Еремей 5:10 - Коми Библия 2023

¹⁰ – Мунӧй виноград йӧръясӧ да пазӧдӧй найӧс, но энӧ дзикӧдз. Кералӧй вожъяссӧ, ӧд найӧ абу Господьлӧн.

Еремей 5:10 Iomraidhean Croise

2 Каднебӧг 12:4

Найӧ босьтісны иудаса изкаръяс, сэсся матыстчисны Ерусалимлань.

2 Каднебӧг 36:17

Господь мӧдӧдіс калдеяса ӧксыӧс, медым сійӧ уськӧдчис Иуда войтыр вылӧ да виис шыпуртӧн вежа крамын налысь зонъяссӧ. Господь эз жалит [Седекейӧс,] зонъясӧс, нывъясӧс, пӧрысь да олӧма йӧзӧс, Сійӧ ставнысӧ сетіс калдеяса ӧксы киӧ.

Еремей 2:21

Ме пукті да быдті тэнӧ, тэ вӧлін бур вотӧс вайысь виноград пу кодь, артмин медся бур кӧйдысысь, но лоин мӧд виноград пулӧн вожйӧн.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 30:11

Ме тэкӧд, – висьталӧ Господь, – Ме мезда тэнӧ! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Еремей 39:8

Ӧксылысь керкасӧ да войтырыслысь керкаяссӧ калдеяса тышкайӧз сотісны биӧн, Ерусалим карлысь стенъяссӧ жугӧдісны.

Еремей 4:27

Господь тадзи висьталӧ: – Тайӧ муыс лоӧ кушинӧн, но дзикӧдз ог бырӧд сійӧс.

Еремей 46:28

Эн пов, Менам Яков кесйӧгӧй, – висьталӧ Господь, – Ме тэкӧд! Ме бырӧда став войтыръяссӧ, кодъяс пӧвстӧ разӧді тэнӧ. Тэнӧ Ме ог бырӧд, но мыжда тэнӧ веськыдлунӧй серти, мыждытӧг тэнӧ ог коль.

Еремей 5:11

Израиль войтыр да Иуда войтыр эновтісны Менӧ, – висьталӧ Господь. –

Еремей 5:18

«Но весиг сійӧ лунъясас, – висьталӧ Господь, – ог дзикӧдз бырӧд тіянӧс.

Еремей 5:9

Таысь ӧмӧй Ме ог мыжды найӧс? – висьталӧ Господь. – Ог ӧмӧй водзӧс перйы тадзи вӧчысь войтырлысь?

Езекиль 12:16

Но ӧткымынӧс на пиысь Ме видза шыпуртысь, тшыгъялӧмысь да пӧрӧс висьӧмысь, медым найӧ висьталасны асланыс зывӧк уджъясныс йылысь войтыръяслы, кодъяс пӧвстӧ овмӧдчасны. Сэки тӧдмаласны, мый Ме – Господь».

Езекиль 14:17

Ме кӧ мӧдӧді сійӧ му вылас шыпурт, тшӧкті сылы мунны му вывтіыс и бырӧді сэтысь йӧзсӧ да ыж-мӧссӧ,

Осий 1:9

Господь шуис Осийлы: «Пукты сылы Ло-Амми ним, ӧд ті абу Менам войтыр, и Ме ог ло тіян Енмӧн».

Амос 9:8

Ме, Господь Ыджыдыс, видзӧдла мыжа войтыр вылӧ да бырӧда найӧс му вылысь. Но Яковлысь рӧдсӧ Ме ог ставнас бырӧд, – висьталӧ Господь. –

Матвей 22:7

Ӧксы кывлас та йылысь да ёна скӧрмас. Сійӧ мӧдӧдас ассьыс тышкайӧзсӧ вины морт виысьясӧс, а карсӧ тшӧктас сотны.