Еремей 49:16 - Коми Библия 2023

¹⁶ Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Еремей 49:16 Iomraidhean Croise

Ӧксыяслӧн 4 небӧг 14:7

Амасей пасьвартіс Сола ковтысын дас сюрс эдомса тышкамортӧс. Сійӧ босьтіс налысь Села кар да сетіс сылы выль ним – Иоктеэл. Тайӧ карыс ӧнӧдз тадзи шусьӧ.

Иов 39:27

Тэнад шуӧмысь ӧмӧй кутш кыпӧдчӧ, джуджыд керӧс йылын позсӧ лӧсьӧдӧ?

Шусьӧгъяс 16:18

Вылӧ кӧ пуксян – олӧмтӧ жугӧдан, ныртӧ кӧ кутан лэптавны – усян.

Шусьӧгъяс 18:21

Мортыд сёрнитӧмнас пӧтӧ, вомсьыс петан кывъяснас пӧткӧдчӧ.

Шусьӧгъяс 29:23

Мортлӧн асьсӧ вылӧ пуктӧмыс янӧдӧ сійӧс, рам сьӧлӧма пыдди пуктӧма лоас.

Сьылан 2:14

Гулюӧй менам, мыйла дзебсясян изкырта потасын, сайӧдчан джуджыд кыр бердын! Петкӧдлы меным чужӧмбантӧ, сет меным кывны гӧлӧс шытӧ, ӧд тэнад гӧлӧс шыыд – небыд, тэнад чужӧмбаныд – мичасьыс-мича!»

Исай 10:14

Ме озырмӧдчи войтыръяслӧн озырлунӧн, быттьӧ лэбач поз пазӧді. Кыдзи эновтӧм позйысь чукӧртӧны лэбачлысь колькъяссӧ, тадзи ме курышті аслам кипод улӧ ставнас мусӧ. Весиг борднас некод эз шеныштлы, вомсӧ эз восьтлы да эз чипӧстлы».

Исай 2:21

Сійӧ пышъяс изкыртаӧ, дзебсяс керӧс потасӧ, ӧд сійӧс полӧм топӧдас Господьлӧн вынысь, Господьлӧн дзирдлунысь сійӧс полӧм босьтас. Господь кыпӧдчас, и йӧзсӧ полӧм босьтас!

Исай 49:25

Но Господь тадзи висьталӧ: – Ӧні вына тышкамортлысь лоӧ мырддьӧма пленӧ босьтӧмаясӧс, дзескӧдысьлысь лоӧ босьтӧма мырддьӧмасӧ. Ме Ачым кута вермасьны тэныд паныд сувтысьяскӧд, Ме мезда тэнсьыд челядьтӧ.

Еремей 48:14

Ті шуанныд: «Ми вына тышкайӧз, дасьӧсь петны тышӧ!»

Еремей 49:15

– Эдом, Ме вӧча тэнӧ войтыръяс пӧвстын медічӧтӧн, йӧз пӧвстын мустӧмӧн.

Еремей 50:29

Чуксалӧй Вавилонлы паныд ньӧввужйӧн лыйсьысьясӧс, кытшалӧй Вавилон кар, медым некод эз пышйы сэтысь. Мынтысьӧй сылы уджъясыс серти, вӧчӧй сыкӧд сідзи, кыдзи сійӧ вӧчис. Ӧд сійӧ кыпӧдчис Господьлы паныд, Израильлӧн вежа Енлы паныд.

Еремей 51:53

Вавилон кӧ кыпӧдчас енэжӧдзыс, лэптас кӧ ассьыс изкарсӧ выліинӧ, весиг сэки Ме мӧдӧда сы дінӧ куштысь-бырӧдысьясӧс, – висьталӧ Господь.

Амос 9:2

Весиг кӧ найӧ мырдӧн пырасны пыдӧстӧминӧ, и сэтысь босьта найӧс. Весиг кӧ кыпӧдчасны енэжӧдз, и сэтысь лэдза найӧс.

Аввакум 2:9

Курыд шог сылы, коді ылӧдлӧмӧн шедӧдӧ аслыс озырлунсӧ, коді лӧсьӧдӧ ассьыс позсӧ кыдз позьӧ вылӧджык, медым лёкыс эз судзӧд сійӧс.

Малакий 1:3

а Исавӧс Ме мустӧмті. Исавлысь керӧсвыв мусӧ Ме вӧчи овтӧминӧн, сеті сійӧс шакалъяслы.