Еремей 49:24 - Коми Библия 2023

²⁴ Дамаскын олысьяс вынтӧммисны, уськӧдчисны пышйыны, найӧс полӧм босьтіс. Кага чужтысь аньӧс моз найӧс топӧдісны сьӧкыдалӧм да дойяс.

Еремей 49:24 Iomraidhean Croise

Олӧм 3:16

Аньлы Ен шуис: «Тэнсьыд нӧбасьӧмтӧ Ме вӧча сьӧкыдӧн, ныв-питӧ кутан чужтыны дойяс пыр. Тэнӧ кутас кыскыны верӧсыд дінӧ, а сійӧ тэ вылын кутас ыджыдавны».

Исай 13:8

Найӧ ёна повзясны, кага вайысь аньӧс моз найӧс суасны сьӧкыд дойяс. Шӧйӧвошӧмӧн пондасны видзӧдны ӧта-мӧд выланыс, налӧн чужӧмныс пондас сотчыны.

Еремей 30:6

Мӧвпыштлӧй да гӧгӧрвоӧй: айморт ӧмӧй вермӧ чужтыны? Но Ме аддза, мый кага чужтысь ань моз айулов кутчысьӧмаӧсь кынӧманыс, налӧн чужӧмныс быгалӧма.

Еремей 4:31

Ме кыла гӧлӧс шы, сійӧ чужтысь аньлӧн гӧлӧс шы кодь, медводдза кагасӧ сьӧкыда чужтысьлӧн горзӧм шы кодь. Тайӧ – Сион нывлӧн гӧлӧс шыыс. Кисӧ нюжӧдӧмӧн сійӧ сьӧкыда ойзӧ: «Курыд шог меным! Виавны локтысьяс водзын ме вынтӧм».

Еремей 48:41

Моавса каръясӧс лоӧ босьтӧма, изкаръясӧс – пасьвартӧма. Сійӧ лунӧ моавса тышкайӧзлӧн сьӧлӧмныс лоӧ кага чужтысь аньлӧн кодь.

Еремей 49:22

Кутш моз вӧрӧг уськӧдчас Восора кар вылӧ, шевкнитас бордъяссӧ сы весьтын. Сійӧ лунӧ эдомса тышкайӧзлӧн сьӧлӧмныс лоӧ кага чужтысь аньлӧн кодь.

Еремей 49:29

Налысь чомъяссӧ, чом дӧраяссӧ да эмбурсӧ мырддясны, ыжъяссӧ да верблюдъяссӧ босьтасны налысь. Налы пондасны горзыны, найӧс пондасны повзьӧдлыны быд боксянь.

Еремей 49:37

Ме шӧйӧвошта эламсаясӧс налӧн вӧрӧг водзын, коді кӧсйӧ босьтны налысь олӧмсӧ. Ме мӧдӧда на вылӧ шог, кисьта на вылӧ Ассьым яр скӧрлунӧс, – висьталӧ Господь. – Ме вӧтла найӧс шыпуртӧн, дзикӧдз бырӧда найӧс.

Еремей 50:43

Вавилонса ӧксы кыліс на йылысь юӧр, и сылӧн киыс вынтӧммис, шогыс суис сійӧс, дойыс топӧдіс сійӧс кага чужтысь аньӧс моз.

Еремей 6:24

– Ми кылім на йылысь юӧр, и миян киясным вынтӧммисны, шогыс суис миянӧс, дойыс топӧдіс миянӧс кага чужтысь аньӧс моз.

Осий 13:13

Чужтан дойяс топӧдӧны сійӧс, но сійӧ вежӧртӧм кага кодь, кодлы воис кад чужны, но сійӧ оз пет.

Матвей 24:8

Но ставыс тайӧ чужтӧм водзвывса дойяс на.

Марк 13:8

Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм, тшыгъялӧм да шызьӧм. Но ставыс тайӧ чужтӧм водзвывса дойяс на.