Еремей 51:54 - Коми Библия 2023

⁵⁴ Вавилонысь кылӧ горзӧм шы, Калдея муын ставсӧ кисьтӧма-пазӧдӧма.

Еремей 51:54 Iomraidhean Croise

Исай 15:5

Менам сьӧлӧмӧй бӧрдӧ Моав вӧсна. Моавсаяс пышйӧны Цоарӧ, мунӧны Эглат-Шелишияӧдз, найӧ бӧрдӧмӧн кайӧны Лухит керӧсӧ, Хоронаимӧ мунан туй вылын ойзӧны бырӧдӧм вӧсна.

Исай 25:5

Кыдзи Тэ дугӧдан шонді пӧжӧмсӧ овтӧминын, тадзи Тэ ланьтӧдан паныд сувтысьяслысь шызьӧмсӧ. Кыдзи кымӧрлӧн вуджӧрыс тупкӧ пӧжысь шондіӧс, тадзи Тэ тупкан дзескӧдысьяслысь гажӧдчӧмсӧ.

Еремей 50:22

Тайӧ муас кылӧ тышлӧн шы, ставсӧ жуглӧны-пазйӧны.

Еремей 50:27

Виӧй вавилонса тышкайӧзӧс, ӧшъясӧс моз начкӧй найӧс. Курыд шог вавилонсаяслы, ӧд воис налӧн луныс, найӧс мыждан кадыс.

Еремей 50:43

Вавилонса ӧксы кыліс на йылысь юӧр, и сылӧн киыс вынтӧммис, шогыс суис сійӧс, дойыс топӧдіс сійӧс кага чужтысь аньӧс моз.

Еремей 50:46

Вавилон кар босьтӧм шыысь муыс сыркмунлас, войтыръяс кыласны вавилонсаяслысь горзӧмсӧ.

Софоний 1:10

Сійӧ лунӧ, – висьталӧ Господь, – Чери дзиръя дорсянь кутас кывны ойзӧм, мукӧд дзиръя дорсянь – ырзӧм-бӧрдӧм, а керӧсъяс вывсянь – грыма-грамакылӧм.