Еремей 5:19 - Коми Библия 2023

¹⁹ Кор тэнсьыд юаласны, мый вӧсна Господь, тіян Енныд, тадзи вӧчис тіянкӧд, сэки вочавидз: ”Ті эновтінныд Енсӧ да асланыд муын кесъялінныд мукӧд енъяслы. Та вӧсна ті понданныд кесъявны йӧз муын мукӧд войтырлы”».

Еремей 5:19 Iomraidhean Croise

Еремей 13:22

Ас пытшкад тэ шуан: «Мыйысь менӧ суис тайӧ?» Тэнад лыдтӧм-тшӧттӧм мыжъясыд вӧсна лэптісны тэнсьыд бӧждортӧ, мырдӧналісны-янӧдісны тэнӧ.

Еремей 16:13

Та вӧсна Ме вӧтла тіянӧс тайӧ мусьыс мӧд муӧ, мый ті ни тіян батьясныд энӧ тӧдлӧй. Сэні лун и вой ті понданныд кесъявны мукӧд енъяслы, ӧд Ме ог ло бур сьӧлӧма тіян дінӧ.

Еремей 17:4

Ті воштанныд мунытӧ, мый Ме сеті тіянлы. Ме пукта тіянӧс кесъявны асланыд вӧрӧглы сійӧ муас, мый ті онӧ на тӧдӧй, ӧд ті пестінныд Менам скӧрлунлысь бисӧ, и сійӧ пыр пондас ыпъявны.

Еремей 2:13

Менам войтырӧй вӧчис кык лёктор: эновтіс Менӧ, ловъя ва петанінсӧ, да кодйис аслыс буждысь юкмӧсъяс, кодъяс оз вермыны ва кутны.

Еремей 2:14

Израиль войтыр ӧд абу кесйӧг, чужӧмсяньыс сійӧ абу киподувса. Мыйла сійӧ лои кыйдӧсӧн?

Еремей 2:35

тэ шуалан: «Ме мыжтӧм, оз су менӧ Енлӧн скӧрлуныс». Но Ме мыжала тэнӧ сыысь, мый шуан, ме пӧ мыжсӧ эг вӧчлы.

Еремей 5:18

«Но весиг сійӧ лунъясас, – висьталӧ Господь, – ог дзикӧдз бырӧд тіянӧс.

Еремей 5:20

Висьталӧй Яковсянь чужысьяслы, юӧртӧй Иудаын олысьяслы:

Еремей 9:12

Мыйла тайӧ мусӧ сотӧма-бырӧдӧма? Мыйла сійӧ лои овтӧминӧн, кӧні некод оз ветлы? Эм-ӧ сэтшӧм мывкыд мортыс, коді эськӧ вермис гӧгӧрвоны тайӧс? Кодлы Господь висьталіс та йылысь, медым сійӧ вермис гӧгӧрвоӧдны мукӧдлы?

Еремей 9:13

Господь шуис: «Тайӧ войтырыс эновтіс Менсьым Индӧдӧс, мый Ме сеті налы. Найӧ эз кывзыны Менӧ, эз овны Менам кӧсйӧм серти.

Бӧрданкыв 5:8

Миян вылын ыджыдалӧны кесйӧгъяс, налӧн кипод улысь мездысьыс абу.