Еремей 50:13 - Коми Библия 2023

¹³ Господьлӧн скӧралӧм вӧсна сэні оз ло олысьыс, сійӧ лоӧ овтӧминӧн. Вавилонӧс бырӧдӧмысь сы дорті мунысьясӧс полӧм босьтас.

Еремей 50:13 Iomraidhean Croise

Иов 27:23

Тайӧс аддзылысь шлопнитас кинас, пондас сы вылын шутьлялӧмӧн серавны.

Еремей 18:16

Ассьыныс мусӧ найӧ вӧчисны овтӧминӧн, сійӧ пыр кежлӧ лои повзьӧдчанторйӧн. Сы дорті мунысьяс пондасны юрнас довкйӧдлыны, найӧс полӧм босьтас.

Еремей 19:8

Тайӧ карсӧ Ме вӧча овтӧминӧн да повзьӧдчанторйӧн. Сійӧс бырӧдӧмысь сы дорті мунысьясӧс полӧм босьтас.

Еремей 25:12

Но сизимдас во кольӧм мысти Ме мыжда вавилонса ӧксыӧс да сылысь войтырсӧ налӧн лёк вӧчӧмъясысь, – висьталӧ Господь. – Налысь Калдея мусӧ Ме пыр кежлӧ вӧча овтӧминӧн.

Еремей 34:22

Ме бӧр вайӧда найӧс тайӧ карыс дорӧ, – висьталӧ Господь. – Менам тшӧктӧм серти найӧ уськӧдчасны тайӧ карыс вылӧ, босьтасны сійӧс да сотасны биӧн. Иудаса каръясӧс Ме вӧча овтӧминӧн, сэні оз коль олысьыс».

Еремей 49:17

Эдом лоӧ повзьӧдчанторйӧн. Сійӧс бырӧдӧмысь сы дорті мунысьясӧс полӧм босьтас.

Еремей 50:3

Войвывсянь Вавилон вылӧ уськӧдчас войтыр, вӧчас Вавилон му овтӧминӧн. Некод оз кут овны сэні, йӧз и ыж-мӧс пышъясны сэтысь.

Еремей 51:26

Оз пуктыны тэнсьыд изтӧ пельӧс из пыдди, оз босьтны тэнсьыд изтӧ подув пуктыны. Тэ пыр кежлӧ лоан овтӧминӧн, – висьталӧ Господь.

Еремей 51:29

Муыс дзӧрӧ-тіралӧ, ӧд Вавилон йылысь Господьлӧн шуӧмыс инӧ, Господь вӧчӧ Вавилонӧс овтӧминӧн, кӧні олысьыс оз ло.

Еремей 51:37

Вавилон лоӧ из чукӧрӧн, шакалъяслӧн оланінӧн, сійӧ лоӧ повзьӧдчанторйӧн, сійӧс кутасны лёкӧдны, сэні олысьыс оз ло.

Еремей 51:62

да шу: Господьӧй, Тэ шуин тайӧ муыс йылысь, мый татчӧ оз коль морт ни ыж-мӧс, и сійӧ пыр кежлӧ лоӧ овтӧминӧн.

Езекиль 27:36

Войтыръяс пӧвстысь вузасьысьяс пондасны шутьлявны сыысь, мый лои тэкӧд. Ӧд тэ лоин повзьӧдчанторйӧн, тэ пыр кежлӧ бырин».

Софоний 2:15

Татшӧмӧн лоӧ кар, кӧні йӧзыс гажӧдчылісны, тӧждысьтӧг олісны, ас пытшканыс шуалісны: «Миян кар кодь мӧдыс абу». Но ӧні сійӧ лои киссьӧм карӧн, зверъяслы – дзебсянінӧн. Сы дінті мунысьяс пондасны шутьлявны, кинас швачӧдны боканыс.

Закар 1:15

Но Ме чорыда скӧрала сійӧ войтыръяс вылӧ, кодъяс олӧны ышнясьӧмӧн. Кор Ме эг ёна скӧрав Аслам войтыр вылӧ, сэки войтыръяс уна лёксӧ вӧчисны Менам войтырлы.

Индӧд 29:22

Тіян бӧрся чужысь ныв-пиныд да ылі муысь локтысьяс аддзасны, кутшӧм шогъяс да висьӧмъяс Господь мӧдӧдӧма тайӧ муӧ.