Еремей 49:19 - Коми Библия 2023

¹⁹ Йӧрдан юдорса вӧрысь веж йирсянінӧ петысь лев моз Ме виччысьтӧг вӧтла эдомсаясӧс асланыс муысь. Ме пукта налы юралысьӧ сійӧс, кодӧс Ме бӧръя. Эм-ӧ кодкӧ Ме кодьыс? Коді вермас тшӧктыны Менӧ вочавидзны ёрд водзын? Сюрас ӧмӧй сэтшӧм юралысь, коді вермас Меным паныд кыпӧдчыны?

Еремей 49:19 Iomraidhean Croise

1 Каднебӧг 12:15

Буретш тайӧ веськӧдлысьясыс вуджисны Йӧрдан ю медводдза тӧлысьнас, кор Йӧрдан ю вӧлі ойдӧма, да вӧтлісны ковтысын олысьясӧс асыввывладорсьыс и рытыввывладорсьыс.

2 Каднебӧг 20:6

Иосафат кевмысис: «Господьӧй, миян батьяслӧн Енмӧй! Тэ – енэжъяс вылын олысь Ен, Тэ веськӧдлан став войтыръясӧн. Тэнад киын выныс да ыджыдалӧмыс, некод оз вермы водзсасьны Тэкӧд.

Иов 41:10

Сылӧн несйыштӧмысь югдылӧ, сылӧн синмыс асъя кыа кодь,

Иов 9:19

Вермасьны кӧ Сыкӧд – Сійӧ медвынаыс, сувта кӧ ёрд водзӧ, коді Сійӧс вайӧдас сэтчӧ?

Иов 9:21

Ме абу мыжа, но меным ставыс веськодь, меным мустӧм аслам олӧмӧй.

Псалтыр 143:2

Сійӧ буралӧ ме дінӧ. Сійӧ – менӧ Дорйысьыс да Мездысьыс, менам дзебсяніныс да сайӧдыс. Сы вылӧ ме лача кута, Сійӧ сетӧ менам кипод улӧ менсьым войтырӧс.

Псалтыр 76:7

Войнас ме казьтывла ассьым сьыланкывъясӧс, мӧвпала да кӧсъя тӧдны,

Псалтыр 76:8

Господь ӧмӧй пыр кежлӧ эновтіс, Сійӧ ӧмӧй оз нин радейт менӧ?

Псалтыр 89:6

Тэ кылӧдан йӧзӧс ытваӧн моз, налӧн олӧмыс вӧт кодь дженьыд, найӧ вежӧдысь турун кодьӧсь, асывнас сійӧ чепӧсйӧ-быдмӧ, а рытнас нярмӧ-косьмӧ.

Псалтыр 89:8

Тэ тӧдан миянлысь лёк вӧчӧмнымӧс, Тэ аддзан миянлысь гуся мыжъяснымӧс.

Петӧм 15:11

Господьӧй, енъяс пӧвстын Тэ кодьыс абу! Тэ кодь мӧдыс абу! Аслад вежалуннад Тэ нималан, Тэ – повзьӧдана да ошкана, вӧчан шензьӧданаторъяс.

Исай 40:25

Кодкӧд ті ӧткодяланныд Менӧ, эм-ӧ кодкӧ Ме кодьыс, – юалӧ вежа Ен.

Исай 46:9

Казьтыштӧй, мый вӧлі водзынджык, му пуксьӧмсяньыс. Ме – Енмыс, и мӧдыс абу, Ме – Енмыс, и Ме кодь мӧдыс абу.

Еремей 12:5

– Еремей, тэ кӧ мудзан подӧн мунысьяскӧд восьлалігӧн, кыдзи тэныд панласьны вӧвъяскӧд? Тэ кӧ крукасьлан-усьласян шыльыд му вывті восьлалігӧн, мый лоӧ тэкӧд Йӧрдан ю ойдігӧн?

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 30:21

Налӧн ыджыдыс лоӧ на пиысь, налӧн юралысьыс лоӧ на пӧвстысь. Сійӧ матыстчас Ме дінӧ, ӧд Ме матыста сійӧс Ас дінӧ. Коді нӧ ас кӧсйӧм сертиыс лысьтас матыстчыны Ме дінӧ? – висьталӧ Господь. –

Еремей 4:7

Сук вӧрысь петӧ лев, локтӧ войтыръясӧс бырӧдысь. Сійӧ петӧ аслас оланінысь, медым пазӧдны тэнсьыд мутӧ. Тэнсьыд каръястӧ лоӧ кисьтӧма-жугӧдӧма, сэні оз коль олысьыс.

Даниил 7:4

Медводдзаыс вӧлі лев кодь, сылӧн вӧліны кутшлӧн кодь бордъяс. Ме аддзи, мый сылысь бордъяссӧ орӧдісны, сійӧс кыпӧдісны да мортӧс моз сувтӧдісны кок йылас, и сылы сетісны морт сьӧлӧм.

Наум 1:6

Коді вермас паныд сувтны Сылӧн лӧглунлы, коді вермас ловйӧн кольны Сылӧн ыпъялан скӧрлунысь? Сылӧн скӧрлуныс би моз разалӧ, Сы водзын потласьӧны-жугалӧны изкыртаяс.

Закар 11:3

Кылӧ ыж видзысьяслӧн бӧрдӧм, ӧд налысь йирсянінъяссӧ бырӧдӧма. Кылӧ левъяслӧн равзӧм, ӧд Йӧрдан ю бокысь вӧрсӧ куштӧма.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Нав Исус 3:15

Вӧлі нянь вундан кад. Йӧрдан ю сэки ойдлӧ. Но кор [Господьлысь Йитӧд] куд нуысь попъяс тувччисны Йӧрдан юӧ,

Восьтӧм 6:17

Ӧд Сылӧн ыджыд Скӧралан луныс воис нин. Коді вермас сулавны?»