Еремей 50:12 - Коми Библия 2023

¹² Но тіян мамныд ёна яналас, тіянӧс чужтысьлы юръяндзим лоӧ. Войтыръяс пӧвстын вавилонсаяс лоӧны медічӧт войтырӧн, налӧн муыс лоӧ овтӧмин, кушин да кос му.

Еремей 50:12 Iomraidhean Croise

Исай 14:22

Ме сувта налы паныд, – висьталӧ Господь Саваоф. – Ме бырӧда Вавилонлысь нимсӧ да коляс войтырсӧ, налысь челядьсӧ да насянь чужысьясӧс, – висьталӧ Господь. –

Исай 23:13

Со, Калдея му, но сэтчӧс войтырыс абу нин, налысь мусӧ Ассур сетіс овтӧминса зверъяслы. Ассур лэптіс Калдея муӧ аслыс башняяс, жугліс калдеяса изкаръяс, ставсӧ дзикӧдз пазӧдіс.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Еремей 15:9

Сизимӧс чужтысь вынтӧмӧн куйлӧ, сійӧ апалӧ сынӧдсӧ. Луншӧрнас на лэччас сылӧн шондіыс, и сійӧ яналас. Ловйӧн кольӧмаясӧс Ме сета вӧрӧглы, найӧс виасны шыпуртӧн, – висьталӧ Господь».

Еремей 22:6

Иудаса ӧксылӧн керка йылысь Господь тадзи висьталӧ: – Ме водзын тэ Галаад кодь, ливанса керӧс йыв кодь, но Ме вӧча тэнӧ овтӧминӧн, кушмӧм карӧн.

Еремей 25:12

Но сизимдас во кольӧм мысти Ме мыжда вавилонса ӧксыӧс да сылысь войтырсӧ налӧн лёк вӧчӧмъясысь, – висьталӧ Господь. – Налысь Калдея мусӧ Ме пыр кежлӧ вӧча овтӧминӧн.

Еремей 25:26

тшӧтш войвылысь став ӧксысӧ, ӧта-мӧдсьыныс матын и ылын олысьясӧс, да став мувывса войтыръяссӧ. Шешакысь ӧксы юас медбӧръяӧн.

Еремей 49:2

Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Еремей 51:43

Вавилонса каръяс кушмисны, Вавилон лои кос муӧн да овтӧминӧн, сэні некод оз ов, сэті некод оз ветлы.

Еремей 51:47

Воасны лунъяс, кор Ме мыжда вавилонса идолъясӧс. Вавилон му лоӧ янӧдӧма, быдлаын пондасны куйлыны виӧмаяс.

Галатӧ 4:26

Енэжвыв Ерусалимыс – мездлуна кар, сійӧ миянлы ставнымлы мам.

Восьтӧм 17:5

Плешкас сылӧн вӧлі гижӧма гуся вежӧртаса ним: «Ыджыд Вавилон – мувывса став зывӧкыслӧн да кырсалысьяслӧн мам».