Еремей 49:7 - Коми Библия 2023

⁷ Эдом войтыр йылысь Господь Саваоф тадзи висьталӧ: – Теманын ӧмӧй абу мывкыдлуныс? Вежӧра йӧз ӧмӧй оз вермыны туйдӧдны? Найӧ ӧмӧй воштісны мывкыдлунсӧ?

Еремей 49:7 Iomraidhean Croise

Олӧм 25:30

Исав шуис Яковлы: «Ме ёна мудзи. Вай меным сёйыштны этайӧ гӧрдов пуӧмторсӧ». Та вӧсна Исавӧс нимтісны Эдомӧн.

Олӧм 27:41

Батьыслӧн бурсиӧм вӧсна Исав кутіс мустӧмтны Яков воксӧ. Исав мӧвпыштіс: «Матысмӧны батьным вӧсна бӧрдан лунъяс. Сэки ме виа Яков вокӧс».

Олӧм 32:3

Яковлӧн Исав вокыс оліс Эдомын, Сеир керӧсвыв муын. Яков ыстіс юӧртысьясӧс вокыс дінӧ,

Олӧм 36:11

Элифазлӧн пияныс: Теман, Омар, Цефо, Гатам да Кеназ.

Олӧм 36:15

Исавсянь чужысьяс йылысь. Исавлӧн медводдза пиыс вӧлі Элифаз. Элифазсянь Эдом муын чужисны Теманлӧн, Омарлӧн, Цефолӧн, Кеназлӧн, Корейлӧн, Гатамлӧн да Амаликлӧн чужанкотыръяс. Тайӧ вӧліны Исавлӧн Ада гӧтырсянь чужысьяс.

Олӧм 36:34

Иовав кулӧм бӧрын пуксис ӧксыавны Теман муысь Хушам.

Олӧм 36:8

Исав, мӧд ногӧн кӧ, Эдом, овмӧдчис Сеир керӧсвыв муӧ.

1 Каднебӧг 1:53

Кеназ, Теман, Мивсар,

Иов 2:11

Иовлӧн куим ёрт – Теманысь Элифаз, Шуахысь Вилдад да Наамаысь Софар – кывлісны сылӧн ыджыд шог йылысь. Найӧ мӧдӧдчисны быдӧн аслас оланінысь, медым паныдасьны да ӧтлаын мунны Иов дінӧ, юкны сыкӧд шогсӧ да бурӧдны сійӧс.

Иов 4:1

Теманса Элифаз воча шуис:

Псалтыр 137:7

Кор ме пикӧ воа, Тэ ловзьӧдан менӧ, Тэ нюжӧдан китӧ да доръян менӧ мустӧмтысьяслӧн скӧрлунысь, веськыд кинад Тэ мездан менӧ.

Исай 21:11

Думай йылысь водзвыв висьталӧм. Сеир керӧсвыв мусянь меным горзӧны: «Кар видзысь, дыр-ӧ на асылӧдзыс? Кар видзысь, оз-ӧ на войыс помась?»

Исай 29:14

Та вӧсна тайӧ войтырыслы Ме бара кута петкӧдлыны Ассьым чуймӧдана да шензьӧдана уджъясӧс. Сэки на пӧвстысь мывкыда йӧзлӧн мывкыдлуныс бырас, сюсь вежӧра йӧзлӧн вежӧрлуныс вошас.

Еремей 12:14

Господь тадзи висьталӧ: «Израиль войтыркӧд орччӧн олысь лёк войтыръясӧс Ме нетшышта асланыс муысь, ӧд найӧ уськӧдчисны Израиль му вылӧ, мый Ме вичмӧді Аслам войтырлы. Иуда войтырӧс тшӧтш нетшышта на пӧвстысь.

Еремей 18:18

Йӧзыс шуисны: «Локтӧй, сёрнитчамӧй Еремейлы паныд. Локтӧй, лёкӧдамӧй сійӧс, огӧ кывзӧй сійӧс! Миян эм попъяслӧн велӧдӧм, мывкыда йӧзлӧн туйдӧдӧм, пророкъяслӧн кыв».

Еремей 25:21

Ме юктӧді Эдомын да Моавын олысьясӧс, аммон войтырӧс,

Еремей 25:23

Ме юктӧді Деданын, Темаын да Бузын олысьясӧс да ставнысӧ, кодъяс шырӧны юрсинысӧ пель боксьыныс.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 49:20

Кывзӧй, мый Господь шуис Эдом йылысь, мый шуис вӧчны Теманын олысьяслы. Весиг налысь медічӧтъяссӧ пышйӧдасны, налысь оланінъяссӧ куштасны.

Еремей 8:9

Мывкыдаяс яналасны, повзясны да веськаласны тывйӧ. Налӧн мывкыдлуныс абу, ӧд найӧ ӧтдортісны Господьлысь кывсӧ.

Бӧрданкыв 4:21

Нимкодясь да гажӧдчы, Уц муын олысь эдом войтыр! Тэ кутан юны Енлӧн скӧрлуна дозйысь, коддзымӧныд юан да пасьтӧгыд пӧрччысян.

Езекиль 32:29

Сэні куйлӧ Эдом, куйлӧны эдомса ӧксыяс да юралысьяс. Коркӧ найӧ вӧліны вынаӧсь, а ӧні куйлӧны шыпуртӧн виӧмаяс пӧвстын, вундыштчытӧмъяскӧд му пыдӧсас.

Даниил 11:41

Сэсся сійӧ петас тышӧ мича мулы паныд, и унаӧн куласны. Сылӧн киысь мездмасны сӧмын Эдомын да Моавын олысьяс, тшӧтш унаӧн аммон войтыр пӧвстысь.

Йоиль 3:19

Иуда войтырӧс виалӧм-дзескӧдӧм понда, налӧн муын мыжтӧм вир кисьтӧм понда Египет му лоӧ кушинӧн, Эдом – овтӧминӧн.

Аввакум 3:3

Енмыс локтӧ Темансянь, Вежа Ен локтӧ Паран керӧссянь. Сылӧн дзирдлуныс вевттьӧ енэжсӧ, Сійӧс ошкӧмыс тыртӧ мусӧ.

Индӧд 23:7

Но энӧ мустӧмтӧй эдомсаясӧс, ӧд найӧ тіянлы вокъяс. Энӧ мустӧмтӧй египетсаясӧс, ӧд налӧн муын ті вӧлінныд локтысь йӧзӧн.