Еремей 51:53 - Коми Библия 2023

⁵³ Вавилон кӧ кыпӧдчас енэжӧдзыс, лэптас кӧ ассьыс изкарсӧ выліинӧ, весиг сэки Ме мӧдӧда сы дінӧ куштысь-бырӧдысьясӧс, – висьталӧ Господь.

Еремей 51:53 Iomraidhean Croise

Олӧм 11:4

Найӧ шуисны: «Лэптамӧй аслыным кар да башня, джуджданас мед лоӧ енэжӧдз. Тадзи нимӧдам асьнымӧс да став му пасьталаыс огӧ разалӧй».

Иов 20:6

Весиг кӧ сійӧ быдмас енэжӧдз, юрнас люкасяс кымӧръясӧ,

Исай 13:17

Ме кыпӧда налы паныд Мидия войтырӧс, коді нинӧмӧ пуктӧ зарни, оз донъяв эзысь.

Исай 41:25

Войвывсянь Ме вайӧді мортӧс, и сійӧ локтіс. Асыввывсянь сійӧ чукӧстіс Менсьым нимӧс. Сійӧ талялӧ юралысьясӧс нюйтӧс моз, кыдзи гырнич вӧчысь талялӧ сёй.

Исай 47:5

Мун пемыдас, калдея войтырлӧн ныв, да чӧла пукав сэні. Водзӧ тэнӧ оз нин шуны войтыръяс вылын ыджыдалысь ӧксы-аньӧн.

Исай 47:7

Тэ шуалін: «Ме пыр лоа ӧксы-аньӧн», но тэ эн мӧвпыштлы, эн кӧсйы тӧдны, мый лоӧ бӧрыннас.

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Еремей 50:21

Тышӧ петӧй Мератаим мулы паныд, Пекодын олысьяслы паныд, виӧй найӧс, бырӧдӧй ставсӧ, мый на бӧрти коляс, – висьталӧ Господь. – Ставсӧ вӧчӧй Менам тшӧктӧм серти.

Еремей 50:25

Ыджыдыс, Господь Саваоф, восьтіс Ассьыс видзанінъяссӧ, босьтіс сэтысь Ассьыс скӧрлуна тышкасянторъяссӧ, медым Калдея муын вӧчны Ассьыс уджсӧ.

Еремей 50:45

Кывзӧй, мый Господь шуис Вавилон йылысь, мый шуис вӧчны Калдея муын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 51:11

– Ёсьтӧй ньӧвъяснытӧ, тыртӧй наӧн ньӧвпуртӧснытӧ. Господь ышӧдіс мидияса ӧксыясӧс тыш вылӧ, ӧд Сійӧ шуис бырӧдны Вавилон. Господь водзӧс перйӧ Вавилонлысь, водзӧс перйӧ Аслас крамыс вӧсна.

Еремей 51:25

Ме сувта тэныд паныд, Вавилон, тэ – бырӧдысь керӧс, бырӧдан ставнас мусӧ, – висьталӧ Господь. – Ме лэпта киӧс тэ вылӧ, шыбита тэнӧ изкырта вывсянь, вӧча тэнӧ сотчӧм керӧсӧн.

Еремей 51:48

Енэжыс, муыс и ставыс, мый сэні эм, кутасны нимкодясьны, ӧд войвывсянь Вавилонӧ локтасны куштысь-бырӧдысьяс, – висьталӧ Господь. –

Еремей 51:56

Куштысь-бырӧдысь уськӧдчас Вавилон вылӧ, вавилонса тышкайӧзӧс лоӧ босьтӧма, налысь ньӧвъяссӧ лоӧ чегъялӧма, ӧд Господь – водзӧс перйысь Ен, Сійӧ мынтысяс налы.

Еремей 51:58

Господь Саваоф тадзи висьталӧ: – Вавилон карлысь кыз стенъяссӧ подулӧдзыс жугӧдасны, сылысь джуджыд дзиръяяссӧ биӧн сотасны. Весьшӧрӧ войтыръяс мырсисны, весьшӧрӧ кок йывсьыныс усьтӧдз уджалісны, ставсӧ лоӧ сотӧма биӧн.

Даниил 4:30

Дзик пыр инісны тайӧ кывъясыс Навукодоносор олӧмын: сійӧс вӧтлісны йӧз дінысь, ӧш моз сійӧ сёйис турун, сылысь вир-яйсӧ кӧтӧдіс лысва. Сылӧн юрсиыс быдмис да лои кутшлӧн борд кодь кузь, а гыжъясыс лоины лэбачлӧн гыжъяс кодьӧсь.

Амос 9:2

Весиг кӧ найӧ мырдӧн пырасны пыдӧстӧминӧ, и сэтысь босьта найӧс. Весиг кӧ кыпӧдчасны енэжӧдз, и сэтысь лэдза найӧс.

Амос 9:4

Вӧрӧг кӧ нуӧдас найӧс пленӧ, и сэні шыпуртлы тшӧкта виавны найӧс. Видзӧдла на вылӧ шог вайӧм могысь, бурсӧ налы ог вай.

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.