Еремей 7:24 - Коми Библия 2023

²⁴ Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс кӧсйӧм серти, лёк да чорыд сьӧлӧмныс серти, бергӧдісны Меланьӧ мышнысӧ, а эз чужӧмнысӧ.

Еремей 7:24 Iomraidhean Croise

Неемий 9:29

Тэ ӧлӧдлін найӧс, медым найӧ бергӧдчисны Тэнад Индӧд дінӧ, но найӧ пыксисны, эз кывзыны Тэнсьыд тшӧктӧмъястӧ, мыж вӧчӧмӧн торкисны Тэнсьыд Индӧдтӧ, мый вайӧ олӧм мортыслы, коді сы серти олӧ. Найӧ пыксисны-асныралісны, эз кывзыны Тэнӧ.

Еремей 13:10

Тайӧ лёк войтырыс оз кӧсйы кывзыны Менсьым кывъясӧс. Найӧ олӧны асланыс чорыд сьӧлӧмныс серти, юрбитӧны-копрасьӧны да кесъялӧны мукӧд енъяслы. Найӧ лоӧны сісьмӧм вӧнь кодьӧсь, нинӧм вылӧ оз нин шогмыны.

Еремей 13:11

Кыдзи мортлӧн вӧньыс вир-яй бердас, сідзи Ме босьті Ас бердӧ Израиль да Иуда войтыръясӧс, медым найӧ вӧліны Менам войтырӧн да ошкисны-нимӧдісны Менӧ, – висьталӧ Господь. – Но найӧ эз кывзыны Менӧ.

Еремей 15:6

Тэ эновтін Менӧ, – висьталӧ Господь, – тэ кежин Меысь. Та вӧсна Ме лэпта тэ вылӧ Ассьым киӧс да бырӧда тэнӧ, Ме мудзи тэ дінӧ буравны.

Еремей 16:12

Но ті лёксӧ вӧчанныд асланыд батьяс дорысь унджык на! Быдӧн тіян пӧвстысь олӧ лёк да чорыд сьӧлӧмыс серти, оз кывзы Менӧ.

Еремей 17:23

Но тіян батьясныд эз кывзыны, эз сибӧдны Менсьым кывъясӧс, найӧ асныралісны, эз кывзыны, эз сибӧдны Менсьым туйдӧдӧмӧс.

Еремей 17:9

Мортлӧн сьӧлӧмыс наян, сійӧс он вермы вежнысӧ. Коді тӧдӧ мортлысь сьӧлӧмсӧ?

Еремей 18:10

Но сійӧ войтырыс кӧ кутас вӧчны Менам син водзын шогмытӧмсӧ, оз кут кывзысьны Менсьым, сэки Ме вежа Ассьым шуӧмӧс да ог вӧч сійӧ бурсӧ, мый шуи вӧчны налы.

Еремей 18:12

Но найӧ шуасны тэныд: ”Эн виччысь! Ми кутам овны асланым кӧсйӧм серти, лёк да чорыд сьӧлӧмным серти”».

Еремей 2:27

Пулы войтырыс шуӧ, тэ пӧ менам батьӧй, излы шуӧ, тэ пӧ чужтін менӧ. Найӧ бергӧдісны Меланьӧ мышнысӧ, а эз чужӧмнысӧ. Но кор шогыс суӧ найӧс, найӧ шуалӧны: «Лок да отсав миянлы!»

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 23:17

Менӧ мустӧмтысьяслы найӧ пыр дольӧны, Господь пӧ висьталӧ, мый тіян век лоӧ лӧнь олӧм. Налы, кодъяс чорзьӧдӧмаӧсь ассьыныс сьӧлӧмнысӧ, тайӧ пророкъясыс шуӧны, шогыс пӧ оз су тіянӧс.

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Еремей 3:17

Сійӧ кадас Ерусалим карсӧ шуасны Господьлӧн юралан пуклӧсӧн. Став войтыръясыс чукӧртчасны Ерусалимӧ, медым ыдждӧдлыны Господьлысь нимсӧ. Найӧ оз нин кутны овны асланыс лёк да чорыд сьӧлӧмныс серти.

Еремей 32:23

Найӧ локтісны да босьтісны тайӧ мусӧ, но найӧ эз кывзысьны Тэнсьыд, эз овны Тэнад Индӧдыд серти. Найӧ эз вӧчны сійӧ, мый Тэ тшӧктін вӧчны налы, та вӧсна Тэ мӧдӧдін налы став тайӧ шогсӧ.

Еремей 32:33

Найӧ бергӧдісны Меланьӧ мышнысӧ, а эз чужӧмнысӧ. Ме выльысь и выльысь велӧдлі найӧс, но найӧ эз кывзыны, эз сибӧдны Менсьым туйдӧдӧмӧс.

Еремей 35:15

Ме выльысь и выльысь мӧдӧдлі тіян дінӧ Ассьым кесйӧгъясӧс – пророкъясӧс. Ме тшӧкті налы юӧртны тіянлы: бергӧдчӧй асланыд лёк туй вылысь, вӧчӧй бурсӧ, энӧ юрбитӧй мукӧд енъяслы да энӧ кесъялӧй налы, сэки ті кутанныд овны сійӧ муас, мый Ме сеті тіянлы да тіян батьяслы. Но ті энӧ сибӧдӧй Менсьым кывъясӧс, энӧ кывзӧй Менӧ.

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Еремей 7:26

Но ті энӧ кывзӧй Менӧ, энӧ сибӧдӧй Менсьым кывъясӧс. Ті асныралінныд да вӧчинныд лёксӧ асланыд батьяс дорысь унджык на.

Еремей 8:5

Мыйла тайӧ войтырыс бергӧдчӧма Меысь, мыйла Ерусалимын олысьяс эновтӧмаӧсь Менӧ? Найӧ зумыда кутчысьӧны ылӧгас, оз кӧсйыны бӧр бергӧдчыны.

Еремей 9:14

Найӧ олісны асланыс чорыд сьӧлӧмныс серти да юрбитісны Ваал идолъяслы, кыдзи велӧдісны налӧн батьясныс».

Езекиль 20:13

Но Израиль войтыр кыпӧдчис Меным паныд овтӧминын. Найӧ бокӧ вештісны Менсьым индӧд-тшӧктӧмъясӧс, на серти эз овны, медым видзны ассьыныс олӧмнысӧ. Менсьым шойччан лунӧс найӧ пежалісны. Сэки Ме шуи, мый овтӧминын кисьта на вылӧ Ассьым скӧрлунӧс да бырӧда найӧс.

Езекиль 20:16

Найӧ вештісны Менсьым индӧд-тшӧктӧмъясӧс бокӧ, эз овны на серти, пежалісны Менсьым шойччан лунӧс, ӧд сьӧлӧмнысӧ бергӧдісны идолъяслань.

Езекиль 20:21

Но найӧ тшӧтш кыпӧдчисны Меным паныд, эз овны Менам индӧд-тшӧктӧмъяс серти, медым видзны ассьыныс олӧмнысӧ. Нӧшта найӧ пежалісны Менсьым шойччан лунӧс. Сэки Ме шуи, мый овтӧминын кисьта на вылӧ Ассьым скӧрлунӧс, койышта став Ассьым ярлунӧс.

Езекиль 20:8

Но найӧ кыпӧдчисны Меным паныд, эз кӧсйыны Менӧ кывзыны. Найӧ эз вештыны син водзсьыныс зывӧкторъяссӧ, эз эновтчыны египетса идолъясысь. Сэки Ме шуи, мый Египетын кисьта на вылӧ Ассьым скӧрлунӧс, койышта став Ассьым ярлунӧс.

Даниил 9:6

Ми эгӧ кывзӧй Тэныд кесъялысь пророкъясӧс, кодъяс шыасьлісны Тэнад нимӧн миян ӧксыяс дінӧ, юралысь-веськӧдлысьяс дінӧ, миян батьяс дінӧ да миян муын олысь став войтырыс дінӧ.

Осий 10:6

Найӧ нуасны бӧлбансӧ Ассурӧ Ярев ӧксылы козин пыдди. Ефремлы яндзим лоӧ, Израиль яналас аслас лӧсьӧдӧмторъясысь.

Осий 4:16

Израиль лои асныра мӧс кодь. Кутас-ӧ Господь ыжъясӧс моз ӧні видзны найӧс паськыд видз вылын?

Микей 6:16

Ті вӧчанныд Омрилӧн тшӧктӧмъяс серти, оланныд Ахав рӧд моз, ветланныд налӧн лёк туйӧд. Та вӧсна Ме кушта карнытӧ, сэні олысьясӧс серамвыв лэпта. Менам войтырӧй вӧсна ті кутанныд нуны янӧдӧмсӧ.

Закар 7:11

Но тіян батьясныд эз кӧсйыны кывзыны, пельнысӧ тупкісны да бергӧдісны Меланьӧ мышнысӧ.

Индӧд 29:19

Йитӧд йылысь кыв сетӧмсӧ кылӧм бӧрын татшӧм мортыс мӧвпалӧ: ”Менам ставыс лоӧ бур. Ола, кыдзи кӧсъя”. Татшӧм мортыс вӧсна бырӧдӧмыс локтас став войтырыс вылӧ.