Еремей 48:12 - Коми Библия 2023

¹² Воасны лунъяс, – висьталӧ Господь, – кор Ме мӧдӧда Моав дінӧ вина кисьталысьясӧс. Винаӧс моз найӧ кисьтасны сійӧс, ректасны да жугӧдасны сылысь дозъяссӧ.

Еремей 48:12 Iomraidhean Croise

Псалтыр 2:9

Тэ бырӧдан войтыръясӧс кӧрт беддьӧн, сёй дозмукӧс моз жуглан найӧс торпыригӧдз».

Исай 16:2

Арнон ю вуджигӧн моавса нывъяс лоӧны пышйысь лэбачьяс кодьӧсь, позсьыныс шыбитӧмаяс кодьӧсь.

Исай 30:14

Сійӧс лоӧ жугӧдӧма, кыдзи гырнич вӧчысь жалиттӧг жугӧдӧ сёй гырничсӧ, мый весиг торпыриг оз сюр жуглассьыс, медым пачысь босьтны биа ӧгыр, гӧптысь гумовтны ва.

Еремей 14:3

Ыджыдъяс мӧдӧдӧны ассьыныс кесъялысьяссӧ вала, найӧ мунӧны юкмӧс дорӧ, но ваыс сэні абу. Найӧ бӧр локтӧны куш дозъясӧн, найӧ шӧйӧвошӧмаӧсь, яналӧмӧн вевттьӧны юрнысӧ.

Еремей 19:10

Тэкӧд локтысь юрнуӧдысьяслӧн син водзын жугӧд гырничсӧ

Еремей 25:34

– Сыркъялӧй-бӧрдӧй, Иуда войтырӧс видзысьяс, туплясьӧй пӧим пытшкын, Иуда войтырлӧн ыджыдъяс. Воисны тіянӧс начкан да разӧдан лунъяс, ті усянныд-жугаланныд дона дозмук моз.

Еремей 25:9

Ме чукӧста войвылысь став войтыръяссӧ да мӧдӧда найӧс вавилонса Навукодоносор ӧксы дінӧ, Аслам кесйӧг дінӧ, – висьталӧ Господь. – Ме вайӧда найӧс татчӧ, медым найӧ уськӧдчасны Иуда му вылӧ да иудаса олысьяс вылӧ, тшӧтш орччӧн олысь войтыръяс вылӧ. Ме дзикӧдз бырӧда тіянӧс да тіянкӧд орччӧн олысь войтыръясӧс, пыр кежлӧ вӧча тайӧ муяссӧ овтӧминӧн, тані олысьясӧс – повзьӧдчанторйӧн.

Еремей 48:11

Том кадсяньыс Моав оліс лӧня, вина моз сулаліс аслас дозйын, дозйысь дозйӧ сійӧс эз кисьтлыны, пленӧ эз нуӧдлыны. Та вӧсна сылӧн кӧрыс эз вежсьыв, сысянь ӧвтіс пыр ӧтмоза.

Еремей 48:13

Моав яналас Кемош идол вӧсна, кыдзи Израиль яналіс Вефиль вӧсна, мый вылӧ лачасӧ кутіс.

Еремей 48:15

Моавӧс лоӧ пазӧдӧма, сылысь каръяссӧ бырӧдасны, медбур зонъяссӧ начкасны, – висьталӧ Ӧксы, кодлӧн нимыс Господь Саваоф. –

Еремей 48:38

Моавын став керка вевт вывсянь, изэрдъяс вывсянь кылӧ бӧрдӧм шы. – Ме пасьварті Моавӧс ковтӧм дозйӧс моз, – висьталӧ Господь. –

Еремей 48:8

Вӧрӧг локтас да бырӧдас моавса каръяс, ни ӧти кар оз мездмы. Ковтыссӧ лоӧ бырӧдӧма, вывтасінсӧ лоӧ куштӧма, – тадзи висьталіс Господь.

Наум 2:2

Господь бӧр бергӧдас Яков рӧдлы нималӧмсӧ, бергӧдас Израиль войтырлы нималӧмсӧ, кӧть мырддялысьяс куштісны сійӧс, талялісны сылысь виноград йӧрсӧ.