Еремей 6:16 - Коми Библия 2023

¹⁶ Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Еремей 6:16 Iomraidhean Croise

Ӧксыяслӧн 3 небӧг 8:36

сэки Тэ кыв найӧс енэжсяньыд да прӧстит Аслад кесйӧгъяслысь да Израиль войтырыдлысь мыжсӧ. Петкӧдлы налы бур туйсӧ, кыті налы колӧ мунны, да мӧдӧд зэрсӧ Аслад му вылӧ, мый Тэ вичмӧдін Аслад войтырыдлы.

2 Каднебӧг 19:11

Амарей аркирей мед кывкутас Господьлы кесъялӧм вӧсна, а Измаиллӧн Зевадай пиыс, Иуда чужанкотырлӧн юралысь, мед кывкутас ӧксылы кесъялӧм вӧсна. Левитъяс мед отсасясны тіянлы. Лоӧй зумыдӧсь, кутчысьӧй уджӧ! Господь мед лоас бурсӧ вӧчыськӧд!»

Исай 2:5

Яковсянь чужысьяс, локтӧй, кутам овны Господьлӧн югыдас!

Исай 28:12

Водзын Сійӧ шуліс налы: «Тані ті аддзанныд шойччанін, сетӧй мудзӧмалы шойччыны. Тані ті аддзанныд лӧньӧм». Но найӧ эз кӧсйыны кывзыны.

Исай 30:21

Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Исай 46:9

Казьтыштӧй, мый вӧлі водзынджык, му пуксьӧмсяньыс. Ме – Енмыс, и мӧдыс абу, Ме – Енмыс, и Ме кодь мӧдыс абу.

Исай 57:2

сылӧн эм лӧньлун. Веськыд туйӧд ветлысь шойччӧ вольпась вылас.

Исай 8:20

Шыасьӧй менам велӧдӧмӧй да гижӧдӧй дінӧ. Коді висьталӧ мӧд нога, оз тайӧ кывйыс серти, сылы аскиа луныс оз ло.

Еремей 12:16

Найӧ кӧ велӧдчасны овны, кыдзи Ме тшӧкті овны Аслам войтырлы, велӧдчасны кӧ кыв сетны ловъя Господь водзын, кыдзи найӧ велӧдісны Менсьым войтырӧс кыв сетны Ваал идол водзын, сэки найӧ вужъясясны Менам войтыр пӧвстӧ.

Еремей 18:12

Но найӧ шуасны тэныд: ”Эн виччысь! Ми кутам овны асланым кӧсйӧм серти, лёк да чорыд сьӧлӧмным серти”».

Еремей 18:15

Но Менам войтырӧй вунӧдіс Менӧ, найӧ сотӧны висьяс абутӧм енъяслы. Найӧ крукасисны асланыс туй вылын, кежисны важ туй вылысь, ӧні ветлӧдлӧны сэті, кӧні туйыс абу.

Еремей 2:25

Видзчысь, медым котралігад эн коль кӧмтӧг, медым горшыд дзикӧдз эз косьмы. Но тэ шуин: «Ог кӧсйы кывзыны тайӧс! Меным мусаӧсь мукӧд енъяс, и налы ме юрбита».

Еремей 22:21

Бур кадӧ Ме ӧлӧдлі тэнӧ, но тэ шулін, ог пӧ кывзы. Томдырсяньыд тэ тадзи вӧчин, эн кывзы Менӧ.

Еремей 31:21

Сувтӧд туй бокад изъяс, сувтӧд аслыд пасъяс, медым эн вунӧд ветлан туйтӧ. Бергӧдчы, Израиль ныв, бергӧдчы аслад каръясӧ.

Еремей 42:3

Господь, тэнад Енмыд, мед петкӧдлас миянлы туйсӧ, кыті мунны да мый вӧчны».

Еремей 44:16

«Ми огӧ кывзӧй тэнсьыд кывъястӧ, мый тэ юӧртін миянлы Господь нимсянь.

Еремей 50:5

Найӧ пондасны корсьны Сионӧ мунан туй, сылань чужӧмнысӧ бергӧдӧмӧн найӧ шуасны: «Мунамӧй Господь дінӧ, огӧ вунӧдӧй пыр кежлӧ кӧрталӧм йитӧдсӧ».

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Еремей 7:24

Но найӧ эз кывзыны Менӧ, эз сибӧдны Менсьым кывъясӧс. Найӧ олісны асланыс кӧсйӧм серти, лёк да чорыд сьӧлӧмныс серти, бергӧдісны Меланьӧ мышнысӧ, а эз чужӧмнысӧ.

Еремей 7:3

Господь Саваоф, Израильлӧн Ен, тадзи висьталӧ: веськӧдӧй ассьыныд туйяснытӧ да вӧчӧй бурсӧ, сэки Ме сета тіянлы овны тайӧ муас.

Малакий 4:4

Энӧ вунӧдӧй Менам Мӧисей кесйӧглысь Индӧдсӧ, мый Ме сеті сылы Хорив керӧсын, энӧ вунӧдӧй тшӧктӧмъяссӧ, мый Ме сеті став Израиль войтырлы.

Лука 16:29

Ӧвраам шуис сылы: ”Налӧн эм Мӧисей да пророкъяс, мед найӧс кывзасны”.

Иоан 12:35

Сэки Исус шуис налы: «Этшаник кад югыдыс лоас на тіянкӧд. Сідзкӧ, ветлӧй югыдыс дырйи, медым пемыдыс эз пӧдты тіянӧс. Пемыдас ветлысь оз тӧд, кытчӧ мунӧ.

Иоан 13:17

Тайӧс кӧ тӧданныд да та серти оланныд, ті шудаӧсь.

Иоан 5:39

Ті тӧдмаланныд-туяланныд Гижӧдъяссӧ, медым тіянлы вичмис помтӧм олӧм, а Гижӧдъясыс висьталӧны Ме йылысь.

Ап. уджъяс 17:11

Фессалоникасаяс дорысь татчӧс иудейяс вӧліны восьса сьӧлӧмаӧсь. Найӧ сибӧдісны Енлысь кывсӧ став сьӧлӧмнас, быд лун лыддьысисны, видзӧдісны Гижӧдъясысь, збыльысь-ӧ ставыс тадз.

Римӧ 4:12

Сійӧ бать тшӧтш вундыштчӧмаяслы, кодъяс эз сӧмын вундыштчыны, но Ӧвраам батьным моз ветлӧны эскӧмыслӧн туйӧд, кыті ветліс сійӧ вундыштчытӧдзыс на.

Индӧд 32:7

Энӧ вунӧдӧй кольӧм лунъястӧ, казьтылӧй важ олӧм йылысь. Юасьӧй батьясныдлысь, и найӧ гӧгӧрвоӧдасны, юалӧй олӧма йӧзлысь, и найӧ висьталасны.

Колосӧ 2:6

Ті кӧ сибӧдінныд Господь Исус Кристосӧс, сідзкӧ, олӧй Сы пытшкын.

Еврейяслы 11:2

Миян пӧльяс эскисны, та вӧсна найӧ шогмисны Енлы.

Еврейяслы 6:12

Энӧ дышӧдчӧй, но лоӧй на кодьӧсь, кодъяс эскӧмӧн да терпитӧмӧн босьтӧны Енсянь кӧсйысьӧмасӧ.

Ёрдысьяс 2:17

Но и ёрдысьясӧс Израиль войтыр эз кывзы, кырсалысь ань моз сетчис мукӧд енъяслы да юрбитіс налы. [Тадзи скӧрмӧдіс Господьӧс.] Батьяслӧн туй вылысь найӧ ӧдйӧ кежисны. Налӧн батьясныс олісны Господьлӧн тшӧктӧмъяс серти, а тайӧяс – эз.