Еремей 5:4 - Коми Библия 2023

⁴ Ме шуи, мый найӧ коньӧр да мывкыдтӧм йӧз, найӧ оз тӧдны Господьлысь туйсӧ, оз тӧдны асланыс Енлысь Индӧдсӧ.

Еремей 5:4 Iomraidhean Croise

Исай 27:11

Пуяс косьмасны, локтасны аньяс, чегъяласны увъяссӧ да сотасны найӧс. Тайӧ войтырыс мывкыдтӧм, та вӧсна найӧс Вӧчысь оз бурсьӧлӧмтчы на дінӧ, Сійӧ оз бурав на дінӧ.

Исай 29:12

Небӧгсӧ кӧ сетасны сылы, коді оз куж лыддьысьнысӧ, да шуасны: «На, лыддьы», сійӧ вочавидзас: «Ме ог куж лыддьысьнысӧ».

Еремей 10:8

Став войтыръясыс вежӧртӧмӧсь да мывкыдтӧмӧсь, и пуысь вӧчӧмтор оз вермы велӧдны найӧс.

Еремей 4:22

– Менам войтырӧй мывкыдтӧм, Менӧ найӧ оз тӧдны. Найӧ мывкыдтӧм челядь кодьӧсь, нинӧм оз вежӧртны, лёксӧ вӧчны сюсьӧсь, а бурсӧ вӧчны оз кужны.

Еремей 7:8

Но ті лача кутанныд ылӧгыс вылӧ, мый оз вай тіянлы бурсӧ.

Еремей 8:7

Аист тӧдӧ ассьыс кадсӧ, гулю, чикыш да тури тшӧтш тӧдӧны, кор налы бергӧдчыны гортаныс, но Менам войтырӧй оз тӧд Менсьым Индӧдӧс.

Еремей 9:3

Ньӧввужйӧс моз найӧ зэвтӧны кывнысӧ, медым пӧръясьны. Найӧ оз кутчысьны збыляс, дугдывтӧг вӧчӧны лёксӧ. Менӧ найӧ оз тӧдны, – висьталӧ Господь. –

Осий 4:6

Бырӧдӧма лоӧ Менсьым войтырӧс, ӧд найӧ оз тӧдны Менӧ. Тэ нинӧмӧ пуктін тӧдӧмлунсӧ, та вӧсна Ме вешта тэнӧ Ме водзын кесъялӧмысь. Тэ вунӧдін аслад Енлысь Индӧдсӧ, а Ме вунӧда тэнсьыд ныв-питӧ.

Матвей 11:5

– Синтӧмъяс аддзӧны, коктӧмъяс ветлӧны, проказаысь сӧстӧммӧны, пельтӧмъяс кылӧны, кулӧмаяс ловзьӧны, коньӧръяслы Бур Юӧр висьталӧны.