Еремей 5:31 - Коми Библия 2023

³¹ пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 5:31 Iomraidhean Croise

Ӧксыяслӧн 3 небӧг 22:6

Израильса ӧксы чукӧртіс нёльсё гӧгӧр пророкӧс да юаліс налысь: «Мый шуанныд, уськӧдчыны-ӧ меным галаадса Рамот кар вылӧ?» Пророкъяс вочавидзисны: «Уськӧдчы. Господь сетас сійӧс тэнад киӧ, ӧксыӧй».

Шусьӧгъяс 17:4

Лёк вӧчысь кывзӧ наян сёрнияс, ылӧдчысь кывзӧ лёк вомаӧс.

Исай 10:3

Мый ті кутанныд вӧчны мыждан лунӧ, кор бырӧдӧмыс ыджыд тӧвныр моз ылісянь суӧдас тіянӧс? Код дінӧ ті котӧртанныд отсӧгла? Кытчӧ дзебанныд ассьыныд озырлунтӧ?

Исай 20:6

Сійӧ лунӧ тайӧ саридздорса муас олысьяс шуасны: ”Со мый лои накӧд, кодъяс вылӧ ми лача кутім да кодъяссянь отсӧг виччысим, медым найӧ дорйисны миянӧс ассурса ӧксыысь. Коді ӧні мездас миянӧс?”»

Исай 33:14

Сионын олысь мыжаяс полӧны, Ентӧг олысьяс тіралӧны. Найӧ шуалӧны: «Коді миян пӧвстысь вермас орччӧн овны ставсӧ сотысь бикӧд? Коді миян пӧвстысь вермас овны куслытӧм би пытшкын?»

Исай 43:27

Тэнад батьыд мыж вӧчис, тэнад веськӧдлысьясыд Меным паныд кыпӧдчисны.

Исай 47:7

Тэ шуалін: «Ме пыр лоа ӧксы-аньӧн», но тэ эн мӧвпыштлы, эн кӧсйы тӧдны, мый лоӧ бӧрыннас.

Еремей 12:4

Дыр-ӧ муыс кутас бӧрдны, дыр-ӧ туруныс кутас косьмыны видз вылын? Пемӧс-лэбач кулӧ, ӧд мувывса олысьяс лёксӧ вӧчӧны, шуалӧны, Енмыс пӧ оз аддзы, мый лоӧ миянкӧд.

Еремей 14:14

Господь шуис меным: «Тайӧ пророкъясыс ылӧгсӧ висьталӧны Менам нимсянь. Ме найӧс эг мӧдӧдлы, эг пуктывлы пророкъясӧ, эг висьтавлы налы. Найӧ висьталӧны тіянлы ылӧг аддзылӧмъяс, ковтӧм юӧртӧмъяс да ассьыныс мӧвпъяссӧ.

Еремей 26:7

Еремей юӧртіс тайӧ кывъяссӧ Господьлӧн керкаын. Сійӧс кывзісны попъяс, пророкъяс да став войтырыс.

Бӧрданкыв 1:9

Бӧждорыс сылӧн няйтчӧма пежнас. Сійӧ эз мӧвпав, мый виччысьӧ сійӧс. Сійӧ дзикӧдз усис, но сійӧс бурӧдысьыс эз вӧв. «Господьӧй, видзӧдлы менам шогсьӧм вылӧ, ӧд вӧрӧг асьсӧ вылӧ кыпӧдӧ».

Бӧрданкыв 2:14

Пророкъясыд висьтавлісны тэныд ковтӧм да ылӧг восьтӧмсӧ, а тэнсьыд мыжтӧ эз эрдӧдны, эз видзны тэнӧ пленӧ нуӧдӧмысь. Ковтӧм да пӧрйӧдлан аддзылӧмъяс найӧ юӧртісны тэныд.

Бӧрданкыв 4:13

Тайӧ лои пророкъяслӧн мыж вӧсна, попъяслӧн лёк вӧчӧм вӧсна, ӧд Ерусалим карын найӧ кисьтісны веськыда олысьяслысь вирсӧ.

Бӧрданкыв 4:18

Дзескӧдысьяс кыйӧдісны миянлысь быд воськов, ми полім весиг ывлаӧ петны. Пом воис миянлы, олан лунъяснымӧс миянлысь лыддьӧма.

Езекиль 13:10

Бур олӧмыс абу, но найӧ шуалӧны, мый ставыс бур, да тадзи кежӧдӧны Менсьым войтырӧс туйсьыс. Найӧ мавтӧны еджыдӧн войтырлысь омӧлика лэптӧм стен, тадзи кӧсйӧны дзебны тырмытӧмторъяс.

Езекиль 13:6

Найӧ аддзӧны абутӧмсӧ, юӧртӧны ылӧгсӧ. Шуӧны, Господь пӧ висьталӧ, но Господь найӧс эз мӧдӧдлы. Та вылӧ видзӧдтӧг найӧ виччысьӧны, мый шуӧм кывныс инас.

Езекиль 22:14

Сійӧ лунӧ, кор Ме кута мыждыны тэнӧ, тэ повзян да вынтӧмман. Тайӧс висьтала Ме, Господь. Мый шуи, вӧча.

Осий 4:9

Мый суас войтырсӧ, суас тшӧтш попӧс. Ме мыжда найӧс ставнысӧ олан туйсьыныс, мынтыся налы уджъясныс серти.

Осий 6:10

Израиль войтыр пӧвстын Ме аддза пежторъяс: Ефрем кырсалӧ, Израиль пежалӧма асьсӧ.

Осий 9:5

Мый ті кутанныд вӧчны гажӧдчан лунӧ, Господьлы торйӧдӧм лунӧ?

Микей 2:11

Нинӧм абусӧ бызгысь кӧ ылӧдчӧмӧн шуас: «Юӧрта тіянлы, мый вина-сурныд тіян визувтны кутас», сійӧс эськӧ пророк пыдди сибӧдіс тайӧ войтырыс.

Микей 2:6

Тайӧ йӧзыс шуӧны: – Энӧ быгзьӧй, пророкъяс, энӧ лӧвтӧй татшӧмторсӧ! Миянӧс янӧдӧмыс оз су.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Софоний 3:4

Сэні олысь пророкъяс – ылӧдчысь да шогмытӧм йӧз. Попъясыс пежалӧны вежаинсӧ, нинӧмӧ пуктӧны Енлысь Индӧдсӧ.

Индӧд 32:20

– Тупка Ассьым чужӧмбанӧс наысь, – шуис Сійӧ. – Тӧда, кутшӧм лоӧ налӧн помыс. Найӧ – ылӧгас вӧйӧм йӧз, ныв-пи, кодъяслы он вермы эскыны.

Индӧд 32:29

Вӧліны кӧ мывкыдаӧсь, эськӧ казялісны тайӧс, эськӧ гӧгӧрвоисны, мый найӧс виччысьӧ.