3 – Дасьтӧй ичӧт и ыджыд сайӧдъяс, петӧй тышӧ!
Пызан дасьтӧма, джодждӧраяс вольсалӧма, юралысьяс сёйӧны-юӧны. Чеччӧй, юралысьяс, мавтӧй ассьыныд сайӧднытӧ!
– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.
Юӧртӧй войтыръяс пӧвстын: – Дасьтысьӧй ыджыд тыш кежлӧ, чукӧртӧй тышкайӧзӧс! Петӧй тышӧ, вермасьысьяс!
Ниневия кар, тэныд паныд кыпӧдчӧ жугӧдысь-пазӧдысь. Видз изкартӧ да туйтӧ, дасьтысь тыш кежлӧ, ёнмӧд асьтӧ!
Дасьты ватӧ, ӧд тэнӧ лоӧ кытшалӧма, ёнмӧд ассьыд изкаръястӧ, мун да таляв сёйтӧ, дасьты пачтӧ, вӧч кирпичьястӧ.
