Еремей 46:5 - Коми Библия 2023

⁵ Но мый Ме аддза? Найӧ повзьӧмаӧсь, бӧр бергӧдчӧны, налысь вына шыпуртаяссӧ пасьвартӧмаӧсь. Найӧ пышйӧны, бӧрлань оз видзӧдны, найӧс быд боксянь повзьӧдлӧны, – висьталӧ Господь. –

Еремей 46:5 Iomraidhean Croise

Олӧм 19:17

«Пышйы керӧсӧ – видз ассьыд олӧмтӧ. Мунігад ковтысӧ эн сувт, бӧрвылад эн видзӧд, мед он кув», – шуис ӧти анделыс Лотлы.

Исай 13:8

Найӧ ёна повзясны, кага вайысь аньӧс моз найӧс суасны сьӧкыд дойяс. Шӧйӧвошӧмӧн пондасны видзӧдны ӧта-мӧд выланыс, налӧн чужӧмныс пондас сотчыны.

Исай 19:16

Сійӧ лунӧ египетсаяс лоӧны аньяс кодьӧсь. Повзьӧмнысла найӧ пондасны тіравны Господь Саваофысь, кор Сійӧ кисӧ лэптас на вылӧ.

Исай 42:17

Сэки пышъясны, яналасны идол вылӧ лача кутысьяс, кодъяс шуалӧны бӧлбанъяслы: «Ті – миян енъяс!»

Исай 5:25

Та вӧсна Господь ёна скӧрмас Аслас войтыр вылӧ, Сійӧ нюжӧдас кисӧ да дойдас найӧс. Весиг керӧсъяс вӧрзясны, йӧзлӧн шойясыс кутасны туплясьны туйяс вылын шыблас моз. Но тайӧн Господьлӧн скӧралӧмыс оз на помась, Сылӧн киыс пыр на нюжӧдӧма, медым мыждыны.

Еремей 20:10

Ме кыла уна йӧзлысь лёк сёрнияс, быд боксянь повзьӧдлӧны менӧ. Найӧ ыззьӧдӧны ӧта-мӧднысӧ, медым вузавны менӧ. Весиг ёртъясӧй виччысьӧны менсьым крукасьӧмӧс, найӧ шуалӧны: «Гашкӧ, сійӧ налькйӧ шедас, сэки ми сійӧс вермам да сылысь водзӧс перъям».

Еремей 46:15

Египет, тэнад вына ыджыдалысьыд усьӧма, ӧд Господь уськӧдіс сійӧс.

Еремей 46:21

Египетлӧн медалӧм тышкайӧзыс тшӧгӧдӧм ӧшпиян кодьӧсь, но весиг найӧ уськӧдчисны пышйыны. Найӧ котӧртӧны, оз сувтлыны, ӧд воис найӧс бырӧдан луныс, воис найӧс мыждан кадыс.

Еремей 49:29

Налысь чомъяссӧ, чом дӧраяссӧ да эмбурсӧ мырддясны, ыжъяссӧ да верблюдъяссӧ босьтасны налысь. Налы пондасны горзыны, найӧс пондасны повзьӧдлыны быд боксянь.

Еремей 49:5

Со, Ме мӧдӧда тіян вылӧ быд боксянь повзьӧдлӧм, – висьталӧ Ыджыдыс, Господь Саваоф. – Тіянӧс вӧтласны, ті пышъянныд, и некод оз чукӧрт тіянӧс.

Еремей 6:25

Энӧ петӧй видз-му вылӧ, энӧ ветлӧдлӧй туй вывті, ӧд вӧрӧг кыйӧдчӧ шыпуртӧн, повзьӧдлӧ быд боксянь.

Езекиль 32:10

Войтыръяс весьӧпӧрасны, кор тӧдмаласны, мый Ме вӧча тэныд. Налысь ӧксыяссӧ полӧм-тіралӧм босьтас, кор Аслам шыпуртӧн Ме кута шенасьны налӧн чужӧмбан водзын. Тэнӧ бырӧдан лунӧ найӧ пондасны дзӧрны асланыс олӧм вӧсна.

Езекиль 39:18

Найӧ кутасны сёйны вына тышкайӧзлысь яйсӧ, юны мувывса ӧксыяслысь вирсӧ. Тайӧ лоӧ васанса тшӧгӧдӧм межъяслӧн, баляпиянлӧн, кӧзаяслӧн да ӧшъяслӧн яй да вир кодьӧн.

Наум 2:8

Ниневия водзысяньыс вӧлі вайӧртӧд кодь, но ӧні сэтысь ваыс пышйӧ. «Сувтӧй, сувтӧй!» – горзӧны, но некод оз бергӧдчыв.

Наум 2:9

Куштӧй сылысь эзысь-зарнисӧ! Сылӧн озырлуныс лыдтӧм-тшӧттӧм, весиг лыддьынысӧ он вермы.

Софоний 1:14

Матын нин Господьлӧн торйӧдӧм луныс, сійӧ матын нин, регыд воас. Кыланныд-ӧ, мый Господьлӧн луныс воӧ нин? Весиг медся повтӧм тышкамортыс курыда бӧрддзас.