Еремей 46:25 - Коми Библия 2023

²⁵ Господь Саваоф, Израильлӧн Ен, висьталӧ: Ме мыжда Но карлысь Амон идолсӧ, фараонӧс, Египет му, сылысь енъяссӧ да ӧксыяссӧ. Ме мыжда фараонӧс да сы вылӧ лача кутысьясӧс.

Еремей 46:25 Iomraidhean Croise

Петӧм 12:12

Дзик тайӧ войӧ Ме муна Египет муӧд да виа тайӧ муысь быд медводдза чужысьӧс йӧз пӧвстысь и ыж-мӧс пӧвстысь. Тадзи Ме мыжда египетса став енсӧ, ӧд Ме – Господь.

Исай 19:1

Египет йылысь водзвыв висьталӧм. Господь пуксис кокньыд кымӧр вылӧ. Сійӧ локтас Египетӧ, Сы водзын кутасны тіравны египетса идолъяс, повзьӧмнысла египетсалӧн сьӧлӧмныс дугдас тіпкынысӧ.

Еремей 44:30

Господь тадзи висьталӧ: ”Ме сеті иудаса Седекей ӧксыӧс вавилонса Навукодоносор ӧксы киӧ, сеті вӧрӧглы, коді корсис босьтны сылысь олӧмсӧ. Тадзи жӧ Ме сета Хофра фараонӧс, египетса ӧксыӧс, вӧрӧг киӧ, сійӧ йӧзыслы, кодъяс корсьӧны босьтны сылысь олӧмсӧ”».

Еремей 49:3

Сыркъялӧмӧн бӧрд, Хешбон, ӧд Гай карӧс куштӧма-пазӧдӧма. Гораа горзӧй, Равва карса нывъяс, пасьталӧй шогалан паськӧм, бӧрдӧй да шӧйтӧй-ветлӧдлӧй йӧр пӧлӧн, ӧд Милком идолӧс нуӧдасны пленӧ, тшӧтш сылы кесъялысь попъясӧс да юралысьясӧс.

Езекиль 30:22

Та вӧсна Господь Ыджыдыс тадзи висьталӧ: Ме паныд сувта фараонлы, египетса ӧксылы, да чега сылысь кыкнан кисӧ – дзоньвидзасӧ и чегӧмасӧ. Ме уськӧда шыпуртсӧ сылӧн киысь.

Софоний 2:11

Найӧ кутасны ёна повны Господьысь, ӧд Господь бырӧдас мувывса став енсӧ. Став йӧзыс кутасны копрасьны Господьлы, быд морт копыртчас Сылы аслас муын.