Еремей 48:14 - Коми Библия 2023

¹⁴ Ті шуанныд: «Ми вына тышкайӧз, дасьӧсь петны тышӧ!»

Еремей 48:14 Iomraidhean Croise

Псалтыр 11:1

Сьылысьясӧн веськӧдлысьлы. Ворсӧны кӧкъямыс струнаа ворсанторйӧн. Давидлӧн псалом.

Псалтыр 33:16

Господьлӧн синмыс видзӧдӧ веськыда олысьяс вылӧ, Сылӧн пельыс кылӧ налысь горзӧмсӧ,

Еклесиаст 9:11

Нӧшта ме аддзылі шонді улас, мый панласигӧн тэрыба котӧртысь оз век ло вермысьӧн, медвына тышкасьысь оз век вермы тышын, мывкыдалӧн абу пыр няньыс, вежӧралӧн абу пыр озырлуныс, кужысь морт дінӧ оз век буравны. Быдӧнлӧн аслас кад да аслас олан туй.

Исай 10:13

Ӧд ассурса ӧксы шуис: «Ме сюсь мывкыда морт, ставсӧ тайӧс вӧчи аслам вынӧн да сюсь вежӧрӧн. Ме бырӧді войтыръяслысь мувежтасъяссӧ, кушті налысь озырлунсӧ, вына морт моз шыбиті юралан пуклӧсысь налысь юралысьяссӧ.

Исай 10:16

Та вӧсна Ыджыдыс, Господь Саваоф, жебмӧдас ӧксылысь вынйӧра йӧзсӧ да бипурын моз сотас сылысь нималӧмсӧ.

Исай 16:6

Ми кывлім Моавлӧн вылӧ кыпӧдчӧм йылысь – сійӧ этш тӧдтӧг ышнясьӧ! Ми тӧдам сылысь тшаплунсӧ, вывтіасьӧмсӧ да скӧрлунсӧ, сылысь ковтӧм сёрнисӧ.

Еремей 49:16

Скӧрлуныд да вылӧ кыпӧдчӧмыд ылӧдлісны тэнӧ. Изкарын моз тэ олан джуджыд керӧсъяс вылын. Но тэ кӧ кутш моз овмӧдчан-поздысян выліинӧ, весиг сэтысь Ме шыбита тэнӧ, – висьталӧ Господь.

Еремей 8:8

Ті шуаннныд, ми пӧ мывкыда йӧз, миян пӧ эм Господьлӧн Индӧдыс. Но, збыльвылас, Индӧдӧ велӧдысьяс Индӧдсӧ гижигӧн бергӧдісны сійӧс ылӧгас.

Еремей 9:23

Господь тадзи висьталӧ: – Мывкыда морт мед оз ошйысь аслас мывкыдлуннас, вына морт мед оз ошйысь аслас вынйӧрнас, озыр морт мед оз ошйысь аслас озырлуннас.

Езекиль 30:6

Господь тадзи висьталӧ: Египетлы отсасьысьяс усясны. Бырас Египетлӧн выныс, мыйӧн сійӧ ошйысьӧ. Мигдолсянь Сиенаӧдз йӧзыс шыпурт помысь куласны, – висьталӧ Господь Ыджыдыс. –

Софоний 2:10

Тайӧ суас найӧс вылӧ кыпӧдчӧмысь, суас сыысь, мый найӧ омӧльтісны да повзьӧдлісны Господь Саваофлысь войтырсӧ.