Еремей 48:7 - Коми Библия 2023

⁷ Моав, тэ лача кутін уджъясыд да озырлуныд вылӧ, та вӧсна вӧрӧг кытшалас-босьтас тэнӧ. Кемош идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Еремей 48:7 Iomraidhean Croise

Ӧксыяслӧн 2 небӧг 5:21

Филистимсаяс колисны сэтчӧ ассьыныс бӧлбанъяссӧ, а Давид аслас йӧзкӧд босьтіс найӧс. [Сэсся тшӧктіс сотны биын.]

Ӧксыяслӧн 3 небӧг 11:33

Ме вӧча тадзи, ӧд Израиль войтыр эновтіс Менӧ да кутіс юрбитны сидонсаяслӧн Астарта енлы, моавсаяслӧн Кемош енлы да аммон войтырлӧн Милком енлы. Найӧ оз ветлыны Менам туйӧд, оз вӧчны Ме водзын шогманасӧ, оз овны Менам индӧд-тшӧктӧмъяс серти, оз овны Соломонлӧн Давид батьыс моз.

Ӧксыяслӧн 3 небӧг 11:7

Ерусалимсянь асыввылын сулалысь керӧс вылын Соломон вӧчис моавсаяслӧн зывӧк Кемош идоллы да аммон войтырлӧн зывӧк Молок идоллы юрбитанінъяс.

Псалтыр 40:4

Сылӧн висигас Господь ёнмӧдӧ сійӧс, чеччӧдӧ сійӧс вольпасьысь.

Псалтыр 52:7

Сионысь мед воас Израильлы мездмӧмыс! Кор Енмыс бӧр бергӧдас Ассьыс войтырсӧ пленысь, сэки Яков кутас нимкодясьны, Израиль кутас гажӧдчыны.

Еремей 13:25

Со мый виччысьӧ тэнӧ, Ерусалим, со мый Ме дасьті тэныд, – висьталӧ Господь, – ӧд тэ вунӧдін Менӧ, тэ лача кутін ылӧгыс вылӧ.

Еремей 43:12

Египетса енъяслы юрбитанінъяссӧ Ме бырӧда биӧн. Вавилонса ӧксы сотас юрбитанінъяссӧ, а бӧлбанъяссӧ босьтас аскӧдыс. Кыдзи ыж видзысь босьталӧ аслас паськӧмысь тойяс, тадзи Навукодоносор босьтас Египет. Сэсся сійӧ лӧня мунас.

Еремей 48:13

Моав яналас Кемош идол вӧсна, кыдзи Израиль яналіс Вефиль вӧсна, мый вылӧ лачасӧ кутіс.

Еремей 48:46

Курыд шог тэныд, Моав, Кемош идоллӧн войтырлы воис пом, тэнсьыд ныв-питӧ босьтӧма пленӧ.

Еремей 49:3

Сыркъялӧмӧн бӧрд, Хешбон, ӧд Гай карӧс куштӧма-пазӧдӧма. Гораа горзӧй, Равва карса нывъяс, пасьталӧй шогалан паськӧм, бӧрдӧй да шӧйтӧй-ветлӧдлӧй йӧр пӧлӧн, ӧд Милком идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Еремей 49:4

Мыйла ті ошйысянныд асланыд ковтысъясӧн? Эскытӧм войтыр, тіян ковтысын пондас киссьыны вир. Ті лача кутанныд асланыд озырлун вылӧ, шуаланныд, некод пӧ оз уськӧдчы миян вылӧ.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Осий 10:13

Ті кӧдзинныд пежсӧ, вундінныд лёксӧ, ті сёйинныд ылӧгыслысь вотӧссӧ, ӧд ті лача кутінныд асланыд туй вылӧ, уна лыда тышкайӧзныд вылӧ.

Лыд 21:29

Курыд шог тэныд, Моав! Тэнӧ, Кемош идоллӧн войтыр, лоӧ бырӧдӧма. Тэнад пияныд пышйисны, тэнсьыд нывъястӧ аморейяслӧн Сигон ӧксы нуӧдіс пленӧ.

1 Тимофейлы 6:17

Тайӧ нэмас озыра олысьясӧс велӧд, медым вылӧ эз кыпӧдчыны, лачанысӧ эз кутны бырана озырлун вылӧ, а ловъя Ен вылӧ. Сійӧ лышкыда сетӧ миянлы ставсӧ нимкодясьӧм вылӧ.

Восьтӧм 18:7

Мӧдӧдӧй сылы шогсӧ да мучитчӧмсӧ сы мында, мыйта сійӧ курыштіс аслыс озырлунсӧ да ошкӧмсӧ. Ӧд сійӧ ошйысьӧ ас йывсьыс: «Ме – ӧксы-ань, пукала юралан пуклӧсын, ме абу дӧва, шогсӧ ог тӧд».

Ёрдысьяс 11:24

Тэнад эм му, мый тэныд сетіс Кемош енмыд. Миян эм му, мый миянлы сетіс Господь, миян Енным.