Еремей 51:57 - Коми Библия 2023

⁵⁷ – Ме коддзытӧдзныс юктӧда вавилонса юралысьясӧс, тӧдысьясӧс, ыджыдалысьясӧс да тышкайӧзӧс. Найӧ унмовсясны пыр кежлӧ да оз садьмыны, – висьталӧ Ӧксы, кодлӧн нимыс Господь Саваоф.

Еремей 51:57 Iomraidhean Croise

Исай 37:36

Локтіс Господьлӧн анделыс да ассурса тышкайӧзлӧн чукӧртчанінын виис сё кӧкъямысдас вит сюрс мортӧс. Асывнас ловйӧн кольӧм ассурсаяс садьмисны да аддзисны, мый гӧгӧр туплясьӧны шойяс.

Исай 44:25

Ме нинӧмӧ бергӧда ылӧгпророкъяслысь индысьпасъяссӧ, эрдӧда туналысьяслысь йӧйталӧмсӧ, шӧйӧвошта тӧдысьясӧс, налысь тӧдӧмлунсӧ вӧча нинӧмӧн.

Исай 6:5

Сэки ме шуи: «Курыд шог меным, менӧ виччысьӧ кулӧм! Ме ӧд пеж вома морт, ола пеж вома войтыр пӧвстын, но ме аддзылі Ӧксыӧс, Господь Саваофӧс».

Еремей 13:13

Сэки тэ шу налы, мый Господь тадзи висьталӧ: тайӧ муас став олысьсӧ, Давидлӧн юралан пуклӧсын пукалысь ӧксыясӧс, тшӧтш попъясӧс, пророкъясӧс да Ерусалимын став олысьсӧ Ме юктӧда коддзытӧдзныс.

Еремей 25:27

Господь висьталіс меным: «Юӧрт ставныслы, мый Господь Саваоф, Израильлӧн Ен, тадзи висьталӧ: юӧй коддзытӧдзныд, восмӧнныд, да усьӧй кок йывсьыныд. Сэки ті онӧ нин чеччӧй, ӧд Ме мӧдӧда тіян вылӧ шыпуртӧс.

Еремей 46:18

Ме кыв сета, – висьталӧ Ӧксы, кодлӧн нимыс Господь Саваоф, – мый локтас вӧрӧг, коді керӧсъяс пӧвстын сулалысь Тавор керӧс кодь, саридз весьтын сулалысь Кармил керӧс кодь.

Еремей 48:15

Моавӧс лоӧ пазӧдӧма, сылысь каръяссӧ бырӧдасны, медбур зонъяссӧ начкасны, – висьталӧ Ӧксы, кодлӧн нимыс Господь Саваоф. –

Еремей 50:30

Сылӧн изэрдъяс вылын усясны зонъяс, сійӧ лунӧ сылысь тышкайӧзсӧ лоӧ виӧма, – висьталӧ Господь.

Еремей 51:39

Кор найӧ пузясны, Ме дасьта налы гажӧдчӧм, юктӧда найӧс коддзытӧдзныс, медым найӧ нимкодясисны, сэсся пыр кежлӧ унмовсисны, и эз нин садьмыны, – висьталӧ Господь.

Езекиль 20:33

Ме Ачым кыв сетӧмӧн шуа, – висьталӧ Господь Ыджыдыс, – мый Ме кута ӧксыавны скӧрлунӧн, Ассьым вына киӧс да ён сойӧс лэптӧмӧн.

Наум 1:10

Найӧ коддзӧм морт кодьӧсь, дзугсьӧмаӧсь бытшкасьысь турун пӧвстӧ, найӧ сотчасны кос идзас моз.

Наум 3:18

Ассурса ӧксы, тэнсьыд войтыртӧ видзысьясыд узьӧны, тэнад тышкайӧзӧн веськӧдлысьясыд куйлӧны. Тэнад войтырыд разалӧма керӧсъяс пасьтала, некодлы найӧс чукӧртнысӧ.

Малакий 1:14

Ёрӧма пӧръясьысьӧс, коді дзоньвидза ай пемӧссӧ кӧсйысьӧ вись пыдди вайны Господьлы, но вайӧ висьысьӧс. Тӧдӧй, Ме – ыджыд Ӧксы, – висьталӧ Господь Саваоф, – и Менам нимысь полӧны войтыръяс.

Восьтӧм 18:9

Кор сылысь сьӧд тшынӧн сотчӧмсӧ аддзасны мувывса ӧксыяс, кодъяс кырсалісны да лышкыда гажӧдчисны сыкӧд, кутасны сыркъялӧмӧн бӧрдны сы вӧсна.