Еремей 5:12 - Коми Библия 2023

¹² Найӧ ылӧгсӧ висьталісны Господь йылысь: «Сійӧ нинӧм миянлы оз вӧч. Шогыс оз су миянӧс, шыпуртыс да тшыглуныс оз инмӧдчы миян дінӧ.

Еремей 5:12 Iomraidhean Croise

2 Каднебӧг 36:16

Но найӧ лёкӧдісны Енсянь юӧртысьясӧс да нинӧмӧ пуктісны Сылысь кывъяссӧ. Найӧ омӧльтісны Енлысь пророкъяссӧ сэтчӧдз, кытчӧдз Господь эз скӧрмы Аслас войтыр вылӧ, и налы эз вӧв мездмӧмыс.

Псалтыр 10:6

Лёк вӧчысьяс вылӧ Сійӧ зэрӧн кисьтас биа ӧгыръяс да сотчысь тэг, мӧдӧдас на вылӧ сотысь тӧвныр – тайӧ лоӧ налӧн курыд пайыс.

Псалтыр 14:1

Давидлӧн псалом. Господьӧй, коді вермас лоны Тэнад оланінын? Коді вермас овны Тэнад вежа керӧс вылын?

Шусьӧгъяс 30:9

Коланасьыс унджык мед оз ло менам, ӧд сэки ме верма бергӧдчыны Тэысь, верма шуны: «Ог тӧд Господьӧс». А гӧльма кӧ, пета гусясьны да Тэнсьыд нимтӧ, Енмӧй, янӧда.

Еремей 14:22

Мукӧд войтыръяслӧн идолъясыс ӧмӧй вермасны мӧдӧдны зэр? Енэжыс ӧмӧй вермас ачыс кисьтны сувтса зэр? Господьӧй, миян Енмӧй, он ӧмӧй зэрсӧ Тэ мӧдӧд? Тэ вылӧ ми лача кутам, ӧд ставсӧ тайӧс Тэ вӧчан!

Еремей 2:6

Найӧ эз корсьны Господьӧс, коді петкӧдіс миянӧс Египетысь, нуӧдіс миянӧс овтӧминӧд, куш да гурана муӧд, кос да сап пемыд муӧд, муӧд, кыті некод эз ветлы, кӧні морт эз овлы.

Еремей 28:4

Иудаса Еконей ӧксыӧс, Ехоякимлысь писӧ, да ставнысӧ, кодъясӧс Иудаысь вӧлі нуӧдӧма пленӧ Вавилонӧ, Ме бӧр вайӧда тайӧ муас, – висьталӧ Господь, – ӧд Ме жугӧда вавилонса ӧксылысь сийӧссӧ».

Еремей 4:10

Сэки ме шуи: «Господьӧй Ыджыдӧй, Тэ пӧръялін тайӧ войтырсӧ да Ерусалимын олысьясӧс. Тэ шуин, мый налӧн лоӧ лӧнь олӧм, но миянӧс бырӧдӧны шыпуртӧн».

Еремей 43:1

Кор Еремей висьталіс войтырыслы ставсӧ, мый тшӧктіс Господь, налӧн Ен,

Еремей 5:31

пророкъяс юӧртӧны ылӧгсӧ, попъяс веськӧдлӧны ас кӧсйӧм сертиныс, и Менам войтырлы тайӧ сьӧлӧм сертиныс. Но та бӧрти мый виччысьӧ тіянӧс?

Еремей 6:14

Найӧ чайтӧны, мый кокньыда бурдӧдӧны Менам войтырлысь дойяссӧ, шуалӧны: «Лӧнь олӧм, лӧнь олӧм!», а лӧнь олӧмыс абу.

Езекиль 13:6

Найӧ аддзӧны абутӧмсӧ, юӧртӧны ылӧгсӧ. Шуӧны, Господь пӧ висьталӧ, но Господь найӧс эз мӧдӧдлы. Та вылӧ видзӧдтӧг найӧ виччысьӧны, мый шуӧм кывныс инас.

Микей 2:11

Нинӧм абусӧ бызгысь кӧ ылӧдчӧмӧн шуас: «Юӧрта тіянлы, мый вина-сурныд тіян визувтны кутас», сійӧс эськӧ пророк пыдди сибӧдіс тайӧ войтырыс.

Микей 3:11

Ёрд вылын юралысьяс козин босьтӧны, попъяс сьӧм вылӧ велӧдӧны, водзвыв висьталӧмысь пророкъяс сьӧм корӧны. Найӧ мӧвпалӧны, мый Господь отсалӧ налы, шуалӧны, Господь пӧ миянкӧд, шогыс пӧ оз су миянӧс.

Индӧд 29:19

Йитӧд йылысь кыв сетӧмсӧ кылӧм бӧрын татшӧм мортыс мӧвпалӧ: ”Менам ставыс лоӧ бур. Ола, кыдзи кӧсъя”. Татшӧм мортыс вӧсна бырӧдӧмыс локтас став войтырыс вылӧ.

1 Иоан 5:10

Коді эскӧ Ен Пилы, сылӧн сьӧлӧмас эм тайӧ висьталӧмыс. Коді оз эскы Енмыслы, пуктӧ Сійӧс пӧръясьысь туйӧ, ӧд тайӧ мортыс оз эскы Пи йывсьыс Енлӧн висьталӧмыслы.

Ӧксыяслӧн 1 небӧг 6:9

Но видзӧдӧй сы бӧрся. Мунас кӧ кудйыс аслас муӧ, Бет-Шемеш карлань, сідзкӧ, тайӧ ыджыд шогсӧ миянлы Господь ыстіс. Оз кӧ сэтчань мун, ми кутам тӧдны, мый эз Господь мыжды миянӧс, но тадзи ачыс лои».