскыс оз чин.

Шусьӧгъяс 23:10

Важысянь пуктӧм мудор пассӧ эн вешты, батьтӧм-мамтӧмлысь мусӧ эн мырддьы,

Исай 59:7

Налӧн кокныс котӧртӧ лёксӧ вӧчны, найӧ тэрмасьӧны мыжтӧмлысь вир кисьтны. Налӧн мӧвпъясыс шогмытӧмӧсь, найӧ мырддялӧны да виалӧны.

Еремей 13:10

Тайӧ лёк войтырыс оз кӧсйы кывзыны Менсьым кывъясӧс. Найӧ олӧны асланыс чорыд сьӧлӧмныс серти, юрбитӧны-копрасьӧны да кесъялӧны мукӧд енъяслы. Найӧ лоӧны сісьмӧм вӧнь кодьӧсь, нинӧм вылӧ оз нин шогмыны.

Еремей 19:4

Ерусалимын олысьяс эновтісны Менӧ, пежалісны тайӧ ковтыссӧ, сотӧны тані висьяс мукӧд енъяслы, кодъясӧс эз тӧдлыны ни найӧ, ни налӧн батьясныс, ни иудаса ӧксыяс. Найӧ тыртісны тайӧ ковтыссӧ мыжтӧм йӧзлӧн вирӧн.

Еремей 2:30

Весьшӧрӧ Ме нӧйтлі тіянлысь челядьнытӧ, найӧ эз сибӧдны Менсьым туйдӧдӧмӧс. Чашйысь лев моз тіян шыпуртныд бырӧдліс пророкъяснытӧ [но тайӧ тіянӧс эз повзьӧд].

Еремей 2:34

Тэ эн су коньӧр йӧзӧс гусясиганыс, но паськӧмыд ляксьӧма тайӧ мыжтӧм йӧзлӧн вирнас. И та вылӧ видзӧдтӧг

Еремей 26:15

Сӧмын тӧдӧй, ті кӧ вианныд менӧ, сэки тіянлы, тайӧ карыслы да карас олысьяслы ковмас кывкутны мыжтӧм мортлӧн вирысь. Тіян дінӧ менӧ збыльысь мӧдӧдіс Господь, медым ме юӧрті став тайӧ кывъяссӧ».

Еремей 26:23

Найӧ петкӧдісны Урийӧс Египетысь да вайӧдісны Ехояким ӧксы дінӧ. Ӧксы виис сійӧс шыпуртӧн, а шойсӧ шыбитіс войтырлӧн шойна вылӧ.

Еремей 35:15

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 5:28

тшӧгнысла найӧ лӧсталӧны, пӧтлытӧг вӧчӧны лёксӧ, найӧ оз веськыда мыждыны, батьтӧм-мамтӧмъясӧс оз дорйыны, гӧльяслы оз отсавны ёрд вылын.

Еремей 7:5

Ті кӧ збыльысь веськӧданныд ассьыныд туйяснытӧ, вӧчанныд бурсӧ да веськыда мыжданныд ӧта-мӧднытӧ,

Еремей 7:9

Ті гусясянныд, виаланныд, пежаланныд гозъякост олӧм, кыв сетіганыд пӧръясянныд, сотанныд висьяс Ваал идоллы, юрбитанныд мукӧд енъяслы, кодъясӧс ті онӧ тӧдӧй.

Бӧрданкыв 4:13

Тайӧ лои пророкъяслӧн мыж вӧсна, попъяслӧн лёк вӧчӧм вӧсна, ӧд Ерусалим карын найӧ кисьтісны веськыда олысьяслысь вирсӧ.

Езекиль 18:6

оз сёй вись ваян мыльк вылын да оз юрбит Израиль войтырлӧн идолъяслы. Сійӧ оз узьлы мӧдлӧн гӧтыркӧд да оз инмӧдчы аслас гӧтыр дінӧ тӧлысся дырйиыс.

Езекиль 22:7

Ерусалимын бать-мамӧс пыдди оз пуктыны, йӧз муысь локтысьясӧс топӧдӧны, батьтӧм-мамтӧмӧс да дӧваӧс дзескӧдӧны.

Левит 19:33

Йӧз муысь локтысьӧс энӧ дзескӧдӧй.

Левит 25:17

Энӧ пӧръялӧй ӧта-мӧднытӧ. Полӧй асланыд Енмысь, ӧд Ме – Господь, тіян Енныд.

Малакий 3:5

– Ме локта тіян дінӧ, медым мыждыны! Ме нюжмасьтӧг мыжда тунасьысьясӧс, гозъякост олӧм пежалысьясӧс, пӧръясьӧмӧн кыв сетысьясӧс, найӧс, кодъяс оз мынтысьны уджалысьлы, дзескӧдӧны дӧваӧс да батьтӧм-мамтӧмӧс, ӧтдортӧны йӧз муысь локтысьӧс – ставнысӧ, кодъяс оз повны Меысь, – висьталӧ Господь Саваоф.

Матвей 27:25

Став йӧзыс воча горӧдісны: «Мед Сылӧн вирыс миян вылӧ да миян челядьным вылӧ коляс».

Матвей 27:4

да шуис налы: «Ме мыж вӧчи, мыжтӧм мортӧс вузалі». Найӧ вочавидзисны: «Миянлы нӧ мый? Ачыд ӧд тӧдін».

Индӧд 11:28

Ёрӧмыс лоӧ тіянлы, ті кӧ онӧ кутӧй овны асланыд Господь Енлӧн индӧд-тшӧктӧмъяс серти, кежанныд кӧ туйсьыс, кытчӧ ме веськӧда тіянӧс талун, да мунанныд тіянлы тӧдтӧм енъяс бӧрся.

Индӧд 24:17

Йӧз муысь локтысьлысь да батьтӧм-мамтӧмлысь [да дӧвалысь] могъяссӧ видлалігӧн лоӧй веськыдӧсь. Дӧвалысь паськӧмсӧ уджйӧзӧн сетӧмсьыныд энӧ босьтӧй.

Индӧд 27:19

”Ёрӧм улӧ веськалӧ быдӧн, коді йӧз муысь локтысьлысь, батьтӧм-мамтӧмлысь да дӧвалысь могъяссӧ оз веськыда видлав”. И став войтырыс мед шуас: ”Мед лоӧ тадзи!”

Индӧд 8:19

Ті кӧ вунӧданныд Господьӧс, ассьыныд Ентӧ да понданныд кесъявны-юрбитны мукӧд енъяслы, сэки ті быранныд. Талун [енэжыс и муыс водзын] кыв сета, мый ті быранныд.

Яков 1:27

Мортыс кӧ видзӧ асьсӧ тайӧ мувывса пежсьыс, сійӧ кӧ тӧждысьӧ батьтӧм-мамтӧм челядь вӧсна да дӧваяс вӧсна налӧн сьӧкыдалігӧн – тайӧ эм Ен Бать водзын сӧстӧм да пежасьтӧм вежавидзӧм.