Еремей 5:22 - Коми Библия 2023

²² Ті ӧмӧй онӧ полӧй Меысь, – висьталӧ Господь, – ті ӧмӧй онӧ тіралӧй Ме водзын? Лыасӧ Ме пукті саридзлы вежтасӧн, потши саридзсӧ нэмъяс кежлӧ, сы сайӧ саридз оз вермы вуджнысӧ. Гыясыс ӧдӧбӧн уськӧдчылӧны, но сэсся бӧр бергӧдчӧны, найӧ ызгӧны, но вежтассӧ вуджны оз вермыны.

Еремей 5:22 Iomraidhean Croise

Олӧм 1:9

Ен шуис: «Енэжувса ваыс мед чукӧрмас ӧтилаӧ, да тыдовтчас косін». И лои тадз. [Енэжувса ваыс чукӧрмис аслас местаӧ, и тыдовтчис косін.]

Ӧксыяслӧн 3 небӧг 13:28

Пророк муніс да аддзис туй вылысь Енлӧн мортлысь шойсӧ. Орччӧн сулалісны лев да осёл. Лев весиг абу сёйӧма мортлысь шойсӧ да абу косявлӧма осёлӧс.

Иов 26:10

Ва веркӧсті Сійӧ нуӧдіс визь, торйӧдіс югыдсӧ пемыдысь.

Иов 37:24

Та вӧсна быдӧн мед вежавидзӧмӧн полас Сыысь. Сійӧ оз видзӧд на вылӧ, кодъяс лыддьӧны асьнысӧ мывкыдаӧн.

Иов 38:8

Коді тупкис саридзлысь дзиръяяссӧ, кор ваыс му пытшсьыс ыльӧбтіс?

Псалтыр 104:9

Сійӧ оз вунӧд Ӧвраамкӧд кӧрталӧм йитӧдсӧ, Исааклы сетӧм кывсӧ.

Псалтыр 33:7

Ме, коньӧр морт, шыаси Господь дінӧ, и Сійӧ кыліс менӧ да став шогсьыс мездіс менӧ.

Псалтыр 46:3

Господь – Медвылыссаыс, полӧй Сыысь! Став му пасьтала Сійӧ ыджыд Ӧксыыс.

Псалтыр 99:1

[Давидлӧн] аттьӧалана псалом. Му вылын олысьяс, гораа нимкодясьӧмӧн ошкӧй Господьӧс!

Шусьӧгъяс 8:29

кор саридзлы тшӧктіс кутны васӧ, пуктіс муыслы подувсӧ.

Исай 50:2

Мыйла некод эз вӧв, кор Ме волі тіян дінӧ? Мыйла некод эз вочавидз, кор Ме чуксалі тіянӧс? Менам киӧй ӧмӧй дженьдаммис, Ме ӧмӧй вынтӧмми, медым мездыны тіянӧс? Менам ӧлӧдӧмысь саридз косьмӧ, юяс лоӧны косінӧн, сэні ватӧмысла чериыс сісьмӧ, горш косьмӧмысла кулӧ.

Исай 64:2

биын сотчысь ув моз, би вылын пузьысь ва моз. Лэччы, Господьӧй, медым Тэнӧ мустӧмтысьяс тӧдісны Тэнсьыд нимтӧ! Тэ водзын мед дзӧрӧны-тіралӧны войтыръяс.

Исай 66:5

Кывзӧй Господьлысь кывсӧ ті, кодъяс вежавидзанныд Сылӧн кывйысь: – Тіянӧс мустӧмтысь вокъясныд, Менам ним вӧсна тіянӧс ӧтдортысьяс, шуалӧны: «Мед Господь петкӧдлас Ассьыс дзирдлунсӧ, и ми видзӧдлам тіян гажӧдчӧм вылӧ». Но тіянӧс мустӧмтысьясӧс лоӧ янӧдӧма.

Еремей 10:7

Тэ – войтыръяслӧн Ӧксы, ставныс полӧны Тэысь, сӧмын Тэысь колӧ вежавидзнысӧ. Войтыръяслӧн мывкыдаяс пӧвстын Тэ кодьыс абу!

Еремей 2:19

Тэнад лёк вӧчӧмыд мыждас тэнӧ асьтӧ, Менӧ эновтӧмысь тэнӧ лоӧ чирыштӧма. Сідзкӧ, тӧд да гӧгӧрво, кутшӧм курыд шог тэнӧ суас сыысь, мый тэ эновтін Господьӧс, ассьыд Ентӧ, мый тэ пытшкын Меысь полӧмыс абу, – висьталӧ Ыджыдыс, Господь Саваоф.

Еремей 31:35

Господь пуктіс шонді югзьӧдны луннас, тшӧктіс тӧлысьлы да кодзувъяслы югзьӧдны войнас, Сійӧ гызьӧдӧ саридз, медым гыясыс ыджыд шыӧн бузгисны. Сылӧн нимыс – Господь Саваоф. Сійӧ тадзи висьталӧ:

Даниил 6:26

Ме тшӧкта, мый быдлаын менам юраланінын мед поласны-тіраласны Данииллӧн Енмысь. Сійӧ – Ловъя Ен, помтӧг олысь Ен, Сылӧн юралӧмыс зумыд, Сылӧн ыджыдалӧмыс помасьлытӧм.

Амос 4:12

Та вӧсна, Израиль, виччысь, мый Ме вӧча тэныд! Дасьтысь аддзысьны Мекӧд, Аслад Енкӧд, ӧд Ме кута мыждыны тэнӧ, Израиль!

Амос 9:6

Енэжас Сійӧ сувтӧдіс Аслыс оланін, му весьтын вынсьӧдіс Ассьыс вевттьӧдсӧ. Сійӧ чукӧстӧ васӧ саридзысь да киськалӧ мусӧ. Сылӧн нимыс – Господь!

Иона 1:16

Корабль вылын ставнысӧ босьтіс Господьысь полӧм. Найӧ вайисны Господьлы вись да нӧшта кӧсйисны вайны кыв сетан висьяс.

Наум 1:4

Сійӧ тшӧктӧ, и саридзыс косьмӧ, юяс косьмӧны, Васан ыб да Кармил керӧс вылысь быдмӧгъяс нярмӧны, нярмӧны ливанса дзоридзьяс.

Матвей 10:28

Энӧ полӧй вир-яйтӧ виысьясысь, ловтӧ вины найӧ оз вермыны. Полӧй Сыысь, коді ловтӧ да вир-яйтӧ вермӧ бырӧдны адын.

Марк 4:39

Исус чеччис, ӧлӧдіс тӧвсӧ да тшӧктіс ваыслы: «Лӧнь, ланьт!» Тӧлыс ланьтіс, и вӧвлытӧм чӧв-лӧнь пуксис.

Лука 12:5

Висьтала, кодысь колӧ повнысӧ. Полӧй Сыысь, коді виӧм бӧрас вермӧ шыбитны адӧ. Шуа тіянлы: Сыысь полӧй.

Индӧд 28:58

Онӧ кӧ кутӧй овны тайӧ Индӧдлӧн став кывъясыс серти, мый гижӧма тайӧ небӧгас, да онӧ кутӧй повны асланыд Господь Енлӧн пыдди пуктана да повзьӧдана нимысь,

Восьтӧм 15:4

Господьӧй, сюрас-ӧ сэтшӧм морт, коді оз повзьы Тэысь, коді оз ошкы Тэнсьыд нимтӧ? Ӧд Тэ ӧтнадӧн вежаыс! Войтыръяс локтасны да копыртчасны Тэ водзӧ, ӧд воссис Тэнад веськыда мыждӧмыд!