Еремей 7:29 - Коми Библия 2023

²⁹ Сион, шыр ассьыд юрситӧ да шыбит, сыркъялӧмӧн бӧрд изъя керӧсъяс вылын, ӧд Господь ӧтдортіс да эновтіс тайӧ войтырсӧ, коді скӧрмӧдіс Сійӧс.

Еремей 7:29 Iomraidhean Croise

Ӧксыяслӧн 4 небӧг 17:20

Господь бергӧдчис Израильлӧн став чужанкотырысь, ыстіс налы уна шог да сетіс найӧс куштысь-мырддялысьяс киӧ. Сійӧ вӧтліс найӧс Аслас чужӧмбан водзысь.

Иов 1:20

Иов чеччис да косяліс вылыс паськӧмсӧ, юрсисӧ шырис да кымынь уськӧдчис муас.

Исай 22:12

Сійӧ лунӧ Ыджыдыс, Господь Саваоф, чуксаліс тіянӧс бӧрдны да шогсьыны, шырны юрсинытӧ да пасьтасьны шогалан паськӧмӧ.

Еремей 12:7

– Ме эновті Ассьым керкаӧс, эновті Ассьым бӧрйӧм войтырӧс, Ассьым муса войтырӧс Ме сеті вӧрӧг киӧ.

Еремей 14:19

– Господьӧй, Тэ ӧмӧй дзикӧдз ӧтдортін Иудаӧс? Тэ ӧмӧй мустӧмтан Сионӧс? Мыйла Тэ сэтшӧма дойдалін миянӧс, мый огӧ вермӧй бурднысӧ? Ми виччысим лӧнь олӧм, но нинӧм бурыс эз ло миянлы. Ми виччысим бурдӧм, но воис повзьӧдан кад.

Еремей 16:6

Тайӧ муас куласны ичӧтъяс и гырысьяс, но найӧс некод оз гуав, некод оз кут бӧрдны на вӧсна, некод оз вундав ассьыс вир-яйсӧ да оз шыр юрсисӧ на вӧсна.

Еремей 3:2

Лэпты синтӧ изъя керӧсъяслань да видзӧдлы, эм-ӧ сэтшӧм керӧсыс, кӧні эськӧ тэ эн сетчы мукӧд енъяслы. Овтӧминын кыйӧдчысь араб моз тэ пукалін туй бокын да виччысин ветлысь-мунысьясӧс. Мукӧд енъяслы сетчӧмнад да лёк вӧчӧмнад тэ пежалін мусӧ.

Еремей 3:21

Изъя керӧсъяс вылын кылӧ гӧлӧс шы, Израиль войтырлӧн бӧрдӧм да кевмӧм шы, ӧд найӧ кежисны асланыс туй вылысь, вунӧдісны Господьӧс, ассьыныс Енсӧ.

Еремей 47:5

Газа шырас ассьыс юрсисӧ, Аскалонын олысьясӧс лоӧ бырӧдӧма, лоӧ бырӧдӧма енак войтырлысь коляссӧ. Дыр-ӧ на ті кутанныд пуртӧн вундавны вир-яйнытӧ?

Еремей 48:37

Найӧ шырӧмаӧсь юрнысӧ, бритӧмаӧсь тошнысӧ, налӧн ки выланыс пуртӧн вундӧм туйяс, найӧ пасьтасьӧмаӧсь шогалан паськӧмӧ.

Еремей 6:30

Найӧс шуасны ковтӧм эзысьӧн, ӧд Господь ӧтдортіс найӧс.

Еремей 9:10

– Ме сыркъялӧмӧн бӧрда керӧсъяс вӧсна, ырзӧмӧн бӧрда видзьяс вӧсна, ӧд туруныс сотчӧма, видзьяс вылын некод оз ветлӧдлы, оз кыв ыж-мӧслӧн баксӧмыс, енэжвывса лэбачьяс лэбзьӧмаӧсь, пемӧсъяс пышйӧмаӧсь.

Еремей 9:16

Ме разӧда найӧс войтыръяс пӧвстӧ, кодъясӧс эз тӧдлыны ни найӧ, ни батьясныс. Ме мӧдӧда шыпурт виавны найӧс, кытчӧдз ставнысӧ ог бырӧд».

Бӧрданкыв 5:22

Тэ ӧмӧй дзикӧдз эновтін миянӧс? Тэ ӧмӧй сэтшӧм ёна лӧгалан миян вылӧ?

Езекиль 19:1

Сьыв израильса ӧксыяс йылысь тайӧ бӧрдӧдчанкывсӧ:

Езекиль 28:12

«Морт пиӧй, бӧрд тирса ӧксы вӧсна. Шу сылы, мый Господь Ыджыдыс тадзи висьталӧ: тэ вӧлін тыр-бур, зэв мывкыд да вывті мича.

Амос 5:1

Кывзӧй, Израиль войтыр, тіян йылысь сьыла тайӧ бӧрдӧдчанкывсӧ.

Микей 1:16

Иуда войтыр, шыр юрситӧ, шогсьы муса ныв-пиыд вӧсна! Шырсьы, мед лоан кондор лэбач кодь куш юра, ӧд ныв-питӧ пленӧ нуӧдасны.

Матвей 12:39

Исус воча шуис: «Лёк да пежас ылалӧм йӧз кӧсйӧны аддзывны индысьпас, но Иона пророк пасысь кындзи оз ло налы мӧдыс.

Матвей 16:4

Лёк да пежас ылалӧм йӧз кӧсйӧны аддзывны индысьпас, но Иона пророк пасысь кындзи оз ло налы мӧдыс». Сэсся Исус колис найӧс да муніс сэтысь.

Матвей 23:36

Веськыда висьтала тіянлы: таысь ставсьыс мыжыс усьӧ ӧнія олысьяс вылӧ!»

Матвей 3:7

Уна фарисей да саддукей локтісны Иоан дінӧ пыртчыны. Иоан аддзис найӧс да шуис: «Вижля йылӧм! Коді туйдӧдіс тіянӧс пышйыны локтана скӧрлунысь?

Ап. уджъяс 2:40

Тадзи унатор на Петыр висьталіс да ышӧдӧмӧн шуаліс: «Мездысьӧй тайӧ нэмса тшыксьӧм йӧзысь, мед эз су тіянӧс мыждӧмыс».

Индӧд 32:5

Но тайӧ войтырыс мыж вӧчӧ Господьлы паныд, асланыс мыж вӧсна найӧ абу нин Сылӧн ныв-пи, найӧ – ылӧдчысьяс, пежас вӧйӧмаяс.