Еремей 50:6 - Коми Библия 2023

⁶ Менам войтырӧй вӧлі вошӧм ыж чукӧр кодь, видзысьясныс кежӧдісны найӧс туйсьыс, разӧдісны керӧсвыв му пасьтала. Найӧ шӧйтісны-ветлӧдлісны керӧсъяс да ыбъяс вывті, вунӧдісны ассьыныс оланінсӧ.

Еремей 50:6 Iomraidhean Croise

Псалтыр 23:2

Господь пуктіс мулысь подувсӧ саридзьяс вылӧ, сувтӧдіс сійӧс юяс вылӧ.

Псалтыр 32:7

Ыджыд чукӧрӧ Сійӧ чукӧртіс саридзса ваяс, Аслас видзанінӧ пуктіс джуджыд юяс.

Псалтыр 90:1

Медвылыссалӧн вевттьӧд улын олысь, Ставсӧвермысьлӧн бордъяс улын шойччысь

Псалтыр 91:1

Псалом. Сьылӧны шойччан лунӧ.

Исай 1:3

Ӧш тӧдӧ, кодлӧн сійӧ, осёл тӧдӧ ассьыс вердысьсӧ, но Израиль оз тӧд [Менӧ], Менам войтырӧй оз гӧгӧрво, коді сійӧс пӧткӧдӧ.

Исай 30:15

Господь Ыджыдыс, Израильлӧн вежа Ен, тадзи висьталӧ: – Ті кӧ бӧр бергӧдчинныд да олінныд лӧня, ті эськӧ мездминныд. Ӧд тіян вынныд лӧньлунын да Ме вылӧ лача кутӧмын. Но ті энӧ кӧсйӧй тадзи вӧчны.

Исай 32:2

Быдӧн на пиысь лоӧ тӧвнырысь вевттьӧдӧн, бушколысь сайӧдӧн, кос муын ва петанінӧн, пӧжан муын джуджыд керӧслӧн вуджӧрӧн.

Исай 53:6

Ми ставным вӧлім вошӧм ыжъяс кодьӧсь, быдӧн кежим асланым туй вылӧ, но Господь пуктіс Сы вылӧ ставнымлысь мыжъяснымӧс.

Еремей 10:21

Иуда войтырӧс видзысьяс – мывкыдтӧмӧсь, Господьӧс найӧ эз корсьны, та вӧсна налӧн нинӧм эз артмы, и налӧн войтырыс разаліс.

Еремей 13:16

Ошкӧй Господьӧс, ассьыныд Еннытӧ, кытчӧдз Сійӧ оз мӧдӧд пемыдсӧ. Сэки ті понданныд крукасьлыны пемыд керӧсъяс вылын, кутанныд виччысьны югыдсӧ, но югыдсӧ Сійӧ вӧчас сап пемыдӧн, сьӧд пемыд войӧн.

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еремей 2:32

Том ныв ӧмӧй вунӧдас пасьтавны мичмӧдчанторъяссӧ, гӧтырпу – кӧлысь паськӧмлысь вӧньсӧ? Но Менам войтырӧй важӧн нин вунӧдіс Менӧ.

Еремей 23:1

«Курыд шог Менсьым войтырӧс видзысьяслы, Менсьым ыжъясӧс бырӧдысь-разӧдысьяслы, – висьталӧ Господь. –

Еремей 3:23

Збыльысь, идолъяслы юрбитысьяс ылӧдлӧдны асьнысӧ мылькъяс вылын, весьшӧрӧ шызьӧны керӧсъяс вылын. Збыльысь, Израильлӧн мездмӧмыс Господьсянь, миян Енсянь.

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Еремей 33:12

Господь Саваоф тадзи висьталӧ: тайӧ овтӧминас, кӧні абу морт ни ыж-мӧс, тайӧ каръяс гӧгӧрыс бара лоӧны йирсянінъяс, кӧні ыж видзысьяс кутасны йирсьӧдны ассьыныс ыжъяссӧ.

Еремей 50:17

Израиль войтыр разалӧм ыж чукӧр кодь, левъяс вӧтлісны сійӧс. Водзынджык сійӧс вильӧдіс ассурса ӧксы, сэсся вавилонса Навукодоносор ӧксы чегъяліс сылысь лыяссӧ.

Еремей 50:19

Израиль войтырӧс Ме бӧр бергӧда аслас йирсянінӧ, сійӧ пондас йирсьыны Кармил да Васан ыбъяс вылын, кутас пӧткӧдчыны Ефрем да Галаад керӧсвыв муясын.

Езекиль 13:10

Бур олӧмыс абу, но найӧ шуалӧны, мый ставыс бур, да тадзи кежӧдӧны Менсьым войтырӧс туйсьыс. Найӧ мавтӧны еджыдӧн войтырлысь омӧлика лэптӧм стен, тадзи кӧсйӧны дзебны тырмытӧмторъяс.

Езекиль 34:14

Бур турунаинын Ме кута видзны найӧс, израильса джуджыд керӧсъяс лоӧны налы йирсянінӧн. Найӧ кутасны шойччыны бур видз вылын, йирсьыны израильса веж туруна керӧсъяс вылын.

Езекиль 34:15

Ме Ачым кута видзны ыж чукӧрӧс, Ме Ачым шойччӧда найӧс, – висьталӧ Господь Ыджыдыс. –

Езекиль 34:16

Вошӧм ыжӧс Ме корся, ылалӧмаӧс бӧр вайӧда, доймалӧмаӧс кӧртавла, висьысьӧс ёнмӧда, а тшӧгӧмаӧс да ёнӧс бырӧда. Ме кута видзны ыж чукӧрӧс веськыдлуныс серти.

Матвей 10:6

Мунӧй израильса вошӧм ыжъяс дінӧ

Матвей 15:24

Исус шуис: «Менӧ мӧдӧдӧма сӧмын израильса вошӧм ыжъяс дінӧ».

Матвей 9:36

Йӧз вылӧ видзӧдігӧн Исуслӧн сьӧлӧмыс нормис, ӧд мудзӧмнысла найӧ вӧліны эбӧстӧм-вынтӧмӧсь, видзысьтӧг кольӧм ыжъяс кодьӧсь.

1 Петыр 2:25

Ті вӧлінныд вошӧм ыжъяс кодьӧсь, но ӧні бергӧдчинныд тіянӧс Видзысь да тіян вӧсна Тӧждысьысь дінӧ.