Еремей 51:44 - Коми Библия 2023

⁴⁴ Ме мыжда вавилонсаяслысь Вил идолӧс, Ме перъя сылӧн вомысь ньылыштӧмасӧ, войтыръяс оз нин локны сы дінӧ. Вавилонса стенъяс киссясны.

Еремей 51:44 Iomraidhean Croise

2 Каднебӧг 36:7

Господьлӧн крамысь Навукодоносор нуис Вавилонӧ дозмук-кӧлуй да пуктіс найӧс аслас керкаӧ.

Иов 20:15

Озырлуныс, мый сійӧ ньылыштіс, воснас петас, Енмыс перъяс сійӧс кынӧм пытшсьыс.

Исай 2:2

Тадзи лоӧ бӧръя кадӧ: сійӧ керӧсыс, кӧні сулалӧ Господьлӧн крамыс, лоӧ став керӧссьыс на джуджыдджык, став мыльксьыс на вылынджык. Сэтчӧ дугдывтӧг кутасны локны войтыръяс.

Исай 21:9

Со, верзьӧмаяс кыкӧн-кыкӧн локтӧны вӧвъяс вылын». Сэсся кар видзысь юӧртіс: «Киссис, киссис Вавилон. Сылысь бӧлбанъяссӧ жуглӧма, найӧ куйлӧны му вылын».

Исай 60:5

Тэ аддзан тайӧс да пондан нимкодясьны, тэнад сьӧлӧмыд пондас чеччыны нимкодьысла, ӧд саридзса озырлун ваясны тэныд, войтыръяслысь озырлунсӧ козьналасны тэныд.

Еремей 50:15

Быд боксянь горзӧмӧн уськӧдчӧй Вавилон вылӧ! Вавилон сетчӧ, башняясыс усьӧны, стенъяссӧ жуглӧны, ӧд Господь водзӧс перйӧ сылысь. Водзӧс перйӧй! Вӧчӧй сылы сійӧ жӧ, мый сійӧ вӧчис.

Еремей 50:2

– Юӧртӧй войтыръяслы, кыпӧдӧй дӧрапас, юӧртӧй, энӧ дзебӧй, висьталӧй тадзи: Вавилон карӧс босьтӧма, Вил идолӧс янӧдӧма, Мардук идолӧс пасьвартӧма, вавилонса идолъясӧс янӧдӧма, сылысь бӧлбанъяссӧ жугӧдӧма.

Еремей 51:18

Найӧ нинӧм дон оз сулавны, найӧ тешкодь вӧчӧмторъяс, мыждан лунӧ найӧ бырасны.

Еремей 51:34

– Вавилонса Навукодоносор ӧксы сёйис-йирис миянӧс, вӧчис Сионӧс куш дозйӧн. Гундыр моз сійӧ ньылыштіс миянӧс, чӧсмасис миянӧн да тыртіс ассьыс рушкусӧ, а коляссӧ быликтіс.

Еремей 51:47

Воасны лунъяс, кор Ме мыжда вавилонса идолъясӧс. Вавилон му лоӧ янӧдӧма, быдлаын пондасны куйлыны виӧмаяс.

Еремей 51:53

Вавилон кӧ кыпӧдчас енэжӧдзыс, лэптас кӧ ассьыс изкарсӧ выліинӧ, весиг сэки Ме мӧдӧда сы дінӧ куштысь-бырӧдысьясӧс, – висьталӧ Господь.

Еремей 51:58

Господь Саваоф тадзи висьталӧ: – Вавилон карлысь кыз стенъяссӧ подулӧдзыс жугӧдасны, сылысь джуджыд дзиръяяссӧ биӧн сотасны. Весьшӧрӧ войтыръяс мырсисны, весьшӧрӧ кок йывсьыныс усьтӧдз уджалісны, ставсӧ лоӧ сотӧма биӧн.

Даниил 1:2

Навукодоносор киӧ Господь сетіс иудаса Ехояким ӧксыӧс да Енлӧн крамысь дозмук-кӧлуй. Навукодоносор нуис тайӧ дозмук-кӧлуйсӧ Сеннар муӧ, аслас енлӧн крамӧ, да пуктіс найӧс крамса озырлун видзанінӧ.

Даниил 3:29

Ми мыж вӧчим, лёк вӧчим, Тэысь кежим, быдторйын мыжмим.

Даниил 4:1

Ме, Навукодоносор, лӧня олі аслам керкаын, ме вӧлі шуда аслам ӧксы керкаын.

Даниил 4:22

Тэнӧ вӧтласны йӧз дінысь, и тэ пондан овны пемӧсъяскӧд ӧтлаын. Ӧшкӧс моз тэнӧ пондасны вердны турунӧн, тэнӧ пондас кӧтӧдны лысва. Тадзи лоӧ сизим во чӧж, кытчӧдз тэ он гӧгӧрво, мый Медвылыссаыс ыджыдалӧ мувывса став йӧзыс вылын да пуктӧ ӧксыӧ, кодӧс кӧсйӧ.

Даниил 5:19

Сылӧн ыджыдалан вынысь, мый сетіс сылы Енмыс, полісны-тіралісны войтыръяс, чужанкотыръяс да быд кыла йӧз. Кодӧс ӧксы кӧсйис, сійӧс и виис, кодӧс кӧсйис, сійӧс ловйӧн колис, кодӧс кӧсйис, сійӧс кыпӧдіс, кодӧс кӧсйис, сійӧс лэдзис.

Даниил 5:26

Тайӧ кывъясыслӧн вежӧртасыс татшӧм: ”Мене” – Енмыс арталіс тэнсьыд юралан лунъястӧ да пуктіс налы пом.

Даниил 5:31

а ӧксыӧ пуктісны мидияса Дарийӧс, кодлы вӧлі квайтымын кык арӧс.