Еремей 49:2 - Коми Библия 2023

² Воасны лунъяс, – висьталӧ Господь, – кор Ме чукӧста йӧзӧс тышӧ петны аммон войтырлӧн Равва карлы паныд. Сэки Равва кар лоӧ из чукӧрӧн, сыгӧгӧрса сиктъяссӧ биӧн сотасны. Израиль бӧр бергӧдас аслыс мусӧ, мый сылысь босьтісны, – висьталӧ Господь.

Еремей 49:2 Iomraidhean Croise

Ӧксыяслӧн 2 небӧг 11:1

Во мысти, буретш сійӧ кадӧ, кор ӧксыяс петавлӧны тышӧ, Давид мӧдӧдіс Йоавӧс, став израильса тышкайӧзсӧ да налысь веськӧдлысьяссӧ тыш вылӧ. Найӧ пасьвартісны аммон войтырӧс да кытшалісны Равва кар. А Давид тайӧ кадас вӧлі Ерусалимын.

Псалтыр 48:11

Быдӧн тӧдӧ, мый мывкыдтӧмъяс да вежӧртӧмъяс моз весиг мывкыдаяс кулӧны, ассьыныс эмбурсӧ кольӧны мукӧдлы.

Псалтыр 97:8

Мед сёльӧдчасны юяс, накӧд ӧтвыв мед нимкодясясны керӧсъяс

Исай 11:14

Рытыввылын найӧ уськӧдчасны филистимсаяс вылӧ, асыввывса олысьяслысь куштасны озырлунсӧ. Эдом да Моав лоӧны налӧн кипод улынӧсь, аммон войтыр сетчас налы.

Исай 17:1

Дамаск йылысь водзвыв висьталӧм. Дамаск кар бырас, сійӧ лоӧ киссьӧм карӧн.

Еремей 4:19

– Меным зэв сьӧкыд, менам сьӧлӧмӧй висьӧ дойысь, сійӧ ставнас тіралӧ, ме ог вермы чӧв овны. Ме кыла буксан шы – тыш вылӧ чуксалӧм.

Еремей 49:1

Аммон войтыр йылысь Господь тадзи висьталӧ: – Израильлӧн ӧмӧй абу пияныс, сылӧн ӧмӧй абу пиыс, кодлы овмӧсыс вуджас? Мыйла нӧ Милком идол босьтіс Гад мусӧ, мыйла нӧ сылы юрбитысь войтыр овмӧдчис сэтчӧс каръясӧ?

Езекиль 21:20

Ӧти туйӧдыс шыпурт мед мунас аммон войтырлӧн Равва карӧ, а мӧд туйӧдыс – Иуда муӧ, зумыдмӧдӧм Ерусалим карӧ.

Езекиль 21:25

Тэ, Израильлӧн лёк да шогмытӧм ӧксы, тэнӧ мыждан луныс воис, лёк уджъясыдлы воис пом.

Амос 1:14

Та понда Равва карлысь стенъяссӧ Ме биӧн сота. Тышкайӧзлӧн горзӧм улӧ, ыджыд тӧвнырлӧн омлялӧм улӧ изкарсӧ би ньылыштас.

Авдий 1:19

Негевын олысьяс босьтасны Исав керӧс, керӧсбердса муын олысьяс босьтасны Филистим му. Иуда войтыр босьтас Ефрем да Самария муяс, Венямин чужанкотыр босьтас Галаад му.

Лыд 10:9

Кор тіян муын вӧрӧг уськӧдчас тіян вылӧ, и ті петанныд тышӧ, тутсӧй трубаясӧ, и Господь, тіян Енныд, тӧд вылас уськӧдас тіянӧс да мездас тіянӧс вӧрӧг киысь.

Лыд 21:25

Израиль войтыр босьтіс аморейяслысь став карсӧ да овмӧдчис тайӧ каръясас, тшӧтш Хешбон карӧ да сыгӧгӧрса сиктъясӧ.

Индӧд 13:16

Став эмбурсӧ чукӧртӧй карса изэрд вылӧ, а сэсся сотӧй карсӧ Господьлы, асланыд Енлы, ваян висьӧс моз. Карсӧ мед некор оз ло выльысь лэптӧма, сэні мед некод оз кут овны.

Индӧд 3:11

Васанса Ог ӧксы вӧлі рефа войтырысь медбӧръя морт. Сылӧн кӧртысь вӧчӧм гортйыс куйлӧ аммон войтырлӧн Равва карын. Сылӧн гортйыс ӧкмыс гырддза кузьта, нёль гырддза пасьта».

Нав Исус 17:11

Иссакар да Асир чужанкотыръяслӧн муясысь Манассей чужанкотырлы вичмис Бет-Шеан, Ивлеам, Дор, Эн-Дор, Танак да Мегиддо каръяс, нагӧгӧрса сиктъяс да Нафет муысь коймӧд юкӧныс [сиктъяснас].

Нав Исус 17:16

Ӧсипсянь чужысьяс шуисны: «Тайӧ керӧсвыв муас миянлы дзескыд. Но ковтысын олӧны ханаансаяс, и налӧн эмӧсь тышӧ ветлан тарантасъяс Бет-Шеанын, сыгӧгӧрса сиктъясын да Изреель ковтысын».